Lothar Matthaus: Bayerni duhet të shkojë për Allegrin, jo për Mourinhon

05 Nëntor 2019

Lothar Matthaus ka thënë se Bayern Munichu duhet ta emërojë Massiliano Allegrin si zëvendësues të Niko Kovacit dhe jo Jose Mourinhon.

Në listën e Bavarezëve janë disa kandidatë për ta marrë drejtimin e skuadrës pas largimit të kroatit ditë më parë.

Por, legjenda e klubit gjerman ka thënë se ish-trajneri i Juventusit është njeriu i duhur për ta drejtuar skuadrën para portugezit.

Lothar Matthaus

“Unë besoj se Bayern do të kërkojë dhe emërojë një trajner që ka një emër më të madh dhe mund të fitojë më shumë tituj”, ka thënë Matthaus.

“Emrat janë Jose Mourinho, Massimilano Allegri, Erik ten Hag, Ralf Rangnick dhe Arsene Wenger. Për të qenë i sinqertë, unë mund t’i imagjinoja të gjithë në Bayern. Ata janë emra të shkëlqyeshëm, trajnerë të shkëlqyeshëm dhe të gjithë sjellin diçka shumë interesante”.

Jose Mourinho

“Që vetëm disa mund të përgjigjen, megjithatë, është: Çfarë dëshiron Bayern? Ku duan të shkojnë kampionët gjermanë? Çfarë doni të qëndroni? Çfarë dëshirojnë të shohin shefat në fushë në të ardhmen?”

Massimiliano Allegri (Foto: Juventus/Twitter)

“Mourinho do ta përjashtoja. Unë e admiroj atë dhe gjithçka që ai ka arritur dhe fituar në të kaluarën me shumë klube. Por, unë besoj se karakteri i tij dhe mënyra e tij e punës nuk i përshtaten Bayernit dhe shumë trazira do të mbizotëronin. Por do të ishte spektakolare, veçanërisht për median”.

Lexo po ashtu: Gjashtë trajnerë në listën e Bayernit për ta zëvendësuar Kovacin

“Massimiliano Allegri? Nëse Bayern nuk dëshiron domosdoshmërisht një trajner që flet gjermanisht, ai do të ishte zgjidhja më emocionuese për mua. Një emër i shkëlqyeshëm, tepër i suksesshëm me Juventusin, një zotëri dhe njeri futbolli i kategorisë shumë më të lartë dhe ai mund të fliste lehtësisht me shefin e Bayernit, Karl-Heinz Rummenigge në italisht”, ka shtuar më tej ai.

Allegri është i papunë që nga vera e këtij viti, pasi u largua nga Zonja e Vjetër pas pesë vitesh në krye të skuadrës. /Telegrafi/

www.telegrafi.com