Liverpool ka probleme në mbrojtje si pasojë e mungesave dhe kjo e shqetëson së tepërmi trajnerin Jurgen Klopp.
Për gjermanin shtohen dhimbjet e kokës pas problemeve fizike të qendërmbrojtësit Joel Matip dhe kolegut të repartit të mbrojtjes Randar Klavan, i cili vuan nga një gjendje gripale.
Matip shfaqi shqetësime pas fitores ndaj Stoke City 3-0 në mesjavë.
Në konferencën përpara medieve, gjermani u shpreh se ka shumë pak alternative për të mbuluar hapësirat e lëna në mbrojtje.
“Lallana po kryen seancën e rikuperimit fizik në palestër, Ragnar Klavan ishte i sëmurë dhe e ka të pamundur të zëvendësojë Joel Matip, kështu që nuk kemi shumë opsione për repartin tonë të mbrojtjes.
Kemi pësuar goditje dhe me sfidat në periudhën e mërkurë- e shtunë nuk na mbetet shumë kohë për të rikuperuar problemet e krijuara “, shprehet ish-trajneri I Borussias.
Të vetmit qendërmbrojtës të gatshëm për sfidën ndaj Brighton janë kroati Dejan Lovren dhe Joe Gomez.
N0 lidhje me takimin ndaj Stoke, Klopp foli për nervozizmin e trajnerit rival Mark Hughes për mospenalizimin e portierit belg të Liverpoll-it, Simon Mignolet për ndërhyrjen e gabuar ndaj Biram Diouf.
Anglezi Atkinson nuk akordoi penallti dhe karton të verdhë për gardianin e “The Reds.”
“Kemi qenë me fat të mërkurën. Por nëse Mignolet do të ndëshkohej me karton të kuq, ne nuk do të ankoheshim “, përfundoi Jurgen Klopp.