Messi fiton garën për golin e sezonit në Ligë e Kampionëve

05 Qershor 2019

Gjuajta brilante e Lionel Messit nga gjuajtja e lirë ndaj Liverpoolit në Ligën e Kampionëve, është zgjedhur goli më i mirë i sezonit nga UEFA.

Ylli i Barcelonës i la të gjithë të befasuar me gjuajtjen e lirë në gjysmëfinale të garës më të madhe për klube në Evropë ndaj The Red në muajin e kaluar.

Argjentinasi bëri një gjuajte nga 27 metra mbi murin e gjallë të Liverpoolit, duke shënuar më pas në portën e Alisson Becker, i cili u zgjatë, por nuk arriti ta ndalte goditjen që përfundoi në këndin e portës.

Barcelona ishte duke fituar në Camp Nou 3-0 ndaj Liverpoolit, gjersa ishin bërë gati edhe për finalen e madhe në Madrid, por gjërat shkuan ndryshe.

Lexo po ashtu: Shijoni brenda 60 sekondave të gjitha 36 golat e Lionel Messit me Barcelonën në La Liga në këtë sezon

Në Anfield, The Reds i turpëruan katalunasit, duke përmbysur rezultatin në 4-0, për të kaluar kështu në finalen e madhe të Ligës së Kampionëve, më pas duke e fituar trofeun ndaj Tottenham Hotspurit.

Por, goli i shënuar nga Messi ishte një bukuri e rrallë, e që nga UEFA u zgjodh si goli i sezonit, por që edhe tifozët e kanë pranuar si goli më i miri. /Telegrafi/

✨ You voted Lionel Messi's stunning free-kick against Liverpool the #UCL Goal Of The Tournament!

Bravo, Leo! ?#UCL | @NissanFootball pic.twitter.com/0kvwm00JTB

— #UCLfinal (@ChampionsLeague) June 4, 2019

www.telegrafi.com