Llogaritë për kreun e Serie A, ja ku dallojnë Sarri dhe Allegri

Ti mund ta lexosh kete ne 2 min.
16 Prill 2018 12:27
Juventus-Napoli do të luhet të dielën

Derbi roman nuk ka tradhtuar, në fund u mbyll 0-0, pati luftë emocionuese dhe mbi të gjitha në kornizat e një stadiumi të mbushur plotë. Mungoi vetëm goli, por të dyja skuadrat provuan, me Lazio-n që ishte e aftë të tregonte supermaci territoriale deri në momentin që doli me të kuq Radu dhe Roma që nuk mundi që të finalizojë dy aksione në fund. Një gjuajtje nga Peres dhe një traversë nga Dzeko, por në fund një pritje nga Strakosha që ishte i aftë gjithnjë që të neutralizonte sulmin verdhekuq.

Roma dhe Lazio avancojnë në klasifikim, duke mbajtur vendin e tretë dhe të katërt me pikë të barabarta, një më shumëse Inter. Di Francesco ka një avantazh që, me një fitore dhe një barazim në dy ndeshjet derbi, tashmë mban vendin e tretë dhe teorikisht është një hap para. Nuk ka dyshim që kanë paguar fatin e Kupës, me Roma-n që kthehet nga ajo mbrëmje fantastike në Champions kundër Barcelona-s dhe Lazio që u eliminua nga Salzburg-u. Këmbët, megjithatë, kanë rezistuar deri në fund ku nuk kanë munguar emocionet. Mbi të gjitha, një sinjal pozitiv për Roma-n në vigjilje të ndeshjeve gjysmëfinale kundër Liverpool.

Në rrugën për titullin kampion, Juve është larguar 6 pikë këtë javë, pikërisht një ndeshje para se të luhet përballja direkte. Allegri shkon në +6 pas fitores së thjeshtë kundër Sampdoria-s, i mbështetur nga idetë dhe një grup që përherë jep maksimumin. I menjëhershëm reagimi pas ndeshjes së çmendur të Madridit, me Douglas Costa që ishte absolutisht protagonist, tre asiste të çmendur, një kros i shpejtë dhe një goditje e fortë në zonë.

Pas ndeshjes që Juve do të përballet me Crotone-n dhe Napoli me Udinese-n, do të jetë gjithçka gati për përballjen direkte, ku bardhezinjtë duket se janë më favoritët, të paktën në letër, pasi luajnë për dy nga tre rezultatet. Nëse këto dy skuadra do të mbërrijnë të dielën në mbrëmje me të njëjtën largësi pikësh, Napoli-t i lind detyra për të rikuperuar në përballjen direkte.

Napoli pasi mundi Chievo-n në kohën shtesë, këtë herë vuajti në finalizim kundër Milan-it. Kundër një Milani të organizuar mirë, të vendosur, por ende në rimodelim nga trajneri i tyre, Insigne dhe shokët e tij patën rastin vendimtar në minutat e fundit: Milik provoi nga gjashtë metra larg portës ku bëri dhe ndeshjen më të mirë të mundshme, kontrolloi më së miri topin por gjuajti në cepin më të largët. Do të ishte gol nëse nuk do të ishte një portier po aq i shkathët se sulmuesi, Donnarumma u tregua fenomenal, ku në një hapësirë më të vogël se 2 metër arriti që të dërgonte topin jashtë.

Një ndeshje e jashtëzakonshme, pa ekzagjerim një nga pritjet që bëjnë histori, mbi të cilën Napoli kishte bazuar ëndrrën për të shkuar në finale. Kampionati normalisht që nuk është mbyllur, por Sarri për ta rihapur duhet që të provojë që të bëjë mrekullinë në Torino. /EDS/

Lë punën si trajner për të vazhduar karrierën si dentist

Ti mund ta lexosh kete ne 2 min.
17 Korrik 2018 19:14

Tri javë pasi skuadra e drejtuar prej tij u eliminua nga Kupa e Botës, trajneri i Islandës Heimir Hallgrimsson dha dorëheqjen. Vendimin e konfirmoi edhe Federata Islandeze e Futbollit e cila tashmë është vënë në kërkim të një trajneri të ri.

