Henry: Rashford po bën gabimin e jetës

Ti mund ta lexosh kete ne 1 min.
13 Shkurt 2018 17:50
Francezi këshillon sulmuesin

Marcus Rashford duhet të mendojë ta lërë Manchester United në mënyrë që të sigurojë një ekip ku mund të luajë rregullisht dhe të vazhdojë zhvillimin e tij, sipas Thierry Henry. 20-vjeçari ka bërë 25 paraqitje në Premier League këtë sezon, por ai është përfshirë vetëm në 13 prej tyre si titullar dhe jo që nga barazimi 2-2 me Burnley në Boxing Day. Rashford nuk është paraqitur për më shumë se 20 minuta në ndeshjet e kampionatit vitin 2018 dhe Henry ndjen se ai duhet të marrë në konsideratë një lëvizje ndërsa pasi progresi i të rinjve mund të pengohet në “Old Trafford”.

"Një nga gjërat më të rëndësishme për mua është se duhet të luash", tha Henry në “Sky Sports”. "Ju nuk mund të jeni në stol dhe të mungoni një ndeshje, pasi humbni ritmin dhe të mësuarit rreth lojës dhe një shembull është Rashford. Ai nuk mundi të përfitonte nga ajo që bëri pas debutimit të tij, sepse ai njëherë luajti në të djathtë dhe njëherë në të majtë. Largimi është një fjalë e fortë. Natyrisht që ai dëshiron të jetë me United, por ai duhet të luajë dhe po bëhet gjithnjë e më e vështirë për të që nga ardhja e Sanchez", deklaroi ish-ylli i Arsenalit.

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike