Michael Ballack i zhgënjyer nga Bundesliga

Michael Ballack sheh një ndryshim të madh në kualitet midis Bundesliga-s dhe Premier League-s, me Gjermaninë që mbetet pas. Shqetësimet janë ngritur në Gjermani, pasi Borussia Dortmund dhe RB Leipzig u eliminuan nga faza e grupeve të Champions League, ndërsa Hoffenheim nuk arriti të shkonte aq larg, pasi u mposhtën nga Liverpool-i në play-off. Bayern Munich është i vetmi ekip gjerman, që mbetet në garë në kompeticionin kryesor të Evropës, ndërsa në Bundesliga të besuarit e Jupp Heynckes bëjnë ligjin, me një avantazh prej 19 pikësh dhe titulli i gjashtë radhazi nuk diskutohet.

Ish-mesfushori j Chelsea-t dhe Bayern, Ballack beson se standardi është më i lartë në Premier League, me Gjermaninë që dëshmon një diferencë të madhe midis bavarezëve dhe ekipeve të tjera. “Nëse unë shikoj Bundesliga-n, unë jam i interesuar për Bayern-in”, tha Ballack për “Kicker”. “Pas tyre niveli është i menaxhueshëm. Premier League është masa e gjithçkaje. Unë shoh një diferencë të madhe në cilësi, por e kam parë atë prej shumë vitesh”, vazhdoi ai. “Disa vite më parë menduam se klubet e tjera si Dortmund mund të mbyllin hendekun, por duket se ato janë më larg”, shtoi ish-mesfushori.

Ballack ofroi një pikëpamje të ngjashme me ish-shokun e ekipit, Mehmet Scholl, i cili kritikoi gjeneratën e re të trajnerëve të rinj, përfshirë Julian Nagelsmann, Domenico Tedesco dhe Hannes Wolf. 41-vjeçari beson se niveli i nënshtrimit të kontrollit të lojtarëve tani është i ngjashëm me një “çmendinë” dhe ndjen, se më shumë ish-lojtarë duhet të përfshihen në trajnimin e të rinjve të kombit.

“Gjatë vlerësimit të lojtarëve, shumë pak vëmendje i kushtohet individit. Kohët e reagimit janë të matura, situatat stresuese, sjelljet e gjumit janë të analizuara, dhe si reagon trupi. Çdo gjë është e vlefshme. Kontrolli mbi lojtarët ka dalë nga dora. Ata janë gjykuar mbi këto të dhëna, megjithëse subjektivisht. Kjo është çmenduri”, tha ai dhe vazhdoi: “Trajnerët janë të motivuar dhe me siguri kanë një arsimim të mirë, por shpesh kanë pak përvojë në nivelin më të lartë dhe ky është problemi. Ne duhet të integrojmë cilësinë e ish-lojtarëve në nivelin më të lartë në futboll, veçanërisht në sektorin e të rinjve. Kjo është absolutisht e rëndësishme për mua”, theksoi Ballack. /EDS/

ulaş utku bozdoğan
ulaş utku bozdoğan astrolog
ulaş utku bozdoğan