51-vjeçari vendosi vetë për të lënë kombëtaren, me të cilën punonte prej 7 vitesh, më parë si ndihmës i Lagerbak e më pas si trajner i parë.

Tani Hallgrimsson i rikthehet profesionit të dentistit, të cilin e ka ushtruar gjatë gjithë jetë së tij. Që prej humbjes ndaj Kroacisë në fazën e grupeve që solli edhe largimin e parakohëshëm të skuadrës nga turneu, Hallgrimson kishte lënë të hapur mundësinë për të ndërprerë punën e tij me kombëtaren, ndërsa tani vjen edhe vendimi zyrtar.

“Nuk ka punë më të mirë se sa të punosh si trajner i skuadrës kombëtare të Islandës. Do të jetë e vështirë për mua ta lë skuadrën. Por më parë le të shkojmë me pushime e më pas do të ulemi e do të flasim për atë që do të ndodhë”, pati deklaruar fill pas eliminimit nga Botërori.

Si ndihmës i suedezit Lagerback, Hallgrimsson u bë i famshëm gjatë Euro 2016, sikurse gjithë kombëtarja islandeze e cila fitoi zemrat e tifozëve nga e gjithë Europa gjatë turneut francez. Dy vjet më parë Islanda arriti një sukses të paimagjinueshëm duke u kualifikuar deri në fazën finale të turneut e madje duke arritur deri në çerekfinale, pasi eliminoi Anglinë.

Më pas nën drejtimin e Hallgrimsson si trjaner i parë, Islanda u kualifikua për herë të parë në historinë e saj në një Botëror, edhe pse nuk arriti të kalonte përtej fazës së grupeve./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Milani në prag revolucioni, ja kush pritet të jetë trajneri i ri

Ti mund ta lexosh kete ne 2 min.
17 Korrik 2018 18:32

Edhe pse në deklaratën e Elliottit , bëhej e qartë se Gennaro Gattuso është e tashmja edhe e ardhmja e Milan-it, qëndrimi i Rinos në stolin e kuqezinjve  nuk është aq i sigurt, sipas asaj që raporton Sport Mediaset. Me sa duket, në fakt, trajneri i ardhshëm i Milan-it mund të jetë Antonio Conte. Tekniku nga puglia është zgjedhja e parë e pronarëve të rinj, pas largimit nga Chelsea. Pika e kthesës, me sa duket, do të vijë menjëherë: pas asamblesë që pritet të zhvillohet të shtunën. Disa herë, në vitet e fundit, Conte ka qenë afër kuqezinjve, por këtë herë mund të jetë momenti i duhur.

Elliott duket se dëshiron të ndryshojë gjithçka që mund të ndryshohet nga menaxhimi i Yonghong Li, duke përfshirë edhe trajnerin. Për momentin Elliott, nuk është shprehur asnjëherë për  trajnerin ose për ndonjë çështje tjetër. Që prej deklaratës zyrtare të fondit, kanë ndodhur  tri gjëra të rëndësishme: Conte u shkarkua, Gattuso përfundoi nën hetim dhe Curva Sud lëshoi një komunikatë që e lidhte Rinon drejtpërdrejt me Massimiliano Mirabelli-n.

Ky është problemi kryesor: Marco Fassone dhe drejtori sportiv i kanë ditët e numëruara. Drejtori Ekzekutiv është duke kërkuar për ndonjë mundësi tjetër dhe duket se do të përfundojë në Ligën e Futbollit, ndërsa ky i fundit do të vazhdojë të operojë në merkato deri në fund të sezonit, edhe pse nën mbikëqyrjen e Leonardo-s. Pastaj, mund të caktohet një drejtor i ri sportiv. Mund të jetë Cristiano Giuntoli, por edhe Daniele Pradé. Ardhja e Conte-s mund të lehtësojë transferimin e Alvaro Morata. Sulmuesi ishte kërkuar të Chelsea nga Conte dhe do të ishte dakort për një transferim në Milano. Përveç kësaj, me ardhjen e ish-trajnerit të kombëtares Italiane, mund të qëndrojë edhe kapiteni Leonardo Bonucci, në qendër të thashethemeve të shumta rreth merkatos. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Hamburgu merr vendimin zyrtar për Mavrajn

Ti mund ta lexosh kete ne 1 min.
17 Korrik 2018 18:15
Tani me sytë nga e ardhmja

Rrugët e Mërgim Mavrajt dhe Hamburgut janë ndarë sot përfundimisht. Klubi gjerman ka njoftuar përmes një postimi në Facebook se ka zgjidhur me mirëkuptim kontratën me 32-vjeçarin shqiptar i cili tashmë është një lojtar i lirë.

Edhe pse kontrata mes Mavrajt dhe hamburg përfundonte një vit më vonë, palët kanë rënë dakord për prishjen e menjëhershme të saj. “Falenderojmë Mërgimin për shërbimet e tij dhe i urojmë fat në të ardhmen”, shkruhej në postimin e Hamburg.

Mavraj u transferua te Hamburg nga Këlni në dhjetor 2016, i blerë nga klubi verior për 1,8 milionë Euro. Edhe pse luajti fillimisht mirë me Hamburg e në fillim të sezonit të kaluar madje u emërua edhe zëvendës kapiten, por që prej mbërritjes së trajnerit Christian Titz gjërat nisën të merrnin për keq për mbrojtësin shqiptar. Fillimisht ai nisi të mos aktivizohej rregullisht e më vonë erdhi edhe dërgimi për t’u stërvitur me skuadrën e dytë.

Tani Mavrajt i duhet të gjejë një skuadër tjetër. Më parë emri i tij është lidhur me turqit e Trabzonspor, ndërkohë që më pas kanë dalë në dritë edhe disa klube italiane apo spanjolle, si Deportivo la Coruna. Gjithsesi tani që lojtari është i lirë mund ta ketë më të lehtë të gjejë një skuadër për të garantuar minuta për sezonin e ardhshëm./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

 

Tronditet Arsenal, kontrata e firmosur me sponsorin kinez jo e vërtetë

Ti mund ta lexosh kete ne 2 min.
17 Korrik 2018 17:50

Ndodh që të gjithë të mashtrohemi njëherë në jetë. Fatura e telefonit e kripur, një blerje nëpërmjet internetit që vjen bosh. Natyrisht, që ti ndodhë një klubi futbolli, me gjithë volumin e punës që sillet rreth botës së futbollit, është mjaft komike. Sidomos në qoftë se klubi në fjalë nuk është një ekip i lënë pas dore, por Arsenali i lavdishëm. Që, siç raportohet nga Daily Mail, në prill kishte njoftuar një partneritet me BYD, një kompani kineze që prodhon makina elektrike. Disa nga lojtarët e Gunners ishin fotografuar me fanellat që mbanin emrin e kompanisë. Por në fakt ...

Ndërsa tani, vetë BYD deklaron se çdo marrëveshje e arritur dhe e nënshkruar me Arsenal-in do të konsiderohet absolutisht e pavlefshme. Dhe për një arsye madhore. Personi i cili ka firmosur këtë marrëveshje ... nuk punon për BYD. Në fakt, ai kurrë nuk ka punuar atje. Daily Mail njofton se Li Juan, arkitekti i dyshuar i këtij mashtrimi, është arrestuar në Shangai. Pikërisht në qytetin më të populluar në botë, Li Juan kishte selinë e saj, ku mashtronte klientët, duke pretenduar se ishte një emisar i BYD-së, duke u pajisur me një vulë të rreme të kompanisë.

Dhe versioni kinez i faqes së Arsenalit konfirmon se Gunners gjithashtu është në listën e të mashtruarve. "BYD ka njoftuar Arsenalin se ka qenë viktimë e mashtrimit në lidhje me disa marrëveshje sponsorizimi, duke përfshirë edhe atë me klubin". Kompania ka lëshuar një deklaratë zyrtare, duke nënvizuar se Li Juan është hequr si një anëtar i stafit të BYD dhe ka përdorur një vulë të falsifikuar për të nënshkruar kontrata. Të gjitha detajet  BYD i ka raportuar në polici, të cilët kanë kryer arrestimin. Një dëm i madh për imazhin e kompanisë, por edhe për vetë Arsenal-in, që kishte postuar fushata reklamuese në faqen e saj të internetit për të bërë publike partneritetin. Dhe në fakt, është përballuar me një marrëveshje të rremë. Por, kjo i ndodh edhe më të mirëve. Megjithatë, nga hera tjetër, kujdes se çfarë firmosni. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.