Migjen Basha: Ishim konfuz, ja si mposhtet Izraeli

Migjen Basha: Ishim konfuz, ja si mposhtet Izraeli

Shqipëria regjistroi një barazim zhgënjyes ndaj Jordanisë në “Elbasan Arena”. Edhe pse përballë ishte një kundërshtar modest kuqezinjtë nuk arritën ta dërgojnë topin në rrjetë duke treguar se kanë mjaft probleme në mbrojtje. Në konferencën për shtyp në vigjilje të sfidës me Izraelin, Migjen Basha, u shpreh se Kombëtarja do të tregojë një fytyrë tjetër kundër izraelitëve.

Ju bind Kombëtarja, që mund të vazhdojë me suksese?

Sigurisht që po, me këtë skuadër mund të bëjmë ndeshje katastrofale, por edhe shumë të mira. Dje luajtëm me një sistem që disa herë e kemi përdorur e disa herë jo. Disa lojtarë kanë qenë të rinj. Ndoshta nuk ka qenë një ndeshje shumë e mirë, por ajo që na intereson është ndeshja e së dielës. Ndaj Izraelit duhet të japim maksimumin. Jordania kërkonte një barazim kundër nesh.

E ul moralin barazimi me Jordaninë?

Nuk e ngre moralin vetëm fitorja. Ne dolëm barazim, por vitin e fundit kemi humbur ndaj Luksemburgut, dhe më pas fituam në Izrael. Ka disa raste, kur fitorja shërben edhe për keq. Ne lojtarët, duhet të ngremë moralin. Duhet entuziazëm, dhe të luajmë si një finale, dhe kjo ndeshje vendos fatet tona. Nëse bëjmë një rezultat të mirë atje, kemi shumë shanse për në Europian.

Sa zemër mund të marrë Kombëtarja nga Basha në regji, dhe Hysaj në krah?

Është e vështirë të them diçka të tillë, në të kaluarën edhe ne të dy kemi bërë ndeshje të dobëta. Nëse do jemi në fushë të dielën, duhet të japim maksimumin, pasi tani jemi kapiten i dytë dhe i tretë. Kemi akoma më shumë përgjegjësi.

Si e ndieni veten kur nuk u aktivizuat në një sistem të tillë?

Me këtë sistem e kam luajtur me Venturën në Torino. I di lëvizjet. Ajo që u pa në fushë, ishte pak konfuze, por edhe kundërshtari ishte i gjithë në mbrojtje. Patëm raste për të shënuar edhe dje.

Çështja e kapitenit, a është kjo zgjidhja e duhur?

Besoj se po, pasi këtë e ka vendosur grupi. Votuam, dhe Mavraj mori më shumë vota. Më pas, Hysaj dhe unë. Në një anë është pozitive, por gjithsesi ke përgjegjësi kur ke shiritin. Të gjithë ata që janë në fushë duhet të japin maksimumin.

Herën e fundit ndaj Izraelit ishte një tjetër trajner. Çfarë presim të dielën?

Ne na duhet fitorja, pasi mund të na bllokojnë rrugën tonë për në Europian. Disa lojtarë që pushuan dje, do luajnë të dielën. Ata do të na sulmojnë, por duhet ta fillojmë sa më mirë ndeshjen.

Për kë votuat për kapitenin?

Vota nuk tregohet, por Mavraj