Maguire: Duhet ta bëjmë Old Traffordin një kështjellë

11 Gusht 2019

Harry Maguire debutoi për Manchester Unitedin në ndeshjen kundër Chelseat, ndërsa ishte njëri prej lojtarëve më të mirë në takimin, të cilin Djajtë e Kuq e fituan me rezultat 4-0.

“Është një fillim i shkëlqyer për mua dhe për skuadrën. Në pjesën e parë ishim paksa me fat, mirëpo në gjysmën e dytë ishim më shumë vetvetja”.

“Është ndeshja e par në Old Trafford, prandaj mendoj se ka pasur emocione. E humbnim topin në zona të rrezikshme. Lëviznim mirë në pjesën e dytë dhe treshja jonë e sulmit ishin shumë të rrezikshëm pas pushimit”.

Harry Maguire (Foto: Michael Regan/Getty Images/Guliver)

“E dinim se në vitin e kaluar nuk kishim pranuar gol në vetëm dy ndeshje. Duhej të bënim një kështjellë. U ndjeva mirë. Kam kaluar vetëm tri apo katër ditë me bashkëlojtarët. Do të bëhem më i mirë dhe do të forcohem”, ka deklaruar Maguire për Sky Sports.

Lexo po ashtu: Unitedi e turpëron Chelsean në startin e Ligës Premier – Daniel James debuton me gol

Kujtojmë që futbollisti anglez u bë mbrojtësi më i shtrenjtë kur nënshkroi për Unitedin nga Leicester City këtë verë. /Telegrafi/

www.telegrafi.com