Humbja me Rijekën, Gatusso: Fajin e kam unë

Ti mund ta lexosh kete ne 1 min.
7 Dhjetor 2017 22:37
Humbja me Rijekën, Gatusso: Fajin e kam unë

Humbja ndaj Rijekës duket se ka rënduar akoma më tej gjendjen në skuadrën e Milanit.

Pas largimit të trajnerit Montella dhe ardhjes së Gattuso në krye të stolit kuqezi gjërat, jo vetëm që nuk janë përmirësuar, por duket se janë përkeqësuar.

Pas barazimit turpërues ndaj Beneventos, Milani e ka mbyllur me humbje fazën e grupeve të Europa League, ndonëse e kishte siguruar kualifikimin.

Kuqezinjtë u mposhtën 2-0 nga Rijeka në Kroaci, ndërsa trajneri Gatusso mori përgjegjësitë e humbjes në këtë sfidë dhe pranoi se skuadra është shumë e brishtë.

“Fajin për këtë humbje e kam unë. Aktivizova futbollistët që kanë luajtur më pak, për t’iu dhënë minuta, por jemi shumë të brishtë. Në momentin e parë që goditemi, na mungon forca e reagimit”, tha Gatusso.

Trajneri i Milanit theksoi se skuadra duhet të punojë shumë për t’u përmirësuar, pasi këto paraqitje nuk i shkojnë për shtat fanellës së Milanit.

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike