Higuain: Vështirë që Lautaro të refuzojë “telefonatat e Barcelonës dhe Messit”

23 Maj 2020

Gonzalo Higuain nuk do të befasohej nëse Lautaro Martinez largohet nga Interi këtë verë, pasi sipas tij është e vështirë të thuash ‘jo’ kur Barcelona dhe Lionel Messi të telefonojnë.

Futbollisti i Juventusit foli me mediumin Libero për formën e tanishme të sulmuesve argjentinas në Evropë, kështu që natyrisht diskutimi u zhvendos tek sulmuesi i Interit, Lautaro Martinez.

Higuain foli fjalë të mëdha për yllin e Interit, ndërsa shtoi se do ta ketë të vështirë të refuzojë Barcelonën dhe të mbetet në Serie A.

Lexo po ashtu: Barcelona arrin marrëveshje personale me Lautaron, afër edhe me Interin

“Është një situatë e komplikuar, si për shembull kur isha 18 vjeç dhe Real Madrid erdhi duke më kërkuar, nuk thashë ‘jo faleminderit’. Ju thjesht nuk e dini se çfarë mund të ndodhë”, ka thënë fillimisht Higuain.

“Natyrisht, nuk dua të krijoj ndonjë polemikë, por është e vështirë të thuash ‘jo’ kur Barcelona dhe Messi të telefonojnë. Nuk do të doja të isha në këpucët e tij tani”.

Messi dhe Lautaro duke shkëmbyer fanellat

“Lautaro është në ngritje, kjo është pjesa më emocionuese e karrierës së tij, ai tashmë është pjesë e një ekipi të madh si Interi pavarësisht se është kaq i ri”.

Lexo po ashtu: Legjenda Stoichkov i sigurt në transferimin e Lautaros te Barcelona: Ka aftësi të mëdha, do kuptohet mirë me Messi dhe Griezmann

“Ai tashmë ka luajtur në Copa America, duke shënuar gola, dhe pa dyshim ka atë që duhet për t’u bërë numri 9 kryesor i Argjentinës”.

“Duke thënë këtë, gjithçka varet nga ai. Ne duhet të shohim se si ai reagon ndaj kritikës dhe forcës së mentalitetit të tij”, përfundoi sulmuesi i Juves. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com