Kamza humbet me kundërshtarin “misterioz”

Ti mund ta lexosh kete ne 1 min.
12 Janar 2018 17:25
Ekipi i trajnerit Ramadan Ndreu nuk e dinte me kë do të luante

Skuadra e Kamzës ka humbur miqësoren e dytë kundër Alanyaspor-it. Ekipi i trajnerit Ramadan Ndreu humbi me rezultatin minimal 1-0. Goli u shënua nga Isaac Sackey në minutën e 33-të. Ndeshja u zhvillua në stadiumin “Bahçeşehir Schools Stadium”.

Takimi ishte i dominuar nga turqit, ndërsa Kamza u mundua të rivalizonte në momente të caktuara. Ekipi i Ndreut dallohej qartësisht se ishte pas ekipit të Alanyaspor-it. Ekipi turk ka një tjetër nivel, pasi është ndër skuadra më të mira të Superligës turke.

Alanyaspor-i ndodhet në vendin e 13-të në kampionatin turk. Një ekip me një buxhet shumë herë më të madh se Kamza. Klubi i Kamzës nuk ka qenë shumë i qartë për rivalin, pasi në lajmërimin e tyre për ndeshjen, tifozët mësuan se do të luajnë me skuadrën ruse të Alanya-s. Në të vërtetë, ekipi i tyre ka humbur me ekipin rus të Alanyaspor-it. /EDS/

Vangjeli: CAS nuk ndikoi tek unë, ja si ishte situata

Ti mund ta lexosh kete ne 2 min.
15 Korrik 2018 15:31
Mbrojtësi korçar ka dalë para medieve

Kristi Vangjeli nuk e ka “tradhtuar” Skënderbeun. Mbrojtësi i djathtë ka pranuar të rinovojë kontratën me korçarët, ndërkohë që ka theksuar se vendimi i tij nuk varej aspak nga dënimi që klubi ka marrë prej UEFA-s. “Normalisht situata që ishte krijua te klubi nuk ishte aspak e mirë, kjo pas vendimit të CAS për të mos u aktivizuar në kualifikueset e Champions League. Por kjo gjë nuk ka mbaruar për ekipin. Shpresoj që në muajt e ardhshëm të kthehet ajo buzëqeshja që ka pasur gjithmonë ky klub, si dhe të luftojë për të qëndruar në majë.  Personalisht për mua ishte shumë e vështirë, pasi nuk ishte thjesht vendim për të qëndruar në Korçë. Nuk varej nga vendimi i CAS, por nga familja ime, që po bën përpjekje dhe sakrificë shumë të madhe duke qëndruar pranë meje”, ka deklaruar fillimisht Vangjeli para medieve.

Më tej ai foli edhe për bisedën dhe raportin që ka me presidentin Ardjan Takaj: “Që në momentin e parë kam pasur lidhje korrekte me presidentin. Ai i di shumë mirë vlerat e mia dhe gjithmonë i kam treguar të vërtetën në lidhje me klubin dhe karrierën time. Gjithmonë më ka qëndruar pranë dhe i ka mbështetur vendimet e mia. Duke parë që edhe gjithë ekipet janë formuar dhe do të mbetesha pas me përgatitjet, vendosa bashkë me presidentin. Folëm dhe bëmë një marrëveshje që të kthehesha, jo vetëm unë, por edhe djemtë e tjerë që kanë mbajtur peshën më të madhe të ekipit”.

Në fund Vangjeli flet edhe për lëvizjet e bëra në ekip, largimet dhe afrimet e të rinjve: “Të them të drejtën largimet do ndikojnë, por besoj se do afrohen lojtarë të tjerë për të plotësuar grupin, në mënyrë që të formohet ai grup që gjithmonë Skënderbeu ka pasur. Duhet t’u japim kohë, stafi teknik do t’i mbështete dhe do t’i stërvitë si duhet. Duke iu dhënë mundësia të luajnë në ekipin kampion, nuk do e lëshojnë këtë shans. Duhet të mos u ikë për të vazhduar një karrierë të artë, jo për të qëndruar këtu, por për të bërë atë që ka ndodhur edhe me lojtarët e tjerë: të shiten jashtë vendit”. /EDS/

************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Kastrioti, Plori bind një shkodran për mesfushën

Ti mund ta lexosh kete ne 2 min.
15 Korrik 2018 14:48

Kastrioti vijon me zyrtarizimet. Pas Alexandros Abdel Rahim dhe Charles Atsina, tanimë te krutanët është zyrtarizuar pjesë e ekipit edhe mesfushori shkodran Ersil Ymeraj. Futbollisti 24-vjeçar për herë të parë u aktivizua në Kategorinë Superiore vjet me Kamzën, klub që e lë pas katër sezonesh. Shkodrani ka gjetur marrëveshjen me drejtuesit për të mbyllur bashkëpunimin dhe tashmë do të mbetet sërish pjesë e elitës, por duke mbrojtur ngjyrat Kastrioti. Në të shkuarën mesfushori ka luajtur edhe për Veleçikun, si dhe është grumbulluar në një takime Vllazninë në Superiore, por pa mundur të luajë. Sezonin e shkuar te Kamza ai luajti në 29 takime, 19 prej të cilave i nisi nga minuta e parë. Mesfushori arriti të shënonte edhe dy gola ndaj Partizani dhe Laçit. Ymeraj ishte një dëshirë e Plorit për merkaton dhe drejtuesit ia kanë plotësuar.

