Kylian Mbappe shpëton Francën nga turpi (video)

Ti mund ta lexosh kete ne 1 min.
11 Tetor 2018 23:44
Sulmuesi barazoi në fund ndaj Islandës

Franca u kujtua në dhjetë minutat e fundit që të reagonte ndaj Islandës që po kryesonte me rezultatin 0-2. Vikingët modestë ishin shumë afër arritjes së fitores, e cila do t’i shkaktonte kampionëve të botës në fuqi një humbje shokuese. Ishte Kylian Mbappe që shënoi golin e barazimit në fund të takimit.

Birkir Bjarnason shënoi golin e parë të takimit me një gjuajtje të fortë, që i dha islandezëve avantazhin pas gjysmë ore lojë. Kári Árnason me kokë realizoi golin e dytë në minutën e 58’ të pjesën e dytë. Gjelat dominuan takimin, por e patën të vështirë që të çanin mbrojtjen e kombëtares vikinge në stadiumin “Municipal du Roudourou” në Guingamp.

Trajneri Didier Deschamps futi në lojë Kylian Mbappe dhe Thomas Lemar me sulmuesin e PSG që ishte i papërmbajtshëm. Hólmar Örn Eyjólfsson shënoi autogol në të 86’ dhe shkurtoi rezultatin 1-2. Ndërsa shtesë, Mbappe nga pika e bardhë e 11 metërshit barazoi rezultatin në 2-2.

Në miqësoren tjetër, Spanja fitoi ndaj Uellsit në stadiumin “Principality” me rezultatin 1-4, duke zhgënjyer 50 mijë të pranishmit uellsianë me këtë triumf. Goli i nderit për vendasit u shënua na Sam Voks në të 89’, por kjo ishte shumë pa për të bërë tifozët të buzëqeshnin. /EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike