Juventusi do ta mbajë Cuadradon, por do t’ia ndërrojë pozicionin

14 Gusht 2019

Mediat italiane shkruajnë se Juventusi do ta mbajë Juan Cuadradon si mbrojtës i djathtë për sezonin e ardhshëm.

Cuadrado mbushi 31 vjet në maj dhe ishte një nga emrat që do të largohej gjatë verës, por Juve i ka mbyllur shitjet e Leonardo Spinazzolas dhe Joao Cancelos.

Në anën tjetër Luca Pellegrini me gjasa të mëdha do të shkojë në huazim te Cagliari.

Juan Cuadrado nëm aksion . (Photo by Gabriele Maltinti/Getty Images)

Duke pasur parasysh këtë, Goal.com shkruan se ai do të përdoret si mbrojtës i djathtë nga trajneri i ri Maurizio Sarri.

Mattia De Sciglio do të jetë zëvendësimi i parë për mbrojtësit e krahut, me Danilon dhe Alex Sandron, që do të luajnë nga fillimi.

Cuadrado . (Photo by Emilio Andreoli/Getty Images)

Kolumbiani luajti gjashtë ndeshje si mbrojtës i djathtë nën drejtimin e Max Allegrit, duke siguruar katër asistime.

Gazzetta dello Sport shkruan se kolumbiani do të nënshkruajë një kontratë të re deri në vitin 2021, me pagën e tij aktuale 4 milionë euro. /Telegrafi/

www.telegrafi.com