DAJAN SHEHI – Pritet që te Kastrioti të ketë edhe afrime të tjera. Trajneri Elvis Plori është duke pritur lëvizjet e drejtuesve, ndërkohë që sikurse kemi bërë me dije më parë, edhe mbrojtësi Dejan Shehi do të jetë pjesë e krutanëve. Mbrojtësi qendror është nën kontratë me Teutën, por kërkon që të luajë dhe klubet kanë gjetur marrëveshjen për huazimin e tij. Së shpejti Kastrioti pritet të zyrtarizojë edhe të tjera lëvizje, pasi do të nisë faza përgatitore dhe stafi teknik kërkon që ta ketë të plotë ekipin sa më parë. Veç afrimeve do të ketë edhe largime, që do të zbulohen gjatë këtyre ditëve. Stafi teknik po harton listën përfundimtare para nisjes së fazës përgatitore. /EDS/

************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Edgar Çani nuk duket, dy lojtarë me probleme te Partizani

Ti mund ta lexosh kete ne 2 min.
15 Korrik 2018 14:04
Situata para ndeshjes

Partizani do të përballet të enjten e ardhshme kundër skuadrës së Maribor, ndërkohë që për stafin teknik grupi nuk ka qenë i plotë në seancën e fundit. Dy prej lojtarëve titullarë në takimin e parë me sllovenët kanë shfaqur probleme. Mbrojtësi Egzon Belica nuk është stërvitur me grupin dhe duhet parë nëse do të jetë i gatshëm për të enjten. Veç tij probleme ka pasur edhe mesfushorin Esat Mala. Shtatshkurtri ka punuar i diferencuar, por mendohet se do të rikuperohet në kohë dhe do të mund të luajë nga minuta e parë edhe në takimin e kthimit me Mariborin. Pjesa tjetër e ekipit është gati për stafin teknik, që duhet të përcaktojë edhe formacionin që do të sfidojë sllovenët të enjten.

EDGAR ÇANI – Sulmuesi nuk stërvitet prej ditësh me të kuqtë. Trajneri Skënder Gega u shpreh para ndeshjes me Maribor se nuk e kishte përfshirë atë në listë për shkak se nuk ka gjendjen e duhur. Tanimë ai as që po stërvitet me ekipin, çka e lë edhe më mbrapa me përgatitjet. Gjithsesi klubi i kuq është ai që ekskluzivitetin për të vendosur për dhënien e lejeve për lojtarët dhe për Çanin thuhet se i është dhënë një e tillë. Në fakt duket e çuditshme dhe palët duhet të gjejnë gjuhën e përbashkët për të ndërprerë kontratën, pasi zor se mund të bashkëpunojmë më për sezonin e ardhshëm. Sigurisht që sulmuesi nuk do të pranojë të ikë pa dëmshpërblim, pasi edhe vlera e tij në treg ka rënë dhe asnjë klub nuk mund t’ia ofrojë  atë që merr te Partizani momentalisht. /EDS/

************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Ekskluzive | Nga Hajduku në Superiore, Teuta e huazon sërish Shehin

Ti mund ta lexosh kete ne 2 min.
15 Korrik 2018 12:50
Arrihet marrëveshja

Dajan Shehi është rikthyer te Teuta, por nuk do të luajë sërish me durrsakët, pasi është vendosur që të huazohet. Është e disata herë që ndodh diçka e tillë, pasi më parë mbrojtësi qendror ka luajtur me Besën e Kavajës, ndërsa vjet në janar kaloi në Kroaci te Hajduk Split. Kroatët paguan 30 mijë euro dhe për ta blerë duhet të paguanin edhe 120 mijë të tjera, por nuk ndodhi diçka e tillë. Futbollisti 21-vjeçar u rikthye në Shqipëri dhe do të mbetet pjesë e Superiores.

MARRËVESHJA – Të premten Teuta luajti një ndeshje miqësore me Kastriotin dhe mes drejtuesve ka pasur një bisedë dhe burime të EDS bëjnë me dije se është arritur marrëveshja për huazimin e Dejan Shehit për një sezon te Kastrioti. Kjo lëvizje bëhet që mbrojtësi të ketë më shumë hapësira dhe të rritet si lojtar. Momentalisht durrsakët kanë plane të tjera dhe për lojtarin nga Elbasani nuk ka shumë hapësira. Veç Ante Hrkac dhe Silvester Shkallës, pritet që të mbërrijë edhe Sodiq Atanda nga Partizani, por edhe ndonjë tjetër. Është parë e rrugës që Shehi te kalojë te Kastrioti. Për të ka pasur oferta edhe nga Maqedonia e Kosova, por dëshira e tij ishte të qëndronte në Superiore.

Teuta mund të huazojë edhe ndonjë futbollist tjetër nga të rinjtë. Janë disa elementët me perspektivë te durrsakët, por që për momentin nuk janë gati të luajnë. Drejtuesit po mendojnë të sistemojnë edhe ndonjë lojtar tjetër në Kategorinë e Parë, por për momentin nuk është se ka diçka konkrete. Fillimisht duhet që trajneri Bledi Shkëmbi të përcaktojë listën për lojtarët që do të udhëtojnë të martën drejt Ohrit, aty ku edhe do të zhvillohet faza përgatitore. /EDS/

************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.