Intervista/ Nga fusha në studio, Lorenc Jemini rrëfen 20 vitet në gjykim

Ti mund ta lexosh kete ne 4 min.
12 Janar 2018 10:46
Një jetë mes kënaqësive dhe presioneve, si ndihet tani që është tërhequr ish- arbitri i FIFA-s

Kur përmendet emri i tij, padyshim që na kujtohen emocionet e shumta që kemi përjetuar në ndeshjet e forta që ai arbitronte. Bëhet fjalë për një nga arbritrat më të mirë shqiptarë, Lorenc Jemini.

Pas 20-vitesh në fushën e blerë, vendosi (pa dëshirën e tij) ta mbyllte karrierën si gjyqtar. Punë që e bënte me dëshirë, ashtu siç e përshkruan edhe vetë ai në intervistën e dhënë për portalin tonë eduasportin.com.

Në fushë është karakterizuar nga autoriteti, por nga ana tjetër të gjithë ata që e njohin, e dinë mirë që pjesë e tij është transparenca me miqtë, si edhe me medien.

Jemini ka rrëfyer “pa dorashka” eksperiencën e tij disa vjeçare si arbitër, emocionet, vështirësitë dhe përplasjet që ka pasur. Pa harruar edhe pasionin e madh që kishte për këtë profesion. 

I dhatë “lamtumirën” karrierës si arbitër. Sa e vështirë ishte dhe pse kaq papritur ?

Në fakt ishte shumë e vështirë për mua pas një karriere 20-vjeçare si arbitër. Por, për disa mosmarrëveshje me FSHF-në vendosa të tërhiqem edhe pse nuk dëshiroja. Nuk mund të qëndroj diku nëse nuk më vlerësojnë si dikur. Ndoshta një ditë do ta kuptojnë gabimin që kanë bërë.

Si e priti familja ?

Vajzat e mia, 15 dhe 12 vjeçe, akoma nuk e besojnë që unë nuk do të jem arbitër. Pasi ishin mësuar të shihnin kur babai i tyre arbitronte pesë derbi (Partizani – Tirana) rresht (rekord më vete ky). Për më tepër më luteshin që ti shoqëroja në shkollë, pasi shokët e shoqet e klasës dëshironin të më takonin, të bënin edhe foto. Kam shkuar sigurisht, por tashmë fakti që nuk jam më arbitër, në të vërtetë i ka mërzitur shumë. Ndërsa bashkëshortja mendon ndryshe. Ajo e kupton më mirë situatën dhe më tha “më mirë, pasi çdo gjë ndodh për një arsye”. 

Si ndiheni në pozicionin e opinionistit?

Shumë mirë ndihem, por sigurisht, jo dhe aq mirë sa në fushë. Fushën e zotëroja totalisht ndërsa në studio kam akoma vështirësi por shumë shpejt do të jem si në fushë.

Le t’iu rikthejmë pak në fushë. Cili ka qenë lojtari që ju ka bezdisur dhe nervozuar më shumë?

Të jem i sinqertë, kam patur marrëdhënie shumë të mira me futbollistët. Madje, shumë prej tyre më kanë dërguar mesazh dhe më kanë pyetur pasi nuk e besonin që po e lija arbitrimin. Mund të përmend disa emra, Bekim Kuli, Sajmir Patushi, Arlind Nora para shumë vitesh. Për periudhën e fundit mund të them, Kalari dhe Vangjeli.

Cili ka qenë kartoni i kuq më i nxituar që keni dhënë?

Të mendohem, pasi kam shumë....

Na thuaj disa prej tyre.

Kam nxjerrë njëherë dy kapitenët, Mukën dhe Poçin në derbin e atëhershëm Dinamo – Tirana.

U penduat pas ndeshjes?

Nuk jam penduar shpesh për dhënien e kartonëve të kuq, sepse kurrë nuk i jepja kot. Por, në rastin konkret po, pasi mund ta anashkaloja. Mirëpo, atëherë isha më i ri dhe shumë më strikt në menaxhimin e lojës.

