Mema nuk humb kohë, nis punën te Tirana

Ti mund ta lexosh kete ne 1 min.
12 Tetor 2018 17:55

Ardian Mema nuk ka humbur kohë dhe nisi menjëherë nga puna te Tirana. Presidenti Refik Halili u shpreh në një konferencë për shtyp se prezantimi i trajnerit të ri do të bëhet të shtunën, megjithatë Mema nuk ka humbur kohë, por ka nisur direkt nga puna për t’u njohur me problematikat e skuadrës. Ish-ndihmësi i Ilir Dajës, rikthehet te bardheblutë ku ka arritur suksest më të mëdha si futbollist, ndërsa ka drejtuar edhe ekipet e moshave.

Në fushën stërvitore “Skënder Halili”, 46-vjeçari u prezantua me futbollistët dhe nisi nga puna për të përgatitur ndeshjen e radhës. Interesant është fakti se Mama do të përballet që në start me Flamurtarin dhe Ilir Dajën, kolegun e tij deri dy ditë më parë. Nuk dihet ende kush do të jetë ndihësmi i Memës, por e sigurt është se Emanuel Egbo do të vazhdojë të jetë trajneri i portierëve.

Tirana ka grumbulluar 8 pikë në 8 ndeshjet e para dhe e shikon veten në zonën e ftohtë në klasifikim, por sërish ambiciet janë për pjesëmarrjen në kompeticionet evropiane. Mbetet të shihet nëse Mema do t’i arrijë objektivat, por fakti që e njeh mjaft mirë ambientin bardheblu është një plus i madh për të. /EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike