Icardi shumë afër rinovimit me Interin

23 Janar 2019
Icardi shumë afër rinovimit me Interin

Mauro Icardi besohet se është shumë afër nënshkrimit të kontratës së re me Interin.

Sipas Sport Mediaset, pronari i Interit, Zhang Jindong dhe djali i tij, presidenti Steven, personalisht kanë ndërhyrë në negociatat me Icardin.

Transmetuesi italian me bazë në Milano sqaron se bosët e Interit i kanë ofruar një pagë prej shtatë milionë eurosh dhe një klauzolë prej 180 milionë eurosh për klubet e huaja, valide nga 15 korriku.

Me këtë rast, tashmë konsiderohet se rinovimi i kapitenit të Interit është vetëm formalitet dhe se tashmë po bëhen gati përgatitjet për konfirmimin zyrtar.

Icardi ishte subjekt i spekulimeve kryesisht për shkak të bashkëshortes së tij e cila nxiti shumë spekulime duke mos mbyllur mundësinë e largimit nga Milano.

Vet sulmuesi në mesin e polemikave kërkoi qetësi duke premtuar reflektim mbi situatën.

Fillimisht u besua se Icardi kërkon 10 milionë euro në sezon, por tashmë duket se palët janë pajtuar për një pagë në vlerë shtatë milionë euro në sezon që e bën atë lojtarin më të paguar zikaltër. /Telegrafi/

www.telegrafi.com