Melo sulmon përsëri Chiellinin, ia kujton eliminimin nga Liga e Kampionëve

10 Maj 2020

Felipe Melo ka sulmuar përsëri Giorgio Chiellinin duke iu referuar një postimi në rrjetin social për humbjen e Juventusit ndaj Galatasarayt në vitin 2013 në Ligën e Kampionëve.

Melo është një nga dy lojtarët që Chiellini i quajti “më i keqi nga më të keqinjtë” në autobiografinë e tij të re ‘Io, Giorgio’, që do të dalë në treg të martën.

Reagimi i braziliani erdhi shpejt duke e cilësuar mbrojtësin një ‘frikacak’, ndërsa këtë pasdite publikoi një postim provokuese në Instagram.

Lexo po ashtu: "Ai gjithmonë kishte frikë në ndeshje të mëdha" – Melo dhe Balotelli i kundërpërgjigjen Chiellinit

Postimi është i fitores 1-0 të Galatasaray ndaj Juventusit në fazën grupore të Ligës së Kampionëve të sezonit 2013-14, e cila rezultoi në eliminimin e italianëve nga gara.

Fillimisht e ngarkuar nga një tifoz i Interit, ai përmban një aksion të xhiruar nga ndeshja dhe një emoji të një dore duke tundur një trofe, me këngën e fituar të Sanremos të Domenico Modugno ‘Ciao, Ciao Bambina’ të luajtur në sfond.

“Ende më pëlqen”, është përshkrimi i videos së postuar nga braziliani. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com