Mbappe konfirmon se nuk e ka ndërmend të largohet nga PSG

11 Mars 2019
Mbappe konfirmon se nuk e ka ndërmend të largohet nga PSG

Menjëherë pasi u eliminua Paris Saint Germainu filluan edhe thashethemet se Kylian Mbappe mund të largohet nga Parisi.

Por, nuk ka kaluar shumë dhe sulmuesi francez i është përgjigjur këtyre zërave duke thënë se janë të pavërtetë.

“Po, mendoj se do të jem këtu. Mund të them se jam i sigurt”, ka thënë Mbappe për Telefoot.

David De Gea duke ngushëlluar Kylian Mbappen pas eliminimit (Foto: Shaun Botterill/Getty Images/Guliver)

“Kjo ishte e konfirmuar para rezultatit të kësaj ndeshje. Nuk dua të shtojë spekulimet për situatën time, posaçërisht tani pasi u eliminuam. Jam shumë i qartë në këtë”.

Një nga skuadrat që ka shfaqur interesim serioz për ish-yllin e Monacos është Real Madridi.

Lexo po ashtu: Rasti i Kylian Mbappes që nuk u kthye në gol e që do ta qajnë shumë gjatë te PSG-ja

Gjithsesi afati kalimtar i verës është i gjatë dhe gjërat mund të ndryshojnë, Florentino Perez mund të befasojë të gjithë me një ofertë.

Deri më tani në këtë sezon 20-vjeçari ka shënuar 29 gola në 33 ndeshje. /Telegrafi/

www.telegrafi.com