Kishit dyshime për Elseid Hysajn? E ardhmja e tij u vendos!

Ti mund ta lexosh kete ne 2 min.
16 Maj 2018 15:22
Menaxheri është krejtësisht i qartë

Elseid Hysaj është në qendër të vëmendjes në Itali dhe lajmet në lidhje me të ardhmen e tij kanë qenë të shumta. Për t’u larguar ka vetëm një mënyrë, klubet që e duan duhet të paguajnë shumën e 50 milionë eurove dhe kjo vlen vetëm për ato jashtë Italisë. Së fundmi “The Sun” raportoi se Jose Mourinho e do te Manchester United, që është gati të paguajë. Te Napoli kurrsesi nuk dëshirojnë të heqin dorë nga shkodrani.

Sigurisht do të merrnin të ardhura të rëndësishme, gati 10-fish më shumë nga sa e kanë blerë tek Empoli. Në verën e vitit 2014 u paguan rreth 6 milion euro, ndërkohë që pas “Francë 2016” me mbrojtësin e djathtë u nënshkrua një kontratë e re e vlefshme deri në qershor të vitit 2021, ndërkohë që tani po tentohet të nënshkruhet marrëveshja tjetër, nga e cila pritet që Hysaj të përfitojë rreth 2.5 milionë euro në sezon.

Pavarësisht fjalëve të shumta, tanimë është menaxheri Mario Giuffredi ai që ka saktësuar se Hysaj nuk do të lëvizë nga Napoli. Edhe pse shpesh emri i mbrojtësit është lidhur me të ardhmen e Sarri-t, që e kërkon Chelsea në Premier Leaague, përfaqësuesi i shkodranit ka deklaruar në radio “Kiss kiss Napoli” ka deklaruar: “E ardhmja e Hysajt? Qëndron te Napoli me ose pa Sarri-n. Është e qartë se nëse misteri qëndron jemi të lumtur, por edhe nëse do të ikë, presidenti De Laurentiis gjithsesi do të bëjë një skuadër kompetitive. E përsëris, do të ishte mirë të vazhdohej me Maurizio Sarri-n, por Elseid dëshiron të qëndrojë gjithsesi”.

Hysaj është pjesë e skuadrës së Napolit prej tre sezonesh dhe luan rregullisht, duke qenë një nga [pikat më të forta të ekipit të tij. Kjo ka bërë që edhe drejtuesit ta “blindojnë” dhe po synojnë që të qëndrojë sa më gjatë, edhe pse për të interesohen disa klube “big” dhe që janë gati të paguajnë klauzolën  prej 50 milionë eurosh, që do ta përfshinte mbrojtësin në listën e 10 mbrojtësve më të shtrenjtë në botë. /EDS/

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike