Interi vepron rrufeshëm, gati firma me dy përforcime

Ti mund ta lexosh kete ne 1 min.
12 Janar 2018 12:48
Mungo firma me Rafinha-n dhe Lisandro Lopez

Rafinha është një hap larg Interit. Klubi zikaltër ka marrë miratimin e futbollistit dhe për të mos humbur kohë ia kanë rritur ofertën Barcelonës që ta lërë të lirë mesfushorin.

Italianët duan ta marrin 24 vjeçarin të huazuar me të drejtë blerjeje për shumën e 20 milionë eurove, shto këtu edhe 3 milionë euro bonus.

Braziliani ka 8 muaj pa luajtur dhe Interi në fillim është i interesuar për gjendjen fizike të tij. Vizitat mjekësore do të përcaktojnë situatën reale, por italianët besojnë se Rafinha do të jetë një element me rëndësi për ekipin.

Ndërkohë, nëna 80 vjeçare e trajnerit Luciano Spalletti mund të qëndrojë e qetë. Kjo sepse Interi gjeti mbrojtësin e ri të qendrës. Ai quhet Lisandro Lopez dhe vjen nga Benfica.

Palët kanë gjetur akordin dhe mungon vetëm firma. Interi do të paguajë 8 milionë euro për kartonin e 28 vjeçarit.

 Ai është i gjatë 189 cm dhe peshon 80 kg. Ai jep mjaft siguri në prapavijë dhe goditja me kokë është pika e tij më  e fortë.

De Laurentiis zbulon merkaton dhe ndalet te Cavani

Ti mund ta lexosh kete ne 2 min.
22 Korrik 2018 23:32
Thumbon presidenti

Mbrojtësi i Manchester United, Matteo Darmian, është një nga opsionet e shumta që Napoli po e konsideron këtë merkato vere, konfirmoi presidenti i klubit, Aurelio De Laurentiis. 28-vjeçari po hyn në vitin e fundit të kontratës së tij në “Old Trafford” dhe ka përshkruar një dëshirë për të luajtur rregullisht sezonin e ardhshëm. De Laurentiis ka konfirmuar se Napoli është duke kërkuar të nënshkruajë me një mbrojtës të djathtë, me kolumbian Santiago Arias nga PSV Eindhoven, një prej opsioneve që ata janë duke kërkuar përveç Darmian. "Ka pesë ose gjashtë emra në listë. Ne jemi duke monitoruar Arias dhe Darmian, i cili mund të luajë në të dy anët. Të gjithë do të donim të nënshkruanin me Darmian për shkak të shkathtësisë së tij", tha De Laurentiis për "Radio Kiss Kiss".

Minutazhi i Darmian ka qenë i kufizuar që nga ardhja e trajnerit Jose Mourinho, me italianin duke bërë vetëm 17 paraqitje në të gjitha garat sezonin e kaluar. Nënshkrimi i Diogo Dalot nga Porto sugjeron se shanset e tij në “Old Trafford” do të bëhen edhe më të vogla nëse ai vendos të qëndrojë në sezonin e ardhshëm. “Sky” në Itali njoftoi muajin e kaluar se agjenti i Darmian u takua me drejtorin sportiv të Juventus, Fabio Paratici me negociatat në vazhdim. De Laurentiis hodhi poshtë raportet që lidhin Napoli me mbrojtësin e Barcelonës, Lucas Digne, duke vënë në dukje se klubi pritet që së shpejti të ketë të gatshëm Faouzi Ghoulam shumë të vlerësuar, nga një dëmtim në gju.

De Laurentiis gjithashtu mohoi se Napoli është i interesuar për nënshkrimin e Alvaro Morata nga Chelsea apo për të sjellë sulmuesin e Paris Saint-Germain, Edinson Cavani përsëri në “San Paolo”. "Nuk e kam telefonuar kurrë agjentin e Cavani-t", tha De Laurentiis, që vazhdoi: "Unë nuk e kam takuar Cavani-n për shumë vite dhe nuk do të shkoj në Paris për ta takuar atë. Kam lexuar se PSG dëshiron 55 milionë euro për të. Ne e shitëm për 63 milionë euro nuk do të lejoj kurrë që ata të marrin paratë e mia". /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Juventusi ofron 30 mln euro për yllin brazilian, Porto heziton

Ti mund ta lexosh kete ne 1 min.
22 Korrik 2018 19:49
'Zonja' ofron pak

Alex Telles pas dy sezonesh të shkëlqyera në Portugali ka tërhequr interesin e klubeve më të mëdha në Evropë. Sipas raporteve të fundit të “UOL Esporte”, Juventusi ka bërë një ofertë për mbrojtësin e krahut të majtë të Porto-s, ndërsa ata kërkojnë të përgatisin skuadrën e tyre për largimin e Alex Sandro; i cili është një objektiv për Manchester United dhe Paris SG. Sipas këtyre raporteve nga portali brazilian, Juventusi ka bërë një ofertë hapëse prej 30 milionë eurosh për 25-vjeçarin, por Porto thuhet se nuk është e interesuar, në rast se “Zonja e Vjetër”, nuk përmbush klauzolën e lirimit prej 40 milionë eurosh. Telles do të ishte një zëvendësues i ngjashëm për Sandro, ndërsa ka përvojë në Serie A, duke luajtur për Interin në të kaluarën.

25-vjeçari kaloi një sezon në huazim me klubin e Milanos në sezonin 2015/2016, duke bërë 21 paraqitje në Serie A përpara se të kthehej në Turqi te Galatasaray; atë verë, ai nënshkroi për portugezët e Porto-s. Tani, duket sikur “Zonja e Vjetër”, po ideon një lëvizje për Telles, duke dhënë një nxitje inkurajuese për Manchester United dhe Paris Saint-Germain. Në dy sezonet e fundit 25-vjeçari grumbulloi 62 ndeshje në kampionat ndërsa shënoi edhe katër gola me fanellën e Porto-s. Drejtuesit e bardhezinjve po ndërtojnë një skuadër kompetitive për të fituar trofeun e Champions League. Telles, nuk ka një eksperiencë të madhe, por premton shumë për të ardhmen dhe bardhezinjtë duan ta mbyllin sa më parë marrëveshjen me mbrojtësin brazilian. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Inter përfiton nga Rummenigge, në avantazh për mesfushorin e Bayern

Ti mund ta lexosh kete ne 2 min.
22 Korrik 2018 13:28

Inter duket se është pothuajse kompletuar në prag të sezonit të ri kur pas vitesh mungesë rikthehet edhe në skenën e madhe të Champions League. Por përveç një mbrojtësi të djathtë për të plotësuar numerikisht skuadrën, duhet një lojtar i nivelit të lartë në mesfushë për të sjellë edhe ndryshimin në cilësi.

Emra të tillë për mesfushën ka, por për momentin në krye të listës së dëshirave të drejtuesve zikaltër është Arturo Vidal. Mefushori është pothuajse i larguar nga Bayern dhe me një vit kontratë që i ka mbetur, klubi gjerman do të ishte i gatshëm ta shiste për një ofertë të mirë. Në fakt është pikërisht shifra, diku te 30 milionë Euro, që bashkuar me rrogën prej 8 milionë Euro në sezon që ka kileni, e bën pak të vështirë për drejtuesit që ta mbyllin shpejt marrëveshjen.

Për më tepër Vidal pëlqehet edhe nga Ancelotti dhe De Laurentiis mund të jetë më i gatshëm të shpenzojë shifrat që kërkon Bayern. Manchester United dhe Chelsea sigurisht që kanë shumë më tepër mjete financiare për ta mbyllur këtë marrëveshje, por me sa konfirmohet nga mediet italiane vetë lojtari preferon një rikthim në Itali, ku ka luajtur më parë me Juventus.

Ancelotti ka ruajtur marrëdhënie të mirë me Honess dhe Rummenigge, por nëse bëhet fjalë për Interin, Kalle gjithmonë ka shfaqur një debolesë. E është pikërisht drejtori i pëgjithshëm i Bayern, i cili në karrierën e tij ka luajtur edhe me zikaltrit, që mund të “vërë dorën në zemër” dhe të marrë në konsideratë ofertën e Interit, që sigurisht duhet të përmbushë kërkesat e klubi bavarez.

Për të pasur “xhepat” plot për këtë blerje Interi duhet të shesë dikë, me shumë mundësi Borja Valero dhe njëri mes Vecinos e Galiardinit. Por në këmbim do të kishte një mesfushë luksi me Brozovic, Nainggolan e Vidal, që do garantonte qetësi për mbrojtjen dhe një ndihmë të madhe për sulmin./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Milan e do me patjetër, por rusët i hapin punë

Ti mund ta lexosh kete ne 1 min.
22 Korrik 2018 13:25
Gattuso kërkon mesfushorin kroat

Në Milano ka qetësi më në fund, pas vendimit të TAS.  Gjykata e Arbitrazhit Sportiv në Lausanne ka rikthyer dosjen e Milanit te UEFA për një dënim më të përshtatshëm dhe mundësinë e rishqyrtimit të Settlement Agreement, që do të detyrojë klubin kuqezi të zbatojë parametrat e vendosura nga Fair Play Financiar dhe do ta lejojë që të marrë pjesë në Ligën e Evropës këtë sezon (2018-2019). Kështu që tashmë i gjithë fokusi është tek merkato.

Badelj është një nga objektivët kryesorë të trajnerit Gennaro Gattuso në merkato. Me largimin e mundshëm të Montolivos dhe Locatellit, kuqezinjtë po përpiqen që të përforcojnë mesfushën. Një prej lojtarëve që ka tërhequr vëmendjen e teknikut 40-vjeçar është Milan Badelj. 29-vjeçari kroat ka ndërprerë së fundmi kontratën me Fiorentinën, ku ka luajtur për katër sezone rresht. Mirabelli dhe Gattuso janë takuar në Milanello me agjentin e lojtarit, Alessandro Lucci ku kanë biseduar për të marrë shërbimet e kroatit. Mesfushori është shumë pranë marrëveshjes me Zenitin, ndaj Milan e ka tepër të vështirë garën me klubin rus. Kuqezinjtë po përpiqen të bëjnë maksimumin për të bindur agjentin dhe lojtarin që të blejnë kartonin e tij. Rino e do me patjetër në skuadër Badelj, pasi shihet si një lojtar me karakteristika të mira për mesfushën në “San Siro”.

Ndërkohë që janë edhe në kërkim të një sulmuesi të ri. Në listën e Gattusos deri tani janë përfshirë tre emra me rëndësi, si Alvaro Morata, Gonzalo Higuain dhe Immobile, por jo vetëm.

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.