Manchester United me lehtësi mposht AZ Alkmaarin, kalon grupin si lider

12 Dhjetor 2019

Manchester United ka triumfuar përballë AZ Alkmaarin me rezultat 4-0 në ndeshjen e fundit të fazës së grupeve të Ligës së Evropës.

Me këtë fitore Djajtë e Kuq e mbajnë vendin e parë në grup me 13 pikë, ndërsa holandezët janë të dytit me nëntë pikë.

Pjesa e parë nuk solli raste të mira dhe për rrjedhojë nuk kishte as gola.

Pamje nga ndeshja . (Photo by Clive Brunskill/Getty Images)

Në pjesën e dytë United shtuan ritmin dhe arritën të shënon katër herë brenda nëntë minutave.

Ashley Young e hapi llogarinë me golin e shënuar në minutën e 53-të, ndërsa pas pesë minutash shënoi edhe Mason Greenwood për 2-0.

Ashley Young . (Photo by Clive Brunskill/Getty Images)

Në minutën e 62-të ishte Juan Mata që shënoi nga pika e bardhë për 3-0.

Ndeshjen e mbylli i riu Greenwood që e shënoi golin e dytë personal për 4-0.

Festa e golit të katërt . (Photo by Clive Brunskill/Getty Images)

Manchester United do të mësojë të hënë kundërshtarin e radhës në fazën e eliminimit direkt. /Telegrafi/

www.telegrafi.com