Mallkimi i gjermanëve: yjet që u shuan pasi shkëlqyen në Botëror!

Ti mund ta lexosh kete ne 4 min.
16 Maj 2018 14:45

Është parajsa, por edhe paradhoma e ferrit. Sepse më lart nuk mund të ngjitesh, më lart nuk mund të shkosh. Dhe të biesh është e lehtë. Madje, është e sigurt. Të martën, Joachim Löw ka publikuar një listë të gjatë paraprake me emrat e lojtarëve që do të grumbullojë për Botërorin Rusi 2018. I përjashtuari më i famshëm është Mario Götze. Në vitin 2014, në Brazil, ai ishte vendimtar me golin që shënoi në finale ndaj Argjentinës. Asokohe ishte 21 vjeç dhe Löw, teksa po përgatiste për t’u futur në fushë në vend të Kloses, i tha se duhet t’i tregonte botës se ishte më i fortë se Messi.

Në fakt, në Gjermani të gjithë ishin të bindur për këtë. Në moshën 21-vjeçare kishte fituar 3 kampionate (dy me Borussia Dortmund, një me Bayern Munchen) dhe kishte arritur deri në finalen e Champions League. Klas dhe elegancë, por mbi të gjitha teknikë në shpejtësi. Po, Mario mund të bëhej një nga më të mirët në botë. Por pas atij goli nisi edhe rënia. Probleme, polemika, zhgënjime për të ardhur deri të përjashtimi i djeshëm. Dhe nuk është hera e parë që ndodh. Të katër gjermanët të cilët vendosën katër Botërorët e fituar nga Gjermania, nga parajsa janë gjendur papritmas në ferr. Është njësoj sikur të kesh bërë një pakt me djallin për të shënuar atë gol.

MARIO GÖTZE — Mjaftojnë numrat për të lexuar vështirësitë. Pasi vendosi finalen ndaj Argjentinës, Götze në Bundesligë ka shënuar 15 gola në 4 vjet. Në fillim stoli me Guardiolën, më pas kritikat e tifozëve të Dortmund të cilët nuk e donin rikthimin e tij te Borussia, dëmtimet e shumta, sëmundja dhe sërish në stol me Stöger. Statistikat e gozhdojnë: 15 gola në 4 kampionatet e fundit, në një kohë që në 4 turnetë e fundit (nga mosha 18 deri më 21 vjeç) kishte realizuar 32 gola. Më shumë se dyfishi. Mario nuk është më ai i mëparshmi, aq sa administratori i deleguar i Dortmund, Watzke disa muaj më parë ishte shprehur i shqetësuar: “Ai gol në botëror ka ndikuar shumë tek ai, – ka pohuar –. Tani i mungon diçka. Mario ka një problem të madh që e kanë të gjithë lojtarët, të cilët në moshë të re kanë pasur atë sukses: menaxhimi i presionit. Është vërtetë e veçantë ajo që u ka ndodhur gjermanëve të cilët kanë shënuar golin vendimtar të botërorit...”. pikërisht, sepse Mario është në “ferr” dhe aty i bëjnë shoqëri tre paraardhësit e tij.

HELMUT RAHN — Botërorin e parë Gjermania e fitoi në Zvicër në vitin 1954. Me mrekullinë e Bernës (kanë bërë edhe një film madje) gjermanët arritën të thyenin Hungarinë e Puskas edhe pasi u ndodhën në disavantazhin 2-0. Rahn realizoi dopjetën vendimtare, përfshirë golin që vulosi rezultatin në 3-2. Fill pas finales nisi rënia: shumë alkool, shumë probleme. Në vitin 1957 u ndalua teksa drejtonte automjetin e tij në gjendje të dehur. Kundërshtoi dhe sulmoi forcat e rendit. Në vitin 1960 e bëri sërish dhe mbeti 3 javë në burg.

