Elseid Hysaj është kthyer në një lojtar shumë të rëndësishëm për ekipin e Napoli-t. Ai është i domosdoshëm për skemat e trajnerit Maurizio Sarri që e mori atë nga Empoli. Paraqitjet e mira të Hysajt kanë bërë që të kthehet në një ndër lojtarët e preferuar të tifozëve napolitanë.
“Napoli ka marrë një fenomen, por askush nuk e thotë këtë gjë: Elseid Hysaj është i jashtëzakonshëm. Ai është vetëm 23-vjeç, çfarë kampioni! Luan si të ishte veteran. Mario Rui po bën mirë në krahun e majtë, por Hysaj është i mrekullueshëm. Jam i çmendur për të”, – thotë një tifoz i Napoli-t, në emisionin “Kiss Kiss Napoli”, i drejtuar nga Paolo Del Gen-i.
Drejtuesi i emisionit nuk e kundërshtoi tifozin dhe konfirmoi fjalët e tij: “Ka potencial të madh edhe në Bergamo zhvilloi një ndeshje të madhe”, – u shpreh drejtuesit Paolo Del Gen-i. /EDS