Materazzi i përgjigjet me ironi Ibrahimovicit: Faleminderit, pa ty nuk do ta fitonim Ligën e Kampionëve

05 Dhjetor 2019

Legjenda e Interit, Marco Materazzi iu përgjigj me ironi tregimit të Zlatan Ibrahimovicit, duke falënderuar suedezin, pasi “pa ju nuk do të kishim fituar kurrë!”.

Ibrahimovic ka dhënë një intervistë për GQ duke treguar për kohën kur e dërgoi Materazzim në spital pasi mbajti mëri për katër vjet, për shkak të një dueli të vitit 2006.

Tani, ish-mbrojtësi i Interit iu përgjigj me një koment sarkastik yllit suedez.

Lexo po ashtu: Ibrahimovic zbulon një histori interesante: Prita katër vjet për t'u hakmarrë, por arrita ta dërgojë Materazzin në spital

Ai postoi një foto të skuadrës fituese të tripletës nga sezoni 2009-10, me kapitenin Javier Zanetti që mbante trofeun e Ligës së Kampionëve, një trofe që Zlatan nuk e ka fituar asnjëherë gjatë karrierës së tij.

Materazzi dhe Ibrahimovic kanë pasur gjithmonë rivalitet të madh mes vete (Foto: Valerio Pennicino/Getty Images/Guliver)

“Erdha … pashë … fitova…”, filloi Materazzi në stilin e Ibrahimivicit.

“Gjithmonë dhe në çdo rast, FALEMINDERIT, Ibrahimovic. Pa ju nuk do të fitonim kurrë Ligën e Kampionëve”, ka shkruar mbrojtësi italian.

Ibrahimovic u transferua në Barcelonë afatin e verës para se Interi të fitonte tripletën, në një marrëveshje shkëmbimi përfshirë Eto’o, i etiketuar nga Materazzi në këtë post. /Telegrafi/

View this post on Instagram

Veni… Vidi…. Vici !!! Sempre e comunque GRAZIE @iamzlatanibrahimovic …. Senza di te non l’avremmo mai VINTA …. 🖤💙 @inter 🏆 @setoo9

A post shared by Marco Materazzi (@marcomaterazzi) on Dec 5, 2019 at 4:19am PST

www.telegrafi.com