Mediat spanjolle për futbollisten e Real Madridit: Kjo është Kosovare Asllani – rrënjët shqiptare, sukseset në futboll dhe pasionet për jetën

19 Korrik 2019

Nënshkrimi i ri i Tacon CD dhe Real Madrid Femenino ka lindur në Suedi, por vjen nga prindërit shqiptarë që emigruan në Skandinavi në vitin 1988.

CD Tacon ka bërë zyrtarisht inkorporimin e Kosovare Asllanit, e cila bëhet kështu nënshkrimi i parë galaktik për Real Madridin për këtë afat kalimtar të verës

Futbollistja ishte një nga figurat më të shquara në Kupën e Botës në Francë, duke kontribuar me paraqitje fantastike për suedezët duke i ndihmuar të fitojnë medaljen e bronztë, shkruajnë mediat spanjolle.

Një emër që të mos harrojë rrënjët shqiptare

Prindërit e Asllanit janë shqiptarë nga Kosova që duhej të emigronin në vitin 1988 në Suedi, në mënyrë që fëmijët e tyre të mund të rriteshin larg një zone të tensionuar dhe që priste të niste lufta.

Familja e lojtares u vendos në qytetin e Kristianstadit, një qytet i vogël në jug të Suedisë që sot ka 41 mijë banorë. Si një kuriozitet, shumë pranë saj është fabrika e vodkës së mirënjohur Absolut, një nga më të konsumuarat në botë.

Familja e vajzës nuk i harroi rrënjët dhe vendosën ta quanin të bijën, Kosovare, duke planifikuar një jetë të gjatë në tokat suedeze. Duket se ideja ka funksionuar, pasi Asllani nuk ka lënë mënjanë rrënjët dhe ka vizatuar shqiponjën me kokë të dyfishtë në këmbën e djathtë, si simbol kombëtar i Shqipërisë. Sigurisht, fanella që mbron në çdo turne është ajo e Suedisë.

View this post on Instagram

🐆 ➕ 🦅 #airmax97 #airmax

A post shared by Kosovare Asllani (@asllani9) on Nov 18, 2018 at 5:29am PST

Megjithatë, ky nuk është tatuazhi i vetëm me të cilin lojtarja e re e Real Madridit e ka stolisur trupin e saj. Përveç shqiponjës, ajo ka një frazë të vogël në një nga bicepset që ja kujton se gjithmonë duhet të jetë pozitiv. “Qëndro e fortë”, është shkruar në brendësi të krahut dhe kurdoherë që e shikon, po e ndihmon të mos mos dorëzohet.

Dhe nuk ka dyshim se të dy vendet kanë rrënjë në të. Në Lojërat Olimpike të fundit në Rio de Janeiro ajo u paraqit në ceremoninë e marrjes së medaljeve me flamurin e Kosovës.

“Fillova të shkruaja një post emocional për Kosovën, familjen time dhe Suedinë, por përfundova duke e fshirë atë, por do ta them shumë qartë, ky flamur vjen me mua në finale, e dua Suedinë, e dua Kosovën, i mbaj të dyja vendet në zemrën time”, shkroi ajo.

Asllani ka seri të veta të humorit në Suedi

View this post on Instagram

Leave your mark✔️

A post shared by Kosovare Asllani (@asllani9) on Jul 19, 2018 at 12:25am PDT

Në Evropën Veriore është më mirë e njohur si ‘Kosse’ dhe është një fenomen i vërtetë në masë, krahasohet më shumë me Zlatan Ibrahimovicin. Pra, aq sa ka seri humoristike në emër të saj, përkatësisht ka dy tituj të quajtur ‘Pasa la pelota’ dhe ‘Qué golazo, Kosse’. Ato bëhen në bashkëpunim me Anja Gatu dhe Maria Kallstrom dhe shërbejnë për të motivuar vajzat suedeze që të përpiqen të ndjekin ëndrrat e tyre dhe të luftojnë për ta.

“Gjithmonë kam luftuar për të gjitha vajzat që kanë origjinë të huaj, ndezin një zjarr në zemrën time, tani do të më shohin të arrij një nga ëndrrat e mia. Ata gjithashtu mund ta bëjnë këtë, me shumë përpjekje”, tha ajo në një intervistë.

Ndër vite, ajo ka dashur të kapërcejë stereotipat skandinave dhe të përfundojë traditën suedeze që ka ruajtur gjithmonë sportin mbretëror për klasën e mesme të bardhë.

View this post on Instagram

Cet été a été incroyable, merci pour tout 🇫🇷. #FIFAWWC #lemomentdebriller

A post shared by Kosovare Asllani (@asllani9) on Jul 11, 2019 at 8:13am PDT

E pasionuar për udhëtime dhe hokej mbi akull

Në fëmijërinë e saj, ajo zhvilloi aftësi të jashtëzakonshme në futboll dhe hokej në akull, por në fund vendosi të fokusohet në talentin e saj, gjegjësisht vetëm në sportin që sot i ka dhënë kaq shumë lumturi. Kështu, në moshën 15-vjeçare, filloi karrierën në Vimmerby, një qytet të vogël pranë Kristianstadit, ku aktualisht gjendet një fushë futbolli me emrin e saj.

Përveçse se e siguron jetesën përmes futbollit, ajo ka burime të tjera të të ardhurave të bazuara në reklama. Coca-Cola, Visa, Kia Motors dhe Nike janë disa nga kompanitë që i promovon në Instagram, ku ka më shumë se 150 mijë ndjekës.

Në publikimet e saj shfaqen shumë fotografi të futbollit, por edhe të udhëtimeve të ndryshme që ka bërë në të gjithë planetin. Në shumicën e rasteve udhëton me miqtë apo familjen e saj dhe deri më tani nuk është përfolur për ndonjë romancë.

Sipas mediave suedeze, ajo është beqare dhe do të fokusohet në karrierën e saj sportive. /Telegrafi/

View this post on Instagram

WOW announcement❗️ Jag är otroligt stolt över att vara en av de första kvinnliga fotbollsspelarna som hyllas med en avbild i Sverige! Med initiativet Football Forevher, startat av Coca-Cola och Svenska Fotbollförbundet, vill vi belysa vikten av ökad synlighet för kvinnliga spelare. Tillsammans skapar vi ett jämställt fotbollssverige. Tillsammans skriver vi HISTORIA. #footballforevher @cocacola_sverige @swewnt ❤️ I'm incredibly proud to be one of the first female football players to be honored with a statue in Sweden! With the initiative Football Forevher, started by Coca-Cola and the Swedish Football Association, we want to highlight the importance of increased visibility for female players. Together we create gender equality in Swedish football⚽️🇸🇪. Together we write HISTORY! #footballforevher

A post shared by Kosovare Asllani (@asllani9) on May 28, 2019 at 11:02pm PDT

www.telegrafi.com