REZULTATET LIVE
Shiko listen e plote

Kombëtaret me një superyll, ja vendet e kualifikuara nga lojtari i tyre më i mirë

14 Nëntor 2017 17:42

Christian Eriksen, Danimarkë

Christian Eriksen kërkon të drejtojë Danimarkën përballë Republikës së Irlandës, për t'u kualifikuar për turneun e parë të madh që nga “Euro 2012”. Maestro i Tottenham, ka qenë sensacionale në Premier League për më shumë se dy sezone dhe me formën që po kalon sytë e danezëve janë fokusuar tek ai.

Mungesa e një sulmuesi mbështetës ka qenë një rebus për trajnerin Age Hareide që nga marrja e drejtimit të skuadrës. Eriksen është, pra, ndër lojtarët më të rëndësishëm në futbollin ndërkombëtar në aspektin e hendekut mes lojtarit më të mirë dhe të dytë më të mirë të ekipit.

Dinamiti danez di shumë mirë të përdor talentin që ka, dhe është më i miri që nga koha e Brian Laudrup, por cilat ekipe të tjera kanë situata të ngjashme? Nëse Danimarka do të anashkalojë irlandezët, Hareide do të duhet të vendosë nëse do ta përdor yllin e Spurs si “orkestrues” në fushë, ose të maksimizojë mundësitë e tij si nr.10.

Barcelona ende mund të zhgenjehet duke ndjekur Philippe Coutinho për një kohë të gjatë, pa i kushtuar vëmendje Eriksen, ai ndoshta mund të jetë një opsion më i mirë për Ernesto Valverde.

Pierre-Emerick Aubameyang, Gabon

Ylli i Borussia Dortmund, Pierre-Emerick Aubameyang ka qenë prolifik për disa vite në futbollin vendas, megjithatë shërbimi i tij është shumë më i kufizuar kur luan për Gabonin.

Ai i udhëhoqi “Panterat” në Kampionatin Afrikan të 2015, por nuk ishte në gjendje t'i dërgonte ata në fazën e grupeve. Ndoshta ata që luajnë përreth tij nuk e shërbejnë aq sa duhet, kur mendoni se sa gola ka shënuar Lewandowski duke u bërë sulmuesi më më shumë rrjeta në historinë e kualifikueseve të Kupës së Botës.

Robert Lewandowski, Poloni

Lewandowski ka arritur 16 gola për të dërguar vendin e tij në “Rusi 2018” dhe është në rrugën e duhur, ka shënuar më shumë se 40 gola në të gjitha garat për Bayern për një sezon të tretë. Fakti që Polonia nuk do të pritet të shkojë më tej se çerekfinalet, e vendos atë në këtë klasifikimi.

Henrikh Mkhitaryan, Armeni

Ylli i Manchester United, Henrikh Mkhitaryan është i detyruar të bëj një pushim gjatë çdo ndërprerje ndërkombëtare. Tashmë golashënuesi më i mirë i Armenisë me 25 rrjeta, Mkhitaryan në rastin më të mirë është një kandidat i parë për këtë çmim.

Gareth Bale, Uells

Aaron Ramsey është një tjetër yll që mund të ndihmoj trajnerin e Uellsit, Chris Coleman, por Bale është qartë më i miri i ekipit. Sulmuesi i Real Madridit, Gareth Bale, ishte lojtari kryesor i Uellsit në “Euro 2016” me Coleman në gjendje që e planifikojë lojën rreth tij duke sjellë diçka të veçantë.

Sadio Mane, Senegal

Sulmuesi shpërthyes i Liverpool-it ka talent përreth tij, forma që po kalon në klub e bën atë si njeriun më të rrezikshëm të Senegalit.

Keita Balde i Monaco mund të dalë si pasuesi i tij, por Sadio është padyshim lojtari më i mirë i Aliou Cisse.

Jeni i lutur të hyni në llogari që të lini një koment
Fiton edhe Crotone e Ajetit, por shqiptari ishte në stol

Çmendet Quagliarella, thyen i vetëm Fiorentina-n

21 Janar 2018 17:06

Sampdoria e nisi vitin 2018 me fitore duke mposhtur 3-1 Fiorentina-n në “Luigi Ferraris” me tripletën e Quagliarella. Me këtë sukses të besuarit e Marco Giampaolo u ngjitën në kuotën e 33 pikëve në vend të gjashtë pas 20 ndeshjesh. Ish-ylli i Juventusit, Fabio Quagliarella zhvilloi një ndeshje të shkëlqyer duke realizuar tre gola.