Jeni konfliktuar ndonjëherë me trajnerët apo presidentët pas ndeshjes?

Me presidentët kam pasur disa përplasje, si me atë të Laçit (Laskën) apo të Shkumbinit (në atë kohë deputeti Sulaj). Ndërsa me trajnerët nuk kam pasur, përveç ndonjë debati në pankinë, por që i kam nxjerrë jashtë për protestë. Këtu mund të përmend, Starovën, Dajën, Muçën dhe ndonjë tjetër që për momentin nuk po më kujtohet.

Cila ka qenë ndeshja më e vështirë që keni arbitruar?

Pjesën më të madhe të ndeshjeve që kam arbitruar kanë qenë të vështira. Mi kanë besuar për shkak të autoritetit (nuk dorëzohesha lehtë kundrejt presionit) dhe për arsye të stemës së FIFA-s. Mund të veçoj dy prej tyre, Laçi – Kastrioti në vitin 2011 dhe Shkumbini – Besa në 2009-ën.

Ju kanë kërcënuar ndonjëherë?

Sigurisht që po, janë pjesë e futbollit edhe kërcënimet. Kam marrë mesazhe apo telefonata anonime dhe i kam paraqitur në FSHF me detaje.

Keni pasur ndonjë rast që jeni nervozuar aq shumë në fushë, saqë keni dashur ta lini përgjysmë ndeshjen?

Jo, asnjëherë. Nuk dorëzohem kurrë në jetë, aq më shumë në arbitrim, në një profesion që e dashuroj.

Si e komentoni ndryshimin e nivelit të arbitrimit në vend?

Vështirësia më e madhe në arbitrim është unifikimi sepse jo të gjithë arbritrat janë njësoj si karaktere dhe sjellje brenda dhe jashtë fushës.

Si është një ditë e juaja pa arbitrim?

Ditët i kam të gjata në fakt. Herët në mëngjes nis me përgatitjet për të filluar punën dhe vazhdoj në darkë me stërvitjen rutinë.

Me çfarë merreni në përditshmëri?

Kam prej shumë vitesh një agjenci “Real Estate” dhe pjesën më të madhe të ditës merrem me biznesin.

A është e kënaqshme paga e një arbitri?

Po, sigurisht, sepse një arbitër në Superligë merr 40.000 lekë të reja për një ndeshje. Në Kategorinë e Parë, paguhen 30.000 lekë ndërsa në të dytën 20.000 lekë. Për nivelin ku jetojmë besoj është e kënaqshme. Mos të harrojmë që arbritrat bëjnë edhe punë të tjera, arbitrimin e kanë part-time.

Cili grup tifozësh ju ka bezdisur më shumë në stadium?

Tifozët në Vlorë (të Flamurtarit), kanë fjalor shumë banal. Por, nuk mbeten pas as ato të Laçit dhe Bylisit. Janë shumë agresivë në shkallët e stadiumit.

Ju kanë ofruar ndonjëherë favore (para) për të trukuar ndeshje?

Po të më kishin ofruar dhe t'i kisha pranuar do të isha akoma arbitër. (qesh)

Intervistoi: Eva MARKU

Flamurtari i cunguar, mungesat bëhen katër

Ti mund ta lexosh kete ne 1 min.
26 Prill 2018 13:24
Tre prej tyre në sulm

Flamurtari udhëton të premten drejt Gjirokastrës dhe do të kërkojë të marrë pikët e plota me Luftëtarin e vendit të tretë, për të shpresuar në arritjen e objektivit Europë nga kampionati. Skuadra vlonjate, që tanimë drejtohet nga Ardi Behari dhe Vasil Ruci, ka disa probleme para këtij takimi të rëndësishëm dhe janë tre lojtarë të sulmit që shqetësojnë stafin teknik. Njëri prej tyre mungoi edhe në ndeshjen e fundit me Teutën dhe bëhet fjalë për sulmuesin Secou Camara.

Futbollisti nga Guinea ende nuk është i gatshëm për stafin teknik, ndërkohë që ndaj durrsakëve janë dëmtuar edhe dy lojtarë të tjerë të rapartit të sulmit. Ardit Hoxhaj e pësoi me skuadrën bregdetare dhe do të humbasë sfidën me Luftëtarin, ndërkohë që nuk do të rrezikohet as me Danilo Alves. Braziliani një ditë më parë nuk është stërvitur me grupin dhe me gjirokastritët do të duhet të pushojë, pasi duan që ai të jetë gati për takimin e radhës me Vllazninë.

Kështu stafi teknik duhet t’i bëjë llogaritë pa të tre këta lojtarë të sulmit, si dhe pa qendërmbrojtësin Franc Veliu, i ndëshkuar me karton të kuq në sfidën me Teutën. Gjithsesi alternativat nuk mungojnë te vlonjatët, pasi lojtarë si Touncara dhe Nedeljkovic janë gati për stafin teknik, ashtu si edhe kapiteni Tomislac Bushic, që është edhe rikthimi i madh për vlonjatët në ndeshjen kundër Luftëtarit.

Diferenca mes Flamurtarit dhe gjirokastritëve është vetëm 4 pikë, duke bërë që vendi i tretë për vlonjatët të jetë në garë ende për vendin e tretë. Një fitore do i afronte shumë me objektivin Europë, ndaj edhe mobilizimi është maksimal në kampin kuqezi. Nga ana tjetër ata e dinë mirë se me skuadrën e Hasan Likës nuk do të jetë e lehtë, edhe pse në të shkuarën kanë arritur të dalin me pikë nga Gjirokastra. /EDS/

 

Botërori 2018, a do të jetë Icardi ne Rusi? Bomberi flet me kode

Ti mund ta lexosh kete ne 2 min.
26 Prill 2018 12:46
Ja c'thotë ylli i Argjentinës

Ylli i Interit, Mauro Icardi në një intervistë të dhënë për "Ole" ka thënë se nuk beson që do të luajë në Botëror. Kapiteni i zikaltërve, ka shënuar 26 gola në 30 ndeshje të Serie A këtë sezon, përfshirë katër të tillë në fitoren 5-0 ndaj Sampdorias më 18 mars. Ai u thirr në katër ndeshjet kualifikuese të Kupës së Botës në fund të vitit të kaluar, por duket që nuk është më pjesë e planit të trajnerit, Jorge Sampaoli.

“Nuk ka asgjë të çuditshme, mendoj se është vetëm fakti që nuk kisha shumë minuta në fushë”- tha 25-vjeçari.

Ai luajti në tre nga katër ndeshjet që u thirr me Argjentinën, për 90 minuta të plota në barazim pa gola kundër Uruguait më 31 gusht. Në barazimin 1-1 ndaj Venezueles, më 5 shtator u zëvendësua pas 74 minutave ndërsa ndaj Perusë u la në stol pa i dhënë asnjë minutë në dispozicion. Më pas në fitoren 3-1 me Ekuadorin, u aktivizua në minutën e 76-të. Trajneri Sampaoli e la jashtë listës në dy ndeshjet miqësore që u zhvilluan në mars, ndaj Italisë dhe Spanjës.

“Nuk e di nëse u bëra pjesë e kombëtares në kohën e duhur, për shkak të presionit që kemi pasur. Por bëra atë çfarë stafi dhe trajneri më kërkuan, dhe e vërteta është se, jam shumë i lumtur që luajta një rol në këto kualifikuese”.

Në një konferencë për shtyp, Sampaoli ka deklaruar se 80% të skuadrës e ka gati për në Botëror, por kjo nuk do të thotë se lojtarët e tjerë nuk do të merren parasysh.

