Heynckes shpjegon formulën e suksesit

Ti mund ta lexosh kete ne 1 min.
29 Dhjetor 2017 21:51
Është shumë e thjeshtë, mund ta kopjoni!

Jupp Heynckes këtë sezon ka bërë thuajse një mrekulli te Bayern, duke fituar 14 nga 15 ndeshjet e tij në krye të skuadrës bavareze. Nëse me italianin Carlo Ancelotti rekordmenët ishin drejt humnerës, me 72-vjeçarin janë ringjallur.

“Unë u jap besim lojtarëve”, - është shprehur Don Jupp në një intervistë të fundit në “Rheinische Post”, duke theksuar se “suksesi nuk vjen nga një person, por nga të gjithë bashkë”. “Unë jam thjesht personi përgjegjës, i cili i jep drejtimin kolektivit”, - ka shtuar ai.

I pyetur për ecurinë e tij në Mynih, Heynckes ka pranuar se diferenca e madhe me skuadrat ndjekëse në kampionat do ta ndihmojë në Champions League. “Jemi rehat në tabelën e klasifikimit, por ka plot gjëra për t’u përmirësuar. Mund të përgatitemi lehtësisht para ndeshjeve evropiane”.

Bayern tundon lojtarin e Barcelonës, frikësohet Valverde

Ti mund ta lexosh kete ne 1 min.
22 Korrik 2018 15:04
Gjigantët gjermanë ofrojnë 70 milionë euro

Ivan Rakitic bëri një sezon fantastik me Barcelonën dhe paraqitje të shkëlqyer me kombëtaren e tij, Kroacinë në Botëror, ku arritën deri në finale. Megjithatë, në fund triumfuan francezët.

Përformanca e tij e mirë në La Liga me fanellën blagurane dhe në arënën ndërkombëtare në turneun “Rusi 2018”, ka tërhequr vëmendjen e disa prej klubeve gjigante në Evropë. Njëri prej tyre që po insiston për të marrë shërbimet e mesfushorit është Bayern Munich. Kampionët e Bundesligës po përpiqen që të bindin drejtuesit katalanas dhe lojtarin për të nënshkruar në “Allianz Arena”. Mirëpo, Kovacic është lojtar shumë i domosdoshëm për trajneri Ernesto Valverde. Ndërkohë që nga ana tjetër, tekniku i bavarezëve, Niko Kovac ka ngritur në këmbë drejtuesit e klubit që të bëjnë çmos për ta sjellë kroatin në Mynih.

Bayern është i gatshëm të paguajë deri në 70 milionë euro për mesfushorin. Një shumë që natyrisht i tundon të dy palët, si lojtarin ashtu edhe Barçën. Ish-lojtari i Sevillas ka shprehur dëshirën për të qëndruar në “Camp Nou”, por pas kësaj ofertë gjerat mund të ndryshojnë, pasi në Bayern atij do t’i ofrojnë një ‘kontratë ari’dhe pozicionin e siguruar. Rakitic është pjesë e Barcelonës që në 2014-ën, ku ka qëndruar për katër sezone rresht, ku ka luajtur në 135 ndeshje dhe ka shënuar 21 gola. /EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Rikthim te Reali për James Rodriguez? Flet Kovac

Ti mund ta lexosh kete ne 2 min.
19 Korrik 2018 21:10
Shuan të gjitha dyshimet

James Rodriguez u shndërrua në javët e kaluara në një emër të lakuar në merkato, me Real Madrid si denstinacionin e tij të ardhshëm psei vetë lojtar supozohej të kishte kërkuar largimin. Ndërkohë nuk munguan edhe zërat për një transferim të tij në skuadra të tjera.

Por trajneri i ri i Bayern, niko Kovac, ka thënë fjalën e tij në lidhje me këtë çështje, duke theksuar se kolumbiani do të qëndrojë në skuadër të paktën edhe për vitin e ardhshëm, kur përfundon edhe marrëveshja e huazimit me Real Madrid.

27-vjeçari shkëlqeu nën drejtimin e Jupp Heynckes duke fituar një vend titullari, por me mbërritjen e Kovac u përfol sikur kroati nuk e preferonte dhe se nuk do të jepte OK për të mbyllur blerjen e tij në fund të sezonit të ardhshëm. Ndërsa nga ana tjetër trajneri i ri i Real Madrid, Julen Lopetegui, flitet se e pëlqen lojtarin dhe ka ide se si mund të ndërtojë lojën me të në skuadër.

Por, i pyetur në lidhje me të ardhmen e mesfushorit, Kovac tha: “Unë di vetëm që kemi një marrëveshje huazimi dhe që kjo është e vlefshme. Ajo ndërpritet vetëm nëse vendosim që tani ta blejmë përfundimisht lojtarin. Kështu që për momentin ai do të qendrojë këtu dhe është një lojtar i Bayern”.

