REZULTATET LIVE
Shiko listen e plote
PSG e do me patjetër yllin portugez në ekip

Këtë verë nis projekti i çmendur i PSG-së për CR7-ën

5 Janar 2018 11:40

Paris Saint-Germain nuk ndalet në garën për të marrë shërbimet e Cristiano Ronaldo-s. Sulmuesi i Real Madrid është një nga dëshirat më të mëdha të gjigantëve francezë.

Duke pasur parasysh shpenzimet e mëdha që bënë verën e kaluar me blerjen e kartonit të Neymar dhe afrimin e Mbappe, PSG ka nevojë urgjente që të derdhen në arkën e klubit minimalisht 70 milionë euro për të përmbushur “Fair-Play”-in financiar, shkruan “El Confidencial”.

PSG ka në plan të shesë (për 40 mln euro) edhe talentin 21-vjeçar që është i huazuar te Valencia, Gonçalo Guedes. Sulmuesi i ri po shkëlqen me klubin spanjoll ndërsa një vit më parë nënshkroi me francezët për 30 milionë euro nga Benfica.

Rasti i Ronaldo-s nuk është aspak i njëjtë me atë të Neymar-it, pasi klauzola e portugezit (1.000 milionë euro) është shumë më e lartë se sa e brazilianit (222 milionë euro). Prandaj, kjo shifër është e papërballueshme për çdo ekip. Duhet me patjetër të arrihen negociata me klubin “Los blancos” në mënyrë që 32-vjeçari të marrë lejen për t’u transferuar në Ligue 1. Gjithsesi, PSG i ka ofruar CR7-ës një projekt që nuk do ti mungojë asgjë nga ato që ka pasur te Reali, përkundrazi do të ketë pagë natyrisht shumë më të lartë. /EDS/

Jeni i lutur të hyni në llogari që të lini një koment
Henrique duhet të tregohet i shpejtë, pasi nuk është i vetmi që interesohet për të

Mourinho dhe Wenger i shpallin “luftë” Paris SG për portugezin

20 Janar 2018 23:19

Arsene Wenger dhe Jose Mourinho janë hedhur në sulm për të nënshkruar me objektivin e Paris SG, Danilo Pereira shkruan “le10sport.com”. Antero Henrique do të duhet të luftojë shumë, nëse dëshiron të marrë yllin e Porto-s. Prioritet për verën e ardhshme është N'Golo Kanté, por në rast se ky operacion nuk realizohet PSG ka gati planin B. Në këtë mënyrë, klubi i kryeqytetit do të provojë për Fabinho dhe Danilo Pereira, dy lojtarë që ngjallën kuriozitetin e Antero Henrique verën e kaluar.

Sipas “The Sun”, Antero Henrique duhet të tregohet i shpejtë, pasi nuk është i vetmi që interesohet për Pereira. Drejtori sportiv i Paris SG do të sfidohet nga dy gjigandët e Premier League, Manchester United dhe Arsenal. Mësohet se José Mourinho dhe Arsène Wenger do të futen në “valle” për mesfushorin portugez dhe e kanë ndjekur lojtarin këtë të premte në ndeshjen mes Porto dhe Tondela. Një gjë është e sigurtë: Që mesfushori do të largohet nga Porto, por destinacioni është ende enigmë... /EDS/

Jeni i lutur të hyni në llogari që të lini një koment
Sulmuesi ka pësuar dëmtim

Probleme për Neymar, PSG humbet yllin e skuadrës

20 Janar 2018 20:26

Neymar nuk luan ndaj Lyon-it, për shkak të një dëmtimi në kofshë. Supersfida e Ligue 1 midis PSG-së dhe "Les Gones" nuk do të ketë për protagonist yllin brazilian. 

Sulmuesi nuk u grumbullua me ekipin, pasi mjekët konstatuan se ai vuante nga një dëmtim në kofshë. Unai Emery tani duhet të mendojë për të plotësuar boshllëkun e lënë.

Pas ndeshjes kundër Dijon, Neymar nuk arriti t’iu gëzohej 4 golave dhe dominimit të ekipit të tij, pasi u pa që kishte probleme fizike. PSG udhëheq pa frikë kampionatin francez e shkëputur me 9 pikë nga ndjekësja më e afërt Marseille.

Ndërkohë që mungesat e tjera për kryeqytetasit francezë janë mesfushori italian Thiago Motta dhe anësori Hatem Ben Arfa. /EDS/

Jeni i lutur të hyni në llogari që të lini një koment
Për t’u bërë më i miri duhet të marrësh më të mirët

PSG tani e tepron, do edhe një tjetër katalanas

20 Janar 2018 11:43

Neymar ishte goditja e madhe e PSG-së në verë, teksa pagoi 222 milionë euro, një rekord më vetë ky. Francezët kërkojnë që jo vetëm të dominojnë në Francë, por edhe në Europë, ndaj për këtë po punohet që të ndërtohet një klub ëndrrash me lojtarët më të mirë në Botë. Paratë nuk mungojnë.

PSG kishte piketuar Jose Mourinho-n për stolin, por portugezi do të mbetet në Angli, ndaj duhet gjetur një tjetër trajner dhe në Francë kanë lëvizur në këtë drejtim. Sikurse raportin “The Mirror”, Pep Guardiola është i përzgjedhuri.

Trajneri i Manchester City është kontaktuar së fundmi nga drejtuesit e PSG-së dhe gjithçka mbetet për t’u parë se si do të zhvillohet më tej. Në Angli ai po bën mirë dhe titulli kampion me shumë mundësi do të fitohet nga skuadra e tij. Kontrata i përfundon në fund të sezonit, por edhe “Qytetarët” nuk do të qëndrojnë duarkryq. Në aspektin financiar Pep Guardiola do të “fërkojë duart”. /EDS/

Jeni i lutur të hyni në llogari që të lini një koment
Presidenti i Lyon ka lëshuar një deklaratë të fortë për yllin brazilian dhe bosin e klubit parizien, Nasser Al Khelaifi

Deklarata e fortë e Aulas, çfarë sulmi ndaj Neymar dhe PSG!

19 Janar 2018 14:55

Presidenti i Lyon, Jean-Michel Aulas, ka sulmuar sërish klubin e Paris Saint Germain dhe bosin e parizienëve, Nasser Al Khelaifi. Numri një i klubit francez përmes një artikulli të publikuar nga gazeta e njohur “Le Parisien”, ka lëshuar një mesazh të qartë për rivalët e tij sportivë.

“Nuk e kam problemin me Nasser-in, luftoj kundër sistemit që ai përfaqëson. Nuk dua të etiketohem si anti-parizien, anti-Psg apo anti-Nasser, - thotë Aulas. - Psg-ja synon të fitojë Championsin për arsye gjeopolitike. Kanë gjeneruar një inflacion artificial, sepse fondet që kanë përdorur për të blerë lojtarët janë nën kontrollin e një shteti. Neymar? Unë ende nuk e kam kuptuar nëse Neymar është 100% një punonjës i PSG-së apo është thjesht një punonjës part-time i Katarit për Botërorin”./EDS/

 

Jeni i lutur të hyni në llogari që të lini një koment