“Unë jam 25-vjeç, për tre vite rresht jam kapiten i Interit dhe jam pjesë e klubit me golat e mi. Vazhdoj ëndërroj të luaj në Botëror, tani apo më vonë. E kam këtë qëllim. Nëse nuk ndodh tani, do të ndodhë më vonë”.

Icardi do të ketë shansin që të udhëtojë në Rusi me skuadrën e tij përfaqësuese, nëse Sergio Aguero nuk do të rikuperohet plotësisht. Javën e kaluar, sulmuesi i Manchester City-t iu nënshkrua një operacioni në këmbën e majtë.

“E vetmja gjë që shpresoj është që ai të rikuperohet shpejt, sepse të gjithë duan që ai të ketë sukses dhe ai i njeh përgjegjësitë dhe krenarinë që të jep ajo fanellë”.

I pyetur për lojtarët që tekniku i Argjentinës ka thirrur, ai nuk i kurseu vlerësimet ndaj tyre.

“ I njoh ata dhe i vlerësoj shumë si lojtarë dhe shokë. E meritojnë të jenë atje. Nëse janë zgjedhur, duhet t’i mbështesim dhe të besojmë tek ata në Kupën e Botës. Samapoli e di që është një përgjegjësi e madhe dhe se roli ynë në skuadër ka qenë i merituar. Ai e di gjithashtu se jam i gatshëm. Në ose jashtë ekipit, do të ndihem sikur jam me shokët e skuadrës”- ka përfunduar ylli i Inter, i cili shpreson që të marrë një ftesë për Botërorin që do të fillojë më 14 qershor në Rusi. /EDS/

Skënderbeu me një 'formacion' në Apelin e UEFA-s

Ti mund ta lexosh kete ne 2 min.
26 Prill 2018 12:31
Ka nisur seanca dëgjimore

Ka nisur seanca dëgjimore e Skënderbeut para Komisionit të Apelit të UEFA-s, ku korçarët do të bëjnë mbrojtjen e tyre për dënimin 10-vjeçar që i është dhënë nga Komisioni i Etikës me 10 vite pezullim nga komepticionet Europiane dhe 1 milion euro gjobë. I vetmi futbollist që është kërkuar nga Apeli i UEFA-s ka qenë ai i Sabjen Lilajt, por avokatët kanë kërkuar që numri i lojtarëve të shtohet. Fillimisht i tha se do të ishte edhe Nimaga që do të udhëtonte drejt Zvicrës, por është bërë e mundur që ai të japë dëshminë e tij nëpërmjet video-konferencës nga ambientet e stadiumit “Skënderbeu”, ku nuk janë lejuar përfaqësuesit e mediave. Pork, ajo që ka befasuar të gjithë është fakti se në Nion janë paraqitur për të dhënë dëshmitë e tyre edhe dy ish-lojtar të Skënderbeut. Bernard Berisha që luan në Rusi të Ahmat Grozni dhe Lirion Latifi që është pjesë e Pushkash Akademi në Hungari. Bashkë ma ta është edhe ish-kapiteni Bledi Shkëmbi. Futbollistët do të jenë në mbrojtje të Skënderbeu, për akuzat që janë ngritur. Megjithatë drejtuesit korçar kanë bërë me dije se nuk presin ndryshim të masë së dënimit nga Komisioni i Apelit dhe zgjidhja e vetme do të jetë në CAS.

Ditën e sotme do të ketë një seancë maratonë, ku do të deponojnë fillimisht lojtarët dhe më pas avokatët që klubi ka kontraktuar për këtë çështje mjaft të rëndësishme për të ardhmen e Skënderbeut. Vendimi që do të marrë Komisioni i Apelit do të zbardhet pas disa ditësh pasi të jenë shqyrtuar të gjithë provat e paraqitura nga korçarët. Avokatët kanë dhënë garanci se nuk ka prova për dënimin e klubit dhe vendimi është marrë në bazë të hamendësime. Korçarët akuzohen për fiksime ndeshjesh në Europa League ku kanë arritur që të shkojnë deri në fazën e grupeve. /EDS/  

Fiksimi dhe arsyet e kësaj zgjedhjeje, Milani ka ''piketuar'' sulmuesin e ri

Ti mund ta lexosh kete ne 2 min.
26 Prill 2018 12:03

Të kërkosh të kualifikohesh në Champion League duhen shumë fitore dhe ato vijnë prej golave. Milani ka vuajtur këtë sezon në këtë aspekt, pasi ka shënuar në 34 javë të kampionatit vetëm 44 gola. Një shifër e ulët, mesatarisht pak më shumë se një gol për ndeshje. Drejtuesit e klubit e dinë se duhet të ndryshojnë diçka në këtë aspekt, por nga ana tjetër nuk kanë luksin të shpenzojnë sikurse ndodhi verën e shkuar. Lojtarët e afruar nga merkato nuk është se kanë dhënë diçka në kampionat.

Nikola Kalinic ka shënuar pesë gola, ndërsa Andre Silva në Serie A ka gjetur rrugën e rrjetës vetëm dy herë, po aq sa Bonuçi dhe Romagnoli që luajnë si qendërmbrojtës. Shënuesi më i mirë i kuqezinjve në kampionat është Patrick Cutrone me shtatë gola të realizuar, ndërkohë që nga një më pak kanë shënuar Suso dhe Bonaventura, për të cilët është një shifër e mirë. Këtë verë detyra kryesore është që të gjendet njeriu gol.

Verën e shkuar u tentuan lëvizje “big”, por Morata e Aubameyang bënë zgjedhje të tjera, duke shkuar në Angli, kurse Belotti mbeti në Torino. Ky i fundit është sërish një objektiv dhe madje në media është raportuar se në tratativa mund të përfshihet edhe Cutrone, një lojtar i kthyer në një nga më të dashurit për tifozët. Dzeko është një tjetër dëshirë e kuqezinjve, ndërkohë që së fundmi po ushtrohet presion për të marrë nga Sevilla kolumbianin Luis Muriel shkruan “Tuttosport”.



Sulmuesi 27-vjeçar është një dëshirë e hershme e kuqezinjve. Në Europë ai e ka nisur te Granada në Segunda Divizion, për të kaluar në Serie A te Lecce. Në fakt ai ishte blerë nga Udinese, që e dërgoi në huazim te këto ekipe dhe në verën e vitit 2012 veshi fanellën e bardhezinjve. Shënoi 11 gola në sezonin e parë me ta, ndërkohë që për të pati oferta të shumta, derisa e bleu Sampdoria. Verën e shkuar Sevilla pagoi 20 milionë euro.

Milani e ka kërkuar edhe më parë dhe tanimë është kthyer sërish në modë. Por pse duan pikërisht Muriel kuqezinjtë? Kostoja është një nga arsyet dhe për kolumbianin nuk duhet një shumë e madhe për ta transferuar. Nuk është se shënon shumë gola, këtë vit në Spanjë ka realizuar 7 herë, duke luajtur në 16 ndeshje si titullar (26 në total) në La Liga. Sulmuesi ka cilësia të mira teknike dhe Gattuso kërkon lojtarë të tillë në skuadrën e tij, ndërkohë që kolumbiani mund të luajë shumë mirë si sulmues i parë dhe i dytë.

Besohet shumë që ai mund të shpërthejë dhe një faktor tjetër që shtyn Milanin për ta blerë është fakti që ai e njeh shumë mirë kampionatin italian. Kjo është shumë e rëndësishme për një lojtar, pasi kuqezinjtë e kanë parë shumë mirë se si Andre Silva e ka pasur të vështirë në Seria A dhe i ëshët dashur kohë e gjatë për të realizuar golin e parë. /EDS/