Jo vetëm futboll në shkollë, një tjetër sport me detyrim

Ti mund ta lexosh kete ne 1 min.
12 Mars 2018 18:16
Ja marrëveshja me ministrinë

Futbolli është sporti më popullor në botë, ashtu si edhe në vendin tonë. Por, jo të gjithëve iu pëlqen ky sport. Për këtë arsye, në shkolla nuk do të kemi më vetëm zhvillim të futbollit pas hapave të ndërmarra nga FSHF-ja, por edhe basketboll.

Me anë të një projekti për basketbollin në shkollë, është Federata Shqiptare e Basketbollit në bashkëpunim me Ministrinë e Arsimit Sportit dhe Rinisë por edhe me Bashkinë e Tiranës dhe Drejtorive Arsimore Rajonale në rrethe kanë nënshkruar marrëveshjen që basketbolli të organizohet aktiviteti i basketbollit për mosha të ndryshme në basketboll.

Me anë të deklaratës së mëposhtme, FSHB njofton të gjithë sportdashësit për këtë iniciativë:

Projekti i basketbollit në shkollë, sot ngriti siparin në kuadër të firmosjes së akt-marrëveshjes midis FSHB dhe MASR, me bashkëpunëtorë Bashkinë Tiranë, DAR Tiranë e më tej DAR në rrethe.

Aktiviteti u lançua në ambientet e shkollës 9-vjeçare “Qazim Turdiu” ku morën pjesë fëmijë të moshës 9-12 vjeç. Kënaqësi e pafund të shikosh 200 fëmijë të luajnë basketboll, sipas moshës së tyre.

Në fjalën përshëndetëse, znj. Abazaj, drejtoreshë e shkollës Q.Turdiu, z. Kostandin Shkurti – zv. Ministër i MASR, Z.Ponari- President i FSHB-së, u shprehën jo vetëm të lumtur për atmosferën dhe misionin, por edhe optimiste për rezultate dhe zhvillime që ky projekt do të sjellë! /EDS/

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike