Massara dhe Boban po angazhohen te Milani

10 Qershor 2019

Ish-lojtari i Romës, Ricky Massara, është favoriti i ri për t’u emëruar drejtor sportiv i Milanit, gjersa Zvonimir Boban, pritet të largohet nga FIFA.

Igli Tare ishte zgjedhja e parë e Rossonervë për t’u bërë drejtor sportiv, mirëpo ish-ylli i Kombëtares së Shqipërisë i ka refuzuar për të qëndruar te Lazio.

Sipas La Gazetta dello Sport, Frederic ‘Ricky’ Massara është favorit për ta marrë postin, pas largimit nga Roma ditë më parë.

Zvonimir Boban (Foto: Claudio Villa/Getty Images/Guliver)

Ai ka qenë asistent i Monchit te skuadra italiane, mirëpo e mori më pastaj postin e drejtori sportiv. Roma e lejoi Masaran që të largohet në javën e kaluar, pasi ka arritur marrëveshje me drejtorin e Torinos, Gianluca Petrachi.

Nga ana tjetër, Boban është po ashtu rrugës për t’u bërë drejtor teknik te ish-klubi i tij, por fillimisht duhet të lirohet nga kontrata me FIFA-n. /Telegrafi/

www.telegrafi.com