Lemina pritet ta zëvendësojë Rabiotin te Parisi

22 Dhjetor 2018
Lemina pritet ta zëvendësojë Rabiotin te Parisi

Adrien Rabiot po kalon muajt e fundit si futbollist i Paris Saint Germain.

Mesfushori francez nuk ka pranuar rinovimin e kontratës me kampionët e Francës dhe do të largohet nga klubi në verë si lojtar i lirë.

Por duket se PSG ka gjetur menjëherë zëvendësuesin e Rabiotit dhe pritet të intervenojë në janar.

E përditshmja franceze L’Equipe ka shkruar se mesfushori i Southamptonit, Mario Lemina pritet të zbarkojë në kryeqytet.

25-vjeçari ka pasur një stinor mjaftë të mirë me klubin anglez dhe ka rritur vlerën e tij.

Lemina iu bashkua klubit anglez në verën e vitit 2017 nga Juventusi për 17 milionë euro.

Mario Lemina (Foto: Mike Hewitt/Getty Images/Guliver)

Por tani Southampton për ta lënë të lirë yllin e tyre po kërkon së paku 35 milionë.

Paratë nuk janë problem për Parisin që po synon ta mbyllë sa më shpejtë çështjen e transferimit të lojtarit.

Reprezentuesi i Gabunit pritet të nënshkruajë kontratë pesë vjeçare me PSG-në, me një pagë vjetore prej katër milionë euro në stinor.

Në rast se finalizohet ky transferim, atëherë për Leminan do të ishte një rikthim në Ligue 1 pasi më parë ka veshur fanellën e Olympique Marseille dhe Lorient. /Telegrafi/

www.telegrafi.com