Lidhja e fshehtë, De Bruyne mund të luante për këtë Kombëtare

Ti mund ta lexosh kete ne 1 min.
13 Shkurt 2018 10:40
Historia e çuditshme e mesfushorit belg

Kevin  De Bruyne është padyshim një nga lojtarët më të mirë në botë. Paraqitjet e tij me Manchester City-n janë vlerësuar nga ekspertët e futbollit dhe jo vetëm, të cilin e kanë quajtur fenomen.

Mirëpo, përtej futbollit ka disa gjëra interesante që nuk i dini për mesfushorin belg.

26-vjeçari ka shkruar në 2014-ën një libër për jetën e tij që titullohet “Keep It Simple”, në të cilin i ka treguar të gjitha. Ylli i “Qytetarëve”, në këtë libër ka rrëfyer edhe për historinë famëkeqe me shokun e tij belg, i cili i kishte marrë të dashurën. Kolegu i tij në kombëtare, Thibault Courtois pati lidhje intime me të dashurën Caroline Linjen pasi ishin takuar në Madrid me disa miq.

“E dashura ime Caroline shkoi në Madrid me disa miq, dhe Thibaut pati një marrëdhënie me të. Më pas ai i tha një shoku për lidhjen, e ky nuk ishte veprim shumë i zgjuar. Ti nuk mund të bësh gjëra të tilla. Unë vazhdoj të mendoj për këtë edhe tani”.

De Bruyne u martua me të dashurën e tij Michele Lacroix verën e kaluar. Ata kanë një djalë të vogël së bashku, që quhet Mason Milian ndërkohë që dashuria e tyre nisi që në 2014-ën.

NjJë detaj tjetër interesant është se nëna e Kevin-it, Anna De Bruyne ka lindur në Burundi, një shtet i vogël afrikan. Për këtë mediat patën shkruar se ai mund të zgjidhte të luante me këtë komb për shkak të nënës së tij. /EDS/

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike