Mario Balotelli, ashtu siç nuk e keni parë kurrë!

Ti mund ta lexosh kete ne 1 min.
10 Janar 2018 22:53
“Nuk është ashtu siç mendoi ju, ju betohem”

Mario Balotelli di si të tërheqë vëmendjen e mediave dhe ndoshta kjo është gjëja që di të bëjë më mirë, sigurisht përveç të luajturit futboll.

Sulmuesi i Nice, ka postuar në rrjetin social “Instagram" një video, nga një seancë fizioterapie, ku ndodhej në një moment të sikletshëm.

 

Isn't what you guys are thinking I swear!!! 😂😂😂

A post shared by Mario Balotelli🇮🇹🗿👪 (@mb459) on

“Nuk është ashtu siç mendoi ju, ju betohem”, shkruan ish-sulmuesi i Milanit dhe i disa skuadrave të mëdha në Evropë.

PSG ofron 30 mln euro dhe një lojtar për yllin e Juventusit

Ti mund ta lexosh kete ne 2 min.
22 Korrik 2018 16:39

Paris Saint-Germain është shumë i interesuar për të nënshkruar me mesfushorin e Juventusit, Miralem Pjanic. Sipas raporteve të mediave në Itali, kampionët e Francës janë gati të ofrojnë 30 milionë euro plus shërbimet e Adrien Rabiot për të nënshkruar me mesfushorin e “Zonjës së Vjetër”. Mesfushori boshnjak kërkohet nga një numër i madh klubesh në të gjithë Evropën, me Manchester City-n gjithashtu shumë të etur. Trajneri Pep Guardiola kërkon një mesfushor me eksperiencë për të përforcuar mesin e fushës dhe pasi nuk arriti të konkretizonte marrëveshjen me Jorginho, që vendosi të kalonte te Chelsea, tani ka hedhur sytë nga juventini. Gjithsesi City nuk do ta ketë të lehtë, pasi sipas “Premium Sport”, Paris SG po peshon një ofertë prej 30 milionë eurosh, e cila gjithashtu do të përfshinte edhe Rabiot në anën tjetër. Bardhezinjtë janë admirues afatgjatë të mesfushorit francez, por besohet se kjo ofertë nuk do t'i bindë ata.

Rabioti është jashtë kontratës më 30 qershor, kështu që Juventusi do të kërkojë më shumë se 30 milionë euro në dorë për të liruar Pjanic, i cili gjithashtu është lidhur edhe me një kalim në “Cmap Nou” te Barcelona. Trajneri Ernest Valverde ka shfaqur interes për mesfushorin boshnjak, por kërkesat e bardhezinjve ishin të larta dhe ata hoqën dorë nga Pjanic, për t’u fokusuar te Rabiot. Francezi është gati për të kaluar te katalanasit, por problemi qëndron te drejtuesit e Paris SG, që nuk janë të gatshëm të bëjnë biznes me katalanasit, pasi kanë prishur raportet mes tyre që pas transferimit të Neymar. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Paris SG apo Real Madrid? Neymar zbulon vendimin që ka marrë

Ti mund ta lexosh kete ne 2 min.
20 Korrik 2018 09:37
Buzëqesh braziliani

Neymar qëndron në PSG. Ylli brazilian sqaroi dyshimet për të ardhmen e tij në një event në Institutin Neymar Jr. në Sao Paulo: "Unë jam duke qëndruar, qëndroj në Paris, kam kontratë", tha lojtari, i cili siguroi se marrëdhënia e tij me PSG është e mirë duke hedhur poshtë mundësinë për t’u bashkuar me Real Madridin. Lojtari, fondacioni i të cilit ka mbajtur ankandin e dytë të bamirësisë për të ndihmuar fëmijët në rrezik, akuzoi mediat për spekulimet që kanë ngritur për të ardhmen e tij: "Shtypi i ushqeu ato spekulime dhe shpiku gjëra komike, ata përfunduan duke spekuluar, madje edhe më shumë. Por të gjithë e dinë se sa i dhënë jam pas presidentit [Al Khelaifi, i cili mori pjesë edhe në ankandin e bamirësisë], vendit dhe tifozëve", tha Neymar, në paraqitjen e tij të parë publike pas eliminimit të ekipit të tij kombëtar nga Botërori. Braziliani tha se vendosi të shkonte në Paris "për një sfidë, për të pasur gjëra të reja dhe për ndjekjen e objektivave" dhe nuk ka ndryshuar mendim.