Vetë lojtari është shprehur disa herë që ndihet i lumtur në Gjermani dhe para nisjes së Botërorit ku nuk luajti pothuajse fare për shkak dëmtimi, kishte deklaruar se objektivi i tij numër një ishte të qendronte në Mynih. “Është bukur të jetosh në Gjermani, stadium janë plot. Edhe pse erdha me medime të tjera këtu shpresoj të qendroj dhe ndihem shumë mirë”, pati deklaruar kolumbiani./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera

Jo vetëm Tolisso, Bayern siguron edhe një tjetër kampion bote

Ti mund ta lexosh kete ne 2 min.
19 Korrik 2018 19:06

Benjamin Pavarad, i saposhpallur kampion bote me Francën, duket shumë pranë firmosjes së një marrëveshjeje me Bayern Munchen. Mbrojtësi i Stuttgart ishte një nga lojtarët më të spikatur në skuadrën e Didier Deschamps gjatë turneut rus duke fituar një vend titullari në të cilin shkëlqeu, duke shënuar edhe një gol fantastik kundër Argjentinës në 1/8-at.

Dhe siç ndodh pothuajse gjithmonë me lojtarët që luajnë në kampionatin gjerman, Bayern raportohet të ketë arritur një marrëveshje për 22-vjeçarin. Ai ka një klauzolë prej 35 milionë Eurosh që hyn në fuqi në fund të sezonit të ardhshëm dhe Bayern mendohet se e ka aktivizuar, për të garantuar lojtarin për sezonin 2019-2020.

Por mbetet ende e hapur mundësia që Bayern të paguajë një shumë më të lartë për të marrë që këtë verë lojtarin, duke parë atë që ai tregoi gjatë Botërorit. Stuttgart nuk ka bërë asnjë koment mbi situatën, por mediet gjermane raportojnë se dy klubet janë në bisedime edhe për një mundësi të tillë.

Vetrë trajneri i Bayern, Niko Kovac, ka ngurruar të flasë për lojtarin: “Nuk mund të them asgjë në lidhje me këtë temë sepse me transferimet merret Salihamidzic, por mund të garantoj vetëm se Pavard është një lojtar shumë i mirë”.

Të mërkurën, në lidhje me transferimin e mundshëm është shprehur edhe Pavard, i cili momentalisht po kalon disa ditë pushimi në vendlindjen e tij, Joumont. “Momentalisht jam lojtari i Stuttgart dhe jam i lumtur. Nuk e di ku do të luaj në të ardhmen”, tha ai.

Edhe pse te Stuttgart janë të dorëzuar për ta humbur lojtarin verën e ardhshme, drejtori i klubit Michael Reschke ka thënë disa herë që do të bëjë çmos për ta mbajtur edhe këtë vit francezin, qoftë edhe duke e shitur e më pas rimarrë në huazim për një sezon.

Gjithsesi, Pavard duket se është lojtar i Bayern tashmë dhe do t’i bashkohet atje shokut të skuadrës në kombëtare, Corentin Tolisso, i cili gjithashtu luan për bavarezët. Gjatë Botërorit ai u aktivizua si mbrojtës i djathtë, por për Stuttgartin ka luajtur si mbrojtës qendre, ndërsa ka dhënë kontribut disa herë edhe në mesfushë./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Bayern e ''heq qafe'', ka garë për Vidal

Ti mund ta lexosh kete ne 2 min.
18 Korrik 2018 22:40
E duan në Angli dhe Itali

Arturo Vidal duket se është gjithnjë e më shumë larg Bayern Munchen. Me mbërritjen e Niko Kovac në drejtim të skuadrës dhe blerjen e Leon Goretzkas nga Schalke, për kilenin nuk ka më vend në klubin gjerman.

Të paktën kështu raporton e përditëshmja “Bild”, e cila madje ka zbuluar edhe skuadrën e ardhshme të mesfushorit. Është pikërisht Napoli i Ancelottit, me trajnerin italian që kërkon të përforcohet sa më shumë për të qenë edhe këtë vit skuadra anti-Juve.

Në garë për Vidal është edhe Manchester United dhe Chelsea, por ajo që i jep një përparësi Napolit është fakti që Ancelotti ka punuar me Bayern dhe pavarësisht shkarkimit sezonin e kaluar, marrëdhëniet e tij me Uli Hoeness dhe Rummenigge janë të mira, të paktën për të mbyllur një marrëveshje si kjo.

Vidal ka një kontratë të vlefshme me Bayern deri në vitin 2019 dhe nëse gjermanët nuk e shesin këtë verë rrezikojnë ta humbasin me parametra zero vitin e ardhshëm. Kështu që do të kërkojnë të përfitojnë sa më shumë dhe pavarësisht preferencës që mund të kenë për Ancelottin, do të shqyrtojnë më parë ofertën ekonomike. Sipas “Bild” Bayern është gati ta shesë lojtarin për një shifër diku te 35 milionë Euro, sigurisht të diskutueshme.

Vetë lojtari ka lënë të kuptohet së fundmi se është i gatshëm të largohet. “Të gjithë e dinë që më ka mbetur edhe një vit kontratë me Bayern. Jam shumë i qetë, e di vlerën që kam dhe prandaj ka aq shumë oferta për mua sa herë që hapet merkato. Këtë herë kam ndërmend ta marr shtruar, do të lë përfaqësuesin tim të merret me gjithçka. Nëse ndryshoj skuadër do të jetë për mirë, për të luftuar për Champions League apo për tituj kampion”, tha ai./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.