Manchester City rrezikon dënim edhe nga Liga Premier, po mendohet një penalizim me heqje të pikëve

14 Shkurt 2020

Manchester City rrezikon dhe dënim nga Liga Premier me heqje pikësh, pas dënimit serioz të marr nga UEFA për FFP (Financial Fair Play).  

Klubi është dënuar me dy vite mospjesëmarrje në garat e UEFA-s dhe 30 milionë euro.

City në një komunikatë për media, ka thënë se do të ankohet në Gjykatën e Arbitrazhit Sportiv (CAS).

Lexo po ashtu: Manchester City përjashtohet për dy vite nga Liga e Kampionëve dhe është gjobitur me 30 milionë euro

Mediumi britanik “The Independent” raporton se ka mësuar nga burime të Ligës Premier se klubi rrezikon t’u zbriten pikët nga klasifikimi i këtij sezoni.

Kjo për shkak të penalizimeve për thyerje të rregullave të konkurrencës në futboll, që duhet të shoqërohet edhe me masa penalizuese në kampionat.

Po sipas kësaj gazete ky variant po shqyrtohet dhe është mëse e mundur që kampionëve të Anglisë t’u hiqen pikë nga renditja në kampionatin anglez.

Lexo po ashtu: Reagon Manchester City: Jemi të zhgënjyer por jo të befasuar, do të ankohemi në CAS

Ka edhe nga ata që mendojnë se dënimi nga UEFA është i madh dhe disa nuk mendojnë se do të ndodhë më ndonjë ndëshkim në Ligën Premier, për shkak të situatës specifike.

Pep Guardiola. (Foto: Catherine Ivill/Getty Images)

Ndërsa askush nuk e sheh një përjashtim nga Liga Premier. /Telegrafi/

www.telegrafi.com