26-vjeçari tha se ishte shumë i trishtuar për eliminimin e Brazilit në çerekfinale të Kupës së Botës kundër Belgjikës (1-2), sepse ai e dinte se kishte një ekip për të fituar titullin për herë të gjashtë. "Për fat të mirë ka mbaruar, zia ka kaluar dhe ne duhet të zgjedhim të jemi të lumtur, kemi shumë arsye për të qenë të lumtur", shtoi ai. Neymar tha se është duke pritur që fushata e ardhshme të jetë "e suksesshme" dhe të fitojë më shumë tituj me ekipin francez sepse ekipi është shumë i mirë dhe është i lumtur të ketë partnerë me cilësi të lartë. Ai uroi Kylian Mbappé dhe zbuloi se ata flisnin mjaftueshme gjatë Kupës së Botës. "Unë ju përgëzoj për titullin dhe ne do të jemi shumë të lumtur kur të marrim titullin e kampionit të botës", shtoi ai. Lidhur me afrimin e Gianluigi Buffon te Paris SG, ai tha se: “Është një nder për të luajtur me portierin e madh italian për historinë e tij dhe për personin që ai është. Ai ka shumë për të na dhënë dhe ne duam që ai të na japë eksperiencën e tij", shtoi Neymar. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

PSG sfidon Barçën për talentin holandez

Ti mund ta lexosh kete ne 1 min.
19 Korrik 2018 10:50
'Luftë' e hapur për 21-vjeçarin

Paris Saint-Germain është e interesuar për të marrë shërbimet e mesfushorit të Frenkie De Jong. Holandezi është kërkur prej disa kohësh nga Barcelona. Këta të fundit pak javë më parë kanë tentuar që të nënshkruajnë me 21-vjeçarin. Gjigantët francezë janë në kërkim të një ‘6’-shte dhe ‘8’ në këtë merkato dhe holandezi shihet lojtari i përshtatshëm për ta. Kjo është edhe arsyeja përse drejtuesit e kampionëve të Ligue 1 janë takuar me agjentin e lojtarit, Ali Dursun. Drejtori sportiv i klubit parisian, Antero Henrique ka nisur bisedat me përfaqësuesin e De Jong, për ta bindur që të firmosë në kryeqytetin francez.

Përveç holandezit, PSG ka shfaqur interes edhe për disa lojtarë të tjerë që do t’i ketë për sezonin e ri futbollistik, 2018-19. Në listën e dëshirave të klubit francez janë: mesfushori i Chelseas, N’Golo Kante dhe Julian Ëeigl i Borussia Dortmund.  Edhe Radja Nainggolan, i cili nënshkroi kohët e fundit për Interin.

Me këtë ndërhyrje për De Jong, klubi francez përplaset sërish me blaugranët, që nga momentet e pakënaqësisë që patën pas konfliktit për Neymar. Barça ka paraqitur dy oferta për lojtarin e ri holandez, por tani Ajax nuk dëshiron që t’a transferojë, pasi ka kërkuar 50 milionë euro. Një shifër që për momentin nuk i është adresuar akoma Barcelonës.

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Mbappe eklipson Neymar, braziliani nuk është më i paprekshëm

Ti mund ta lexosh kete ne 2 min.
19 Korrik 2018 09:54
Buzëqesh Real Madridi

Neymar nuk është më i patransferueshëm. Kjo është ajo që shkruan “El Transistori”, duke cituar një burim nga Federata e Katarit. Në programin e “Onda Cero” kanë siguruar që Paris SG do të bllokojë daljen e yllit francez Kylian Mbappé dhe se ata nuk do të ndalojnë bisedat për një transferim hipotetik të brazilianit Neymar në Real Madrid. Megjithatë, në klubin parizian ata do t’ia lënë në dorë trajnerit Tuchel shitjen e brazilianit. Trajneri nuk e konsideron ish-sulmuesin e Barcelonës thelbësor si Mbappé dhe do të ishte i gatshëm të hapte derën e largimit në qoftë se drejtuesit i sjellin një zëvendësues të denjë. Midis emrave që tingëllon është ai i Paolo Dybala, që ka mahnitur me “Zonjën e Vjetër”.

Neymar do të bëjë këtë të enjte në një ankand bamirësie në një hotel në Sao Paulo, e cila do të jetë paraqitja e parë e tij publike pas Kupës së Botës. Siç është raportuar të mërkurën mbërritja e Mbappé është e pamundur, por që ka një mundësi për të siguruar nënshkrimin me Neymar. Arsyeja është se braziliani shikon te Mbappe një futbollist që mund të bëjë të njëjtën hije që Messi bëri në Barcelonë, prandaj ai u largua nga klubi katalanas për të nënshkruar për Paris SG. Situata duket e komplikuar, sidomos pas paraqitjes së 19-vjeçarit në Kupën e Botës, ku fitoi trofeun e parë me “Gjelat”. Si Neymar ashtu edhe Mbappe janë lidhur shpesh me një transferim te Real Madridi dhe shihen si zëvendësuesit e portugezit Cristiano Ronaldo, por si duket sulmuesi francez nuk ka shanse të largohet nga “Parc des Princes”. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.