Fillimisht ai i kaloi vendasit në avantazh kur u mbush gjysmë ore lojë pas asisit të Ramirez. 45’ minutat e para u mbyllën me avantazhin minimal, ndërsa në të dytën Sampdoria shënoi edhe dy herë të tjera me 34-vjeçarin. Brenda 8’ minutash Quagliarella realizoi dy gola mjaft të bukur duke e vendosur në kasafortë fitoren (60’, 68’). Në fund Fiore shënoi golin e nderit me anë të Sanchez pas asisit të ish-milanistit Saponara (80’).

Në ndeshjet e tjera Sassuolo barazoi 1-1 me Torino-n në shtëpi, me të njëjtin rezultat përfundoi edhe takim mes Udinese dhe Spal, ndërsa Crotone e Ajetit shkatërroi 3-0 në transfertë Verona-n. Mbrojtësi i kombëtares nuk u preferua për këtë takim, duke e ndejkur ndeshjen nga stoli. /EDS/

Jeni i lutur të hyni në llogari që të lini një koment
Qendërmbrojtësi vlonjat nuk gjen më hapësira në ekip

Luftëtari plotëson çdo repart, gati largimi në mbrojtje

21 Janar 2018 17:03

Luftëtari bëri disa prurje gjatë merkatos së janarit, duke përforcuar të gjithë repartet ku kishin boshllëqe gjatë fazës së parë. Por, numri i futbollistëve tashmë ka kaluar shifrën 25, kështu që klubi është i detyruar që të bëjë disa largime.

Përveçse ka huazuar disa lojtarë në Kategorinë e Parë, tashmë pret që të heq nga grupi edhe një tjetër emër, të cilin e kanë në pronësi. Valdo Zeqaj, i afruar gjatë merkatos së verës, tashmë nuk po gjen hapësira në ekip.

Kështu, klubi është duke kërkuar skuadër në elitë për ta dhënë “borxh” për pjesën e mbetur të kampionatit. Pritet që në ditët në vijim të vijë dhe zyrtarizimi i vlonjatit, i cili dëshiron të mbetet pjesë e elitës. /EDS/

Jeni i lutur të hyni në llogari që të lini një koment
Asnjë pilot për sezonin 2018

E çuditshme, një kontinent mungon në F1

21 Janar 2018 16:31

“Momentalisht nuk është gati asnjë pilot amerikan për sezonin e ri të Formula 1”. Fraza e shprehur një javë më parë nga Gunther Steiner, drejtues në ekipin Haas, ka provokuar reagime të ndryshme në SHBA.

Nuk kanë munguar kritikat për fjalët e të parit të kësaj skuderie, i cili shprehu gjithashtu se nuk ka mundur që të gjejë një amerikan që është në lartësinë e duhur për ta pasur në skuderinë e tij.

Në mbrojtje të pilotëve amerikanë ka dalë në mbrojtje piloti i IndyCar, Sebastian Bourdais. Nuk është amerikan, por ka eksperiencë të gjatë në SHBA dhe ka provuar që të bëjë hapin e madh në Formula 1 pa pasur suksese të rëndësishëm. /EDS/

Jeni i lutur të hyni në llogari që të lini një koment
Kandidati për postin e presidentit të FSHF thekson se drejtësia është prioritet për të

Gara për kreun e FSHF, Fino: Mëkat që disa figura të sportit janë keqpërdorur

21 Janar 2018 16:17

Kandidati për president në Federatën Shqiptare të Futbollit, Bashkimi Fino, ka reguar nëpërmjet një statusi në faqen zyrtare në “Facebook” për çështjen e shoqatave fantazmë. Deputeti thotë se i vjen keq që disa figura të njohura të futbollit janë përdorur nga institucion që drejton futbollin në vend.

“Pastërtia dhe drejtësia në futboll është pika më kryesore e platformës sime. Më vjen keq që për kaq vite është abuzuar me ilegalitet dhe shoqata fantazmë. Më vjen keq që për kaq vite është mashtruar një komunitet i tërë futbolli. Më vjen keq që disa persona kanë pretenduar në mënyrë joligjore që janë përfaqësues të disa organizimeve që merren me fëmijët. Me të ardhmen e vendit tonë. Më vjen keq që disa figura të njohura të sportit janë keqpërdorur ligjërisht. Të gjithë këto figura të njohura të sportit kanë thënë njëzëri: - "Nuk dimë gjë për pjesën e regjistrimit dhe pjesën ligjore. Ato i ka marrë përsipër Federata". Drejtësia vonon, por nuk harron. Deri në fund, për një futboll të pastër dhe të ligjshëm”, shkruan Fino. /EDS/

Jeni i lutur të hyni në llogari që të lini një koment