Mancini objektivi i madh i Romës për mbrojtjen, Monchi takohet me drejtuesit e Atalantës

10 Janar 2019
Mancini objektivi i madh i Romës për mbrojtjen, Monchi takohet me drejtuesit e Atalantës

Gianluca Mancini është bërë njëri nga mbrojtësit më të kërkuar në Serie A.

Qendërmbrojtësi italian ka shkëlqyer këtë edicion me fanellën zi kaltër të Atalantës.

Roma, Inter, Juventus, Milan e Napoli janë skuadrat që kanë shfaqur interesim për transferimin e talentit italian.

Klubi nga kryeqyteti italian duket më afër lojtarit, pasi tanimë drejtori sportiv i Romës, Monchi ka pasur një takim me drejtuesit e Atalantës.

Gianluca Mancini. (Foto: Mario Carlini / Iguana Press/Getty Images/Guliver)

Roma është e gatshme të ofrojë qysh tani 25 milionë euro për futbollistin dhe ta lë atë në Bergamo deri në qershor.

Giallorosët e duan menjëherë lojtarin, por problemi qëndron tek Atalanta që nuk dëshiron largimin e tij në janar.

Tani drejtuesit e dy skuadrave po punojnë për ta mbyllur tani marrëveshjen, që Mancini t’i bashkohet Romë në verë.

22-vjeçari këtë edicion është paraqitur në 14 ndeshje në Serie A, ku ka shënuar katër gola dhe ka dhuruar një asistim. /Telegrafi/

www.telegrafi.com