Interi vepron rrufeshëm, gati firma me dy përforcime

Ti mund ta lexosh kete ne 1 min.
12 Janar 2018 12:48
Mungo firma me Rafinha-n dhe Lisandro Lopez

Rafinha është një hap larg Interit. Klubi zikaltër ka marrë miratimin e futbollistit dhe për të mos humbur kohë ia kanë rritur ofertën Barcelonës që ta lërë të lirë mesfushorin.

Italianët duan ta marrin 24 vjeçarin të huazuar me të drejtë blerjeje për shumën e 20 milionë eurove, shto këtu edhe 3 milionë euro bonus.

Braziliani ka 8 muaj pa luajtur dhe Interi në fillim është i interesuar për gjendjen fizike të tij. Vizitat mjekësore do të përcaktojnë situatën reale, por italianët besojnë se Rafinha do të jetë një element me rëndësi për ekipin.

Ndërkohë, nëna 80 vjeçare e trajnerit Luciano Spalletti mund të qëndrojë e qetë. Kjo sepse Interi gjeti mbrojtësin e ri të qendrës. Ai quhet Lisandro Lopez dhe vjen nga Benfica.

Palët kanë gjetur akordin dhe mungon vetëm firma. Interi do të paguajë 8 milionë euro për kartonin e 28 vjeçarit.

 Ai është i gjatë 189 cm dhe peshon 80 kg. Ai jep mjaft siguri në prapavijë dhe goditja me kokë është pika e tij më  e fortë.

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike