“Këpuca e Artë” nga viti në vit po bëhet edhe më shumë interesante. Të paktën 10 futbollistë garojnë për të fituar këtë trofe me rëndësi, por ajo që e bën edhe më tërheqës këtë garë është fakti që 4 futbollistë kanë shënuar numë të njëjtë golash. Rivaliteti duket mjaft i ashpër mes Edinson Cavani-t (PSG), Mohamed Salah-ut (Liverpool), Harry Kane-it (Tottenham) dhe Leo Messi-it (Barcelona).
Secili nga sulmuesit ka realizuar 24 gola dhe kampionatet ku ata luajnë, Ligue 1, Premier League dhe La Liga kanë koeficient të njëjtë, 2. Dhe shumëzuar me 24 golat, pikavarazhi shkon në 48.
Në vend të 5-të është Ciro Immobile me 23 gola të shënuar (46 pikë) dhe pas tij Jonas i Benfica-s. Edhe pse ai ka realizuar 30 gola, kampionati portugez vlerësohet me koeficientin 1.5, dhe shuma e pikëve është 45. Cristiano Ronaldo është në vend të 16-të të klasifikimit, dhe nuk ka shanse që të luftojë për këtë trofe. Ai deri më tani ka realizuar 16 gola dhe ka grumbulluar 32 pikë.
Renditja
1 Cavani PSG 24 48
Messi Barcelona 24 48
Salah Liverpool 24 48
Kane Tottenham 24 48
5 Immobile Lazio 23 46
6 Jonas Benfica 30 45*
7 Agüero Manchester City 21 42
8 Lewandowski Bayern Munich 20 40
Neymar PSG 20 40
10 Luis Suárez Barcelona 20 40