GERD MÜLLER — Në vitin 1974 golin vendimtar e shënoi Gerd Müller. Në fushën “Bomber der Nation” arriti të jepte akoma: pasi kishte realizuar të paktën 30 gola për çdo sezon në tre kampionatet e fundit para Botërorit (e kishte bërë këtë gjë 5 herë në 6 sezone) shënoi diçka më pak në tre sezonet që pasuan finalen e madhe (23-28-24). Madje, braktisi Bundesligën për futbollin amerikan dhe më pas pati probleme me alkoolin. “Nuk mund të shkonte më keq se kaq, – ka rrëfyer Gerd –. Arrin aq lart sa vështirë se mund të arrihet, prek qiellin me dorë dhe më pas vjen rënia. Gjithnjë e më poshtë, derisa mbërrin në ferr. Nuk bën asgjë, kalon ditët duke mos bërë asgjë. Pa miqtë e mi nuk do t’ia kisha dalë mbanë”. Miqtë në fjalë ishin Beckenbauer, Hoeness dhe Rummenigge, të cilët e bindën të shkonte në një klinikë rehabilitimi dhe të pranonte ndihmën psikologjike.

ANDREAS BREHME — I fundit gjerman i cili vendosi Botërorin para Götze-s ishte Andreas Brehme me golin e shënuar ndaj Argjentinën në vitin 1990. Më parë kishte fituar Kupën UEFA me Interin (në finalen ndaj Romës) si edhe kupën dhe kampionatin me Kaiserslautern. Por edhe ai hasi në disa vështirësi. Disa vjet më parë u ndalua i dehur në timon dhe u akuzua se kishte drejtuar makinën edhe pse i kishin hequr patentën. Pak vite më parë, lajmi se ai kishte probleme financiare shkaktoi habi të madhe, aq sa në vitin 2015 nuk donte të shkonte në festën e organizuar nga DFB (Federata Gjermane e Futbollit) për të festuar 25-vjetorin e trofeut. Mbase nuk donte as ta kujtonte e jo më të festonte. Ai gol në fakt të çon në parajsë. Por është edhe paradhoma e ferrit./EDS/

Talenti i Dortmund kthehet në fushë pas dëmtimit horror dhe 9 operacioneve / FOTO

Ti mund ta lexosh kete ne 1 min.
14 Gusht 2018 17:48

Talenti i ri i Borussia Dortmund, Dario Scuderi, është rikthyer si triumfator në fushën e blertë, dy vjet pas një dëmtimi horror, ndër më të këqinjtë që mund të imagjinojë ndonjëherë një futbollist.

Në shtator 2016 ndërsa luante në Youth League, versionin e Champions League për skuadrat e të rinjve, këmba e Scuderit praktikisht u thye në dysh…

Që prej asaj kohe, mbrojtësi i krahut të djathtë i është nënshtruar 9 operacioneve dhe ka munguar në fushën e lojës për më shumë se 700 ditë. Por pavarësisht qendrimit të gjatë pa futboll, italiani arriti të përfshihej në fazën përgatitore të skuadrës gjermane dhe madje luajti për rezervat e Dortmundit në ndeshjen kundër SV Luner.

Në një postim në Instagram, Scuderi shkruan: “Pas një periudhe të gjatë e të vështirë më në fund u riktheva, edhe pse mjekët më kishin thënë që nuk bëhesha më. Falenderoj familjen, miqtë dhe Borussia Dortmund, pa ju nuk do të isha këtu”.

Kirurgu që e operoi ishte shprehur se ky ishte shprehur që ky ishte dëmtimi më i shëmtuar që kishte parë ndonjëherë. “Ishte dëmtimi më i keq që mmund të imagjinosh. Praktikisht gjithçka ishte shkatërruar, ligamentet, muskujt dhe tendinat”.

Gjatë dy viteve që ai nuk ka mundur të luajë futboll ka studiuar për manaxhim sportiv me shpenzimet e Dortmundit, pasi klubi gjerman i frikësohej mundësisë që karriera e djaloshit mund të ndërpritej aty./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Spalletti rinovon me Interin deri në vitin 2021

Ti mund ta lexosh kete ne 1 min.
14 Gusht 2018 17:25

Vazhdojnë zyrtarizimet te Inter, protagonist në merkato, në pritje të transferimit apo jo të  Luka Modric nga Real Madrid. Nëpërmjet profilit zyrtar në Twitter, klubi zikaltër ka njoftuar rinovimin e kontratës deri në vitin 2021 të Luciano Spalletti-t, i cili është shpërblyer pas rikthimit në Champions League:

“Falënderoj familjen Zhang dhe klubin për mundësinë që më dha për të rinovuar kontratën. Dua të theksoj se firma ishte vetëm një gjest burokratik e diçkaje që ishte vendosur tashmë, pasi asnjëherë se kam vënë në diskutim dëshirën për të luftuar së bashku për suksesin e këtij klubi legjendar. Që në fillim ka ekzistuar respekti reciprok dhe konfrontimet ditë pas dite kanë treguar që ëndërrojmë të njëjtat gjëra për këtë fanellë dhe për këta tifozë. Le të themi se sot është realizuar dëshira e tifozëve zikaltër.” /EDS/

***********************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

 

Ekskluzive/ Bushi me përforcime nga Sllovenia dhe Belgjika

Ti mund ta lexosh kete ne 2 min.
14 Gusht 2018 17:09

Shqipëria U-21 do të luajë më 6 shtator kundër Spanjës dhe me 11 shtator përballë Italisë. Trajneri Bushi po përgatitet për këto sfida, duke ftuar lojtarët që e kanë bindur dhe që janë të gatshëm të veshin fanellën e ekipit Shpresa. Burime të besueshme kanë konfirmuar ekskluzivisht për “Eduasportin.com” se bëhet fjalë për Drilon Kryeziun dhe Din Sulan, që të dy lojtarë të formuar jashtë vendit.

Trajneri ka qenë  në bisedime prej disa muajsh me Drilon Kryeziun, mbrojtësin e djathë që aktivizohet me skuadrën sllovene, Triglav në kategorinë e parë dhe është një lojtar me të dhëna premtuese. Binaku ka lindur më 1 korrik të viti 1999 në Slloveni dhe është me nënshtetësi sllovene, por me origjinë nga Kosova. Djaloshi ka luajtur edhe me kombëtaren U-17 dhe U-19 të Sllovenisë. Sipas informacioneve paraprake, ai është i një niveli që mund t’i vlejë shumë Kombëtares.

Ndërsa, emri tjetër që do të ftohet është Din Sula, i cili aktualisht militon në kategorinë e parë të Belgjikës me skuadrën e Waasland-Beveren. Sulmuesi i ri që ka lindur në Bruksel, por me origjinë nga Kosova, sapo është transferuar nga OH Leuven. Sezonin e kaluar ai shënoi nëntëmbëdhjetë herë vitin e kaluar me ekipin e Lommel SK, ku u huazua në mënyrë që të fitonte eksperiencë. Ai më herët ka luajtur për të rinjtë e Diegem Sport dhe Woluwe-Zaventem. Gjatë gjithë kësaj kohe ka qenë në vëmendjen e ekipeve më të mëdha në Belgjikë. Lojtari është kërkuar edhe nga ekipet angleze, ku u provua edhe te ekipi i mirënjohur Aston Villa, por preferoi që së pari të përfundonte studimet e tij në Belgjikë. I riu është grumbulluar gjashtë herë nga kombëtarja e moshave të Belgjikës. Fillimisht është grumbulluar për U-18, ku më vonë kaloi te U-19. Lista zyrtare do të bëhet publike në javët në vijim, megjithatë, burime ekskluzive të “Eduasportin.com” tregojnë se këta lojtarë e kanë marrë tashmë ftesën zyrtare. /EDS/

***********************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Timo Werner pret krahëhapur Ozil në kombëtaren gjermane

Ti mund ta lexosh kete ne 1 min.
14 Gusht 2018 16:48
Sulmuesit të pancerave i mungon lojtari i Arsenalit

Mesut Ozil do të mirëpritej në kombëtaren e Gjermanisë nëse ai vendos që të rikthehet sërish. Kështu shprehet sulmuesi i pancerave dhe i Leipzig-ut, Timo Werner, të cilit i mungon mesfushori i Arsenalit. Të dy kanë qenë pjesë e skuadrës së Gjermanisë, e cila dështoi ta kalonte fazën e grupeve në Kupën e Botës në Rusi.

Ozil ka qenë ndër më të kritikuarit për këtë dështim të kombëtares gjermane. Por ai përjetoi inatin e fansave gjermanë, të cilët nuk ia falën një fotografi të bërë me presidentin e Turqisë, Rexhep Taip Erdogan.

Ozil reagoi dhe i akuzoi kritikuesit si racistë, por këta të fundit e sulmuan edhe më shumë, pasi futbollisti e quajti “presidenti im” Erdogan-in, ndërkohë që ky i fundit akuzohet për shkelje të të drejtave të njeriut nga Evropa Perëndimore.

“Mendoj se shumë njerëz në skuadrën e Gjermanisë do të ishin të lumtur nëse Mesut Ozili do të thoshte ‘do ta provoj këtë edhe një herë’”, deklaroi Werner. /EDS/

*********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.