Dy lojtarët e Kombëtares Shqiptare, Elseid Hysaj i Napolit dhe Thomas Strakosha i Lacios po kalojnë një moment tejet të mirë me skuadrat e tyre.

Mbrojtësi shkodran dhe portieri kuqezi kanë përfituar nga koha e lirë për të konsumuar një pije së bashku, para fillimit të fazës përgatitore. Vetë Hysaj ka ndarë një foto me gardianin e kryeqytetasve në profilin e tij në “Insta Story”, ku duken të dy të qeshur.

Padyshim që dyshja në foto, janë dy ndër lojtarët e momentit në Kombëtaren Shqiptare, kjo falë paraqitjeve të shkëlqyera që kanë bërë me skuadrat e tyre në kampionatin italian. Megjithatë, mund të themi se Strakosha po kalon një super formë me Lacion. /EDS/

Carissa Rosario, është një nga “Wag”-set më të veçanta të NFL. E bukur dhe tejet seksi, e përveç kësaj është e suksesshme në biznesin e saj. Më pak se një vit më parë, ajo kurorëzoi dashurinë me James Anderson, aktualisht lojtar i Neë orleans. Martesa e tyre është cilësuar “përrallore” nga mediat amerikane. Ashtu sikurse edhe karriera e saj.

Carissa është me origjinë portorikane dhe ka fituar në konkursin e vështirë të spektaklit “The Big Time”, ku më pas u bë imazh i revistës FHM dhe Maxim. Pas famës që mori, ajo ka marrë pjesë në videoklipe të ndryshme dhe seri televizive. Bukuroshja e filloi karrierën e saj me biznesin e një linje parfumeve, me të cilën ka korrur sukses në mbarë botën.

Brunia seksi ka 1 milionë ndjekës në profilin e saj në “Instagram”, në të cilin poston foto pafund të fizikut të saj tejet seksi. Kjo vajzë duhet të ndihet me fat, që Zoti e ka bekuar me një bukuri dhe trup të tillë. E përveç kësaj, është edhe tejet inteligjente, për këtë ka kaq sukses në biznesin e saj.  /EDS/

Futbollistët e Chelseas janë paraqitur me veshje interesante në ditëlindjen e David Luiz mbrëmjen e djeshme. Secili prej tyre, kishte veshur një kostum që ngjasonin me personazhe të përrallave, historike apo të filmave. Willian ishte veshur sikur faraon, Asmir Begovic si futbollisti amerikan Tom Brady dhe John Terry si Honey Monster.

Pasi siguruan kualifikimin për në finalen e FA Cup ndaj Manchester United, londinezët kanë përfituar nga koha e lirë për t’u argëtuar në 31-vjetorin e lindjes së shokut të tyre. Të gjithë ishin shoqëruar nga partneret e tyre dhe fëmijët, të cilat gjithashtu i ishin përshtatur festës me një veshje interesante.

Cesc Fabregas, ishte një nga personazhet që pikasi më shumë në mbrëmjen e djeshme, për shkak të kostumit që mbante veshur. Mesfushori spanjoll ishte i shoqëruar me dy patriotët e tij, Pedro dhe Marcos Asensio. 31-vjeçari ishte i veshur si një nga personazhet e “shkollës së vjetër” që dilnin në disko, ndërsa Pedro erdhi si Harley Quinn së bashku e Alonson si Batman.

Portieri Willy Cabellero zgjodhi një kostum të thjeshtë, me një paruke të vendosur në kokë, ndërsa Andreas Christensen si gangster dhe Eden Hazard, si një grabitës bankash. /EDS/

Sophie Rose është bashkë-themeluese e CFCFAN TV, një televizion jozyrtar i Chelseas. Ajo njihet ndryshe si një nga tifozet më të zjarrta dhe të çmendura të londinezëve që udhëhiqen nga trajneri italian, Antonio Conte.

Sophie poston foto dhe video të shumta me fansat e “Bluve të Londrës” dhe momente nga programet televizive që realizojnë në kanalin e tyre. Mirëpo, në profilin e saj në “Instagram”, nuk mund të mungonin fotot provokuese dhe tejet seksi që ajo poston të fizikut të saj në top formë.

Brunia ka një numër të madh ndjekësish në këtë rrjet social, 82.6 mijë të tillë, ku merr komente dhe pëlqime pafund. Duhet të themi që Chelsea dhe tifozët e saj duhet të ndihen me fat për këtë vajzë. /EDS/