Mbappe dhe PSG në bisedime për kontratën e re

09 Nëntor 2019

Kylian Mbappe mund t’i shkaktojë Real Madridit shumë probleme në verën e ardhshme.

Sulmuesi francez tashmë ka bërë të ditur se e dëshiron transferimin te Los Blancos, mirëpo pengesë e madhe mund të jetë kontrata e re.

L’Equipe raporton se Paris Saint-Germain dhe fitues i Kupës së Botës janë në bisedimet për një marrëveshje të re.

Në rast se 20-vjeçari nënshkruar kontratën e re, atëherë klauzola e tij mund të rritet ndjeshëm.

Lexo po ashtu: Zidane: Nuk thash asgjë të pavërtetë, Mbappe dëshiron të luajë për Real Madridin

Sipas mediumit francez, Mbappe tashmë ka një vlerë mbi 200 milionë euro, por klauzola e re do të bënte që vlera e tij të rritet mbi 300 milionë.

Reali e ka bërë prioritet transferimin e sulmuesit, që pritet ta zëvendësojë bashkëkombësin e tij, Karim Benzeman që po shkon drejt përfundimit të karrierës. /Telegrafi/

www.telegrafi.com