Lojtarët mungojnë në stërvitje, zbulohen masat ndëshkimore

Ti mund ta lexosh kete ne 1 min.
12 Janar 2018 22:22
Ballshiotët duket se kanë probleme me lojtarët

Ballshiotët duket se kanë probleme me lojtarët. Disa prej tyre nuk paraqiten në stërvitje. Kjo gjë ka detyruar drejtuesit që të reagojnë, jo vetëm me masa disiplinore, por tashmë edhe në faqen zyrtare në Facebook kanë publikuar çështjen në fjalë.

“FK BYLIS ka nisur përgatitjet në datën 4 janar, kur ka lënë edhe pushimet e festave të fundvitit. Por, prej datës 4 e deri më sot, në klub mungojnë tre futbollistë: Franklin Ntepe, Jurgen Vatnikaj dhe Vesel Limaj”.

“Drejtuesit kanë marrë masat përkatëse për ta, ndërsa nesër kthehet Ntepe. Limaj dhe Vatnikaj nuk kanë njoftuar në klub, por bëjmë me dije se kushdo që është nën kontratë nuk do të lëvizë nga skuadra!”, shkruhet nga zyra e shtypit të klubit mallakastriot.

Por, EDS zbulon masat ndëshkimore. Të tre futbollistët nuk i kanë shpëtuar gjobave. Klubi ka njoftuar në FSHF për ndëshkimet për të tre lojtarët e sipër përmendur. Nëse ata do të vijojnë të bëjnë mungesa, pritet që të ketë masa të përshkallëzuara, ndërsa klubi është i vendosur që të mos i lëshojë. /EDS/

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike