Klopp shpjegon pse vendosi të shesë Coutinho-n te Barça

Ti mund ta lexosh kete ne 1 min.
12 Janar 2018 16:51
Klopp nuk donte që të mbante Coutinhon

Jurgen Klopp sqaron se Liverpool vendosi të shesë Phelippe Coutinho-n te Barcelona sepse kishte frikë se braziliani nuk do të ishte më i angazhuar maksimalisht me skuadrën nëse nuk do të lihej i lirë.

Liverpool bllokoi ëndrrën e Coutinho-s që të lëvizte drejt "Camp Nou" në verë por mesfushori nuk pati rënie të ndjeshme në lojë në tre muajt e fundit të aktivizimit në Anfield Road.

Por, Klopp nuk donte që të mbante lojtarin, sepse ai nuk do të fokusohej më te "të kuqtë", ndaj vendosi që ta shesë për 145 milion £.

“E dija që ky transferim do të rishfaqej dhe ka qenë shumë e vështirë nëse do të bënim atë që patëm bërë. ‘Kjo është kontrata juaj, por ju duhet të rrini këtu’, dhe të përdorje atë si lojtar në gjysmën e dytë të sezonit, nuk shkonte”, tha trajneri i të kuqve.

“Ky vendim që mora, duhet të kishte kuptim, duhet të mendoja për ta përdorur atë sërish, a kishte mundësi që të na ndihmonte? Dhe të tregohem i sinqertë, isha 100% i qartë, nuk kishte shanse”.

“Ai nuk ishte gati të vazhdonte. Ai bëri diçka fantastike në pjesën e parë të sezonit dhe pas kësaj duhet të arrihej në një marrëveshje. Ai bëri çdo gjë në mënyrë fantastike, ashtu si skuadra”.

“Kjo ka marrë fund tashmë, ne nuk mund të bëjmë asgjë tjetër, kështu që ne e morëm vendimin. Kështu, ne duhet të nxitojmë. Kjo është situata, ne normalisht duhet ta bënim. Ishte shumë e bukur java që shkoi”. /EDS/

Salah ushtar, del foto e pabesueshme e yllit të Liverpool

Ti mund ta lexosh kete ne 1 min.
26 Prill 2018 10:11
Sulmuesi i momentit

Mohamed Salah është futbollisti i momentit dhe e gjithë bota i ka drejtuar sytë te ai. Më shumë se një lojtar me cilësi të jashtëzakonshme, ajo që e ka bërë të preferuar te njerëzit është edhe jeta e thjeshtë që ai bën. Egjiptiani është praktikues i fesë myslimane dhe ndihmon të varfrit. Por, ajo “Daily Mail”, publikon në një artikull të sajin që ka tërhequr vëmendjen e të gjithëve është fakti se ai ka bërë ushtrinë, siç shihet edhe në këtë foto. Ylli i Liverpoolit, nuk i ka shpëtuar ligjeve të shtetit të tij dhe duket mjaft i lumtur për këtë. /EDS/

 

Mourinho thumbon Van Gaal: United kishte humbur mentalitetin fitues

Ti mund ta lexosh kete ne 2 min.
25 Prill 2018 20:49
Portugezi provokon

Jose Mourinho ka deklaruar se Manchester United nuk ishte i përgatitur për të fituar trofe para emërimit të tij si trajner në 2016. Ish-trajneri i Chelsea-t dhe Real Madridit fitoi EFL Cup dhe Europa League brenda një viti, kur pasoi Louis van Gaal në “Old Trafford”, duke u bërë trajneri i parë i United në histori, që ngriti një trofe në sezonin e tij të debutimit. United është i dyti në klasifikimin e Premier League me katër ndeshje për të luajtur këtë sezon, duke u përmirësuar në mënyrë drastike nga viti i kaluar kur ata u renditën në vendin e gjashtë, ndërsa fitorja 2-1 të shtunën e kaluar ndaj Tottenham në “Wembley” vulosi vendin e tyre në finalen e FA Cup. Mourinho beson se koha e tij në klub ka qenë një sukses, duke pretenduar, se United kishte humbur forcën disa vite më parë.  "E njihja klubin në të cilin po shkoja", tha ai për “Sky Sports News”.

" E di kur po shkon në një klub që ështe i përgatitur për të fituar dhe ty të duhet vetëm të japësh direktiavet e fundit, të japësh cilësitë e tua personale, njohuritë personale dhe klubi është gati për hapin e fundit. Unë e dija që nuk ishte rasti në United, pronarët e dinin këtë CEO i tij, e dinte këtë. Pra, pyetja ishte: ‘A jam i gatshëm në këtë periudhë të karrierës sime?’ Po jam gati për këtë lloj pune, sepse karriera ime është për gjëra të reja gjatë gjithë kohës. Unë kam qenë gjithmonë shumë portugez në kuptimin që unë jam gjithmonë i gatshëm të zbuloj dhe të provoj gjëra të reja, gjithmonë të gatshme për të ndryshuar vendin, për të ndryshuar klubin, për të ndryshuar kulturën, për të ndryshuar gjithçka në kërkimin e gjërave të reja”, zbuloi Mourinho, që shtoi: "Unë bëra gjithçka. Pra, kur erdha në këtë periudhë në Manchester United, isha gati për këtë dhe e dija se nuk do të ishte e lehtë të kisha sukses. Por, pavarësisht kësaj, tre trofe, tre finale, nuk janë keq". /EDS/

Çmendet Mourinho, ofron 40 mln sterlina dhe një lojtar për yllin e Spurs

Ti mund ta lexosh kete ne 2 min.
25 Prill 2018 18:33

Manchester United do të duhet t’i ofrojë Tottenham rreth 40 milionë sterlina dhe Luke Shaw, nëse ata duan të nënshkruajnë me Danny Rose këtë verë, sipas raporteve në “The Sun”. Trajneri Mauricio Pochettino është i mbyllur në lidhje me shitjen e mbrojtësit të majtë të Anglisë, por duket se është i hapur ndaj ofertave, nëse Shaw është pjesë e paketës. Rose, 27 vjeç, ka pasur një sezon zhgënjyes me dëmtime dhe ai ka luajtur shumë pak ndeshje këtë edicion. Ndërkohë, Shaw duket i destinuar të largohet nga “Old Trafford”, pasi u kritikua në publik në raste të shumta nga trajneri i United, Jose Mourinho. Shaw, i cili ka punuar me Pochettino për 18 muaj në Southampton, zbuloi se do të donte të punonte sërish për trajnerin argjentinas.

Shaw tha në “Brave New World”: "Pochettino më bëri të ndihem më i miri. Unë shpresoj, se mund të luaj për të përsëri një ditë dhe mendoj se ai me të vërtetë dëshiron të më ketë sërish në dispozicion". Nga ana tjetër Rose zbuloi në një intervistë me “SunSport”, se ai donte një kthim në veri para se të tërhiqej nga futbolli. Megjithatë, United dhe Spurs kanë marrdhënie të miër në historinë e transferimit, e cila ka rezultuar e suksesshme e lëvizjet e Michael Carrick dhe Dimitar Berbatov ndaj “Djajve të Kuq”. Raportet gjithashtu shkruajnë, se Mourinho ishte i interesuar në blerjen e Eric Dier verën e kaluar, por ky operacion nuk u realizua, ndërsa tani po monitoron situatën e Toby Alderweireld. Qendërmbrojtësi ka bërë vetëm 18 paraqitje këtë sezon, ndërsa ende nuk është pajtuar me një marrëveshje të re dhe ka një klauzolë në kontratën e tij që i lejon të largohet nga klubi i Londrës në veri për 25 milionë sterlina vitin e ardhshëm. United kërkon të përfitojë, por gjithçka do të varet nga Spurs. /EDS/

Chelsea bën gati 100 milionë euro për 'heroin' e Napolit

Ti mund ta lexosh kete ne 2 min.
25 Prill 2018 17:17
Ai ka mahnitur

Sipas raporteve të fundit nga “Sportitalia”, drejtuesit e Chelsea-t janë të vendosur të rrisin interesin e tyre për të nënshkruar me mbrojtësin e qendrës të Napolit, Kalidou Koulibaly gjatë merkatos së transferimit të kësaj vere. Blutë janë në kërkim për të forcuar skuadrën e tyre në disa pozicione kyçe në fund të sezonit, pasi kanë dalë duar bosh në këtë sezon që padiskutim mund të quhet zhgënjyes, i dyti nën drejtimin e trajnerit Antonio Conte, që në sezonin e parë fitoi titullin e Premier League. Që kur Maurizio Sarri mori drejtimin e “Partenopei”, mbrojtësi senegalez është përmirësuar ndjeshëm dhe nga një i ‘panjohur’ u kthye në një nga mbrojtësit më të fortë në qarkullim, veçanërisht nga pikëpamja teknike. Në të vërtetë, figurat kryesore brenda hierarkisë së “Stamford Bridge” besojnë se ish-mbrojtësi i Metz dhe Genk është një nga mbrojtësit më të mirë në botë dhe prandaj janë të përgatitur të paguajnë një tarifë në rajon prej 100 milionë eurosh për të siguruar shërbimet e tij.

Kontrata e re e Kalidou Koulibaly nuk do të përfshijë asnjë klauzolë lirimi, që do të thotë se presidenti Aurelio De Laurentiis mund të vendosë çmimin që ai dëshiron, ndërsa dhe gjigantët e Premier League kanë shfaqur interesin e tyre për lojtarin. Megjithatë Koulibaly nuk është lojtari i vetëm që mund të largohet nga Napoli, gjithashtu Pepe Renia pritet të veshë fanellën e Milanit, pasi ka gjetur marrëveshjen me “Djallin”. Elseid Hysaj është një nga lojtarët më të kërkuar të Napolit, sëbashku me Jorginho, Insigne apo edhe Zieliński. Duket shumë e vështirë që presidenti De Laurentiis të largojë në merkaton e ardhshme disa nga lojtarët më të spikatur, megjithatë, në rast se Napoli fiton titullin e Serie A, që mungon që nga koha e Diego Maradona. Më konkretisht nga viti i largët 1990 dhe ky duket se është sezoni ideal për të fituar titullin e tretë të Serie A. /EDS/