Largimi i sigurt, kapiteni i Kombëtares drejt Turqisë

Ti mund ta lexosh kete ne 2 min.
16 Prill 2018 16:29

Situata e mbrojtësit Mërgim Mavraj te skuadra gjermane e Hamburger-it nuk ka si të shkojë më keq. Lojtari ka probleme me drejtuesit e klubit dhe konflikte me trajnerin aktual Christian Titz. Kjo ka bërë që situata e tij te skuadra gjermane të jetë më tepër se skandaloze, pasi futbollisti është urdhëruar të stërvitet me skuadrën e të rinjve. Mavraj nuk po merr pjesë në stërvitjet e ekipit të parë dhe rrugët mes tij dhe HSV janë të ndara, pavarësisht se nuk është bërë ende asgjë zyrtare.

Mbrojtësi u afrua sezonin e kaluar për të shpëtuar Hamburger-in në Bundesliga dhe ja doli mbanë, por ky vit ishte akoma më i vështirë, pasi skuadra nuk ka një grup cilësor. 31-vjeçari është një ndër më të paguarit te skuadra e HSV-së, pasi merr rreth 2 milionë euro në sezon. Hamburgeri duke parë dhe përplasjet me të i kanë treguar “derën”. Shqiptari e ka pranuar me qetësi të plotë vendimin dhe po mendon se në çfarë skuadra të transferohet. Ai ka disa oferta, por ende nuk ka vendosur për ta. Qëndrimi në Gjermani pëlqehet më shumë nga ana e Mavrajt, duke qenë se e njeh mirë kampionatin dhe futbollin e këtij vendi. Ai ka oferta nga disa skuadra të Bundesliga 2, ndërsa agjentët e tij po punojnë për ndonjë ekip të Bundesligas. Gjermania nuk është i vetmi opsion, pasi Eduasportin.com mëson me burime pranë lojtarit se Turqia është një alternativë serioze për Mavrajn.

Të njëjtat burime konfirmojnë se për 31-vjeçarin interesohen disa klube në Turqi, me Fenerbahçen që është në krye të listës. Skuadra e Fenerit u interesua dhe në janar për lojtarin, por Mavraj nuk lëvizi nga Hamburgeri duke patur krisjen e parë me skuadrën gjermane. Ekipi i HSV ndodhet në vendin e parafundit të Bundesligas me 22 pikë, 1 më shumë se vendi i fundit që mbahet nga Koln. Ekipi i Mainz që është në "play-out", ndodhet 5 pikë larg. /EDS

Kahn sulmon Lewandowski dhe bën dallimin midis Bayern dhe Real

Ti mund ta lexosh kete ne 2 min.
26 Prill 2018 00:12
Ish-portieri kritikon

Ish-portieri i kombëtares gjermane Oliver Kahn është i zhgënjyer me performancën e e sulmuesit polak kundër Real Madridit dhe analizon ndeshjen. Bayern e humbi ndeshjen 1-2, ndërsa ishte në avnatazh 1-0, kundër kampionëve të Real Madridit. Kahn kritikon ashpër Robert Lewandowski për shanset e humbura. "Unë shoh se vetëm Lewandowski në këto ndeshje nuk mjafton", tha ish-portieri për sulmuesin më të mirë të bavarezëve, i cili ka shënuar deri më tani 39 gola në ndeshjet zyrtare këtë sezon. Kundër Real Madridit, Lewandowski doli duarbosh dhe ofroi një shfaqje që nuk ishte e mjaftueshme për Kahn: "Ai ka statusin që dëshiron, por këtë ai nuk e tregon në lojëra të tilla”. 48-vjeçari, nga ana tjetër, përgëzon Real Madridin me një kompliment të madh: "Me qetësinë dhe brutalitetin e tij Reali e ‘goditi’ Bayern, kjo është një cilësi e pabesueshme. Pas gabimit të Rafinha, Reali e ndëshkon me një nivel të klasit botëror. Çdo gjë përshtatet".

Kahn bën dallimin midis Bayern dhe Real Madridit: “Ishte thjesht ‘brutale’, Bayern nuk mund t'i shfrytëzonte shanset e tyre dhe pikërisht kjo e bëri diferencën midis dy skuadrave sonte". Megjithatë, Kahn ende beson në progresin e kampionëve të Gjermanisë në finalen e Champions: "Por ne kemi parë në sezonin e fundit se rezultati nuk do të thotë fund, Reali është paralajmëruar dhe e di sa të fortë janë Bayern". Në sezonin e fundit në këtë kompeticion “Los Blancos” fituan 2-1 në ndeshjen e parë në “Allianz Arena”, por më pas Bayern Munchen përmbysi gjithçka në Madrid, duke bërë që ndeshje të shkonte në shtesë. Aty madrilenët u treguan më të zotë dhe kalun në finale ku mposhtën Juventusin. Në krahasim me një vit më parë në këtë edicion Real Madridi është përballur me kundërshtarë shumë të fortë, deri tani ka eliminuar Paris SG dhe Juventusin (dy ekipe favorite për trofeun). /EDS/

Zidane e shpjegon me filozofi fitoren: Ky është futbolli, ishim cinikë...

Ti mund ta lexosh kete ne 1 min.
25 Prill 2018 23:54

Real Madrid është me një këmbë në finalen e Champions League pas fitores së rëndësishme 1-2 në transfertë ndaj Bayern Munchen. Pas këtij suksesi të madh, trajneri i “Los Blancos”, Zinedine Zidane, për mikrofonin e Premium Sport ka pranuar verdiktin e fushë, duke shpjeguar edhe filozofinë e tij për sfidën: “Ky është futbolli. Të dy ekipet kishin shumë shanse, por në fund triumfuam ne. Ne duhet të jemi të lumtur me atë që kemi bërë në një fushë të vështirë. Ne kemi vuajtur në fund të ndeshjes, por në fund kemi luftuar dhe kemi arritur një rezultat shumë të rëndësishëm”, - deklaroi trajneri gjatë konferencës për shtyp.


Më tej, trajneri i Real Madrid e pranoi se skuadra e tij u tregua cinike, ndërsa vlerësoi Asension, por edhe skuadrën për paraqitjen e bërë.
“Humbëm Isco-n për shkak të një dëmtimi, por nga ana tjetër Asensio ishte ai që shënoi golin e dytë. Ai është i pabesueshëm, ka bërë diferencën dhe ky nuk përbën më një lajm, janë të rrallë lojtarët jo si ai që shkon në atë mënyrë në vertikale. Edhe Lucas Vazquez ka bërë një ndeshje të madhe, duke punuar shumë edhe në fazën mbrojtëse. Me ndihmën e Modric ka kontrolluar mirë Ribery. Ekipi ishte fantastik. Treguam se mund të bëjmë edhe pa golat e Ronaldos. Ne fituam në mënyrë cinike. Zëvendësimi Carvajal-Benzema kur rezultati ishte 2-1? Mua më pëlqen të luaj futboll dhe gjithmonë të përpiqem të realizoj një lojë sulmuese”, - tha Zidane për median./EDS/

Heynckes i habitur: Nuk kam parë një ndeshje të tillë!!!

Ti mund ta lexosh kete ne 2 min.
25 Prill 2018 23:31

Gjashtë fitore radhazi për Real Madridin kundër Bayern Munchen, ndërsa Jupp Heynckes humbet për herë të parë në pesë vjet në Campions League. Një humbje që komplikon shumë shanset e kampionëve të Gjermanisë për të shkuar në finalen e Campions. Tani “Los Blancos” janë shumë afër suksesit të trefishtë në këtë veprimtari, ndonëse e dinë se janë edhe 90’ minuta për t’u luajtur. Në përfundim të takimit, bavarezët u shfaqën të zhgënjyer, ndërsa besojnsë se mund ta përmbysin disavantazhin në ndeshjen e kthimit në “Santiago Bernabeu”.

“Ia dhuruam të dy golat Real Madridit. Nuk ishim efikas përpara portës, krijuam vërtetë shumë raste, por nuk arritëm t’i shfrytëzonim. Kjo na penalizoi. Pika e kthesës për ta ishte goli i barazimit, nuk kam parë ndonjëherë një gjysmëfinale të Champions të kishte kaq shumë raste të pashfrytëzuara, aq më shumë ndaj Real Madridit. Gjithashtu dëmtimet bën të vetën”, tha Jupp Heynckes.

Thomas Müller, kapiteni i Bayern thotë se kualifikimi është i hapur, ndërsa e pranoi se u treguan të dobët. "Ne ishim shumë naiv... Ne patëm shumë shanse dhe shkuam në 1-1, në pjesën e dytë ata kalun shumë shpejt në avantazh. Sonte rezultati mund të ishte shumë më ndryshe”. “Ne e pamë vitin e kaluar se gjithçka është e mundur në Madrid, ku ishim në gjendje të ktheheshim nga një defiçit 1-2. Ne patëm disa shanse shumë të mira, por ndoshta rëndësia e ndeshjes luajti një rol... gjithsesi duhet të kishim marrë një rezultat më të mirë sonte", shtoi gjermani.

"Ishte e dhimbshme që Robben u largua aq herët: ai është një lojtar që i tërheq kundërshtarët rreth vetes dhe kjo krijon hapësirë për mua, kjo nuk nënkupton se Thomas nuk ka bërë një punë të mirë - ai krijon boshllëqe me lëvizjen e tij", tha autori i golit të vetëm të Bayern, Kimmich. /EDS/

Lajm jo i mirë për tifozët, Rusia me sanksione të forta për Botërorin 2018

Ti mund ta lexosh kete ne 1 min.
25 Prill 2018 23:06

Në një përpjekje për të parandaluar dhunën e tifozëve gjatë Botërorit, zyrtarët rusë kanë marrë vendimin për të ndaluar pijet alkoolike në Moskë gjatë zhvillimit të këtij kompeticioni. Në fakt alkooli do të lejohet të shitet nëpër stadiume apo zonat e tifozëve, por Bashkia e Moskës do të kufizojë shitjen e pijeve alkoolike jashtë këtyre zonave në kryeqytet, në ditën e ndeshjeve dhe një ditë përpara.


Kohët e fundit tifozët rusë kanë krijuar rrëmuja kudo ku kanë udhëtuar, kur gjatë zhvillimit të Euro 2016 në Francë u konfliktuan me përkrahësit anglezë, që u pasua nga në një numër i madh arrestimesh. Në formë hakmarrjeje huliganët nga vendi pritës kanë kërcënuar me vdekje tifozët anglezët, nëse vendosin të udhëtojnë në Rusi.


Zyrtari i Bashkisë së Moskës, Kirill Malyshkin deklaroi: "Organet ekzekutive kanë përcaktuar tashmë vendet ku do të ndalohet shitja dhe konsumimi i alkoolit, në prag të një ndeshje futbolli të Kupës së Botës. Pubet, restorantet, supermarkete dhe të gjitha pikat e tjera të shitjeve, do të preken nga ky vendim dhe janë të detyruara të zbatojnë këtë vendim, sepse në të kundërtën do të kenë pasoja të rënda”.

Në dy stadiumet e Moskës do të zhvillohen gjithsej 12 ndeshje gjatë gjithë turneun, duke përfshirë finalen dhe gjysmëfinalen. Por për habinë e të gjithëve, tifozët do lejohen të hyjnë në stadium me kanabis, kokainë dhe madje heroine, por jo me alkool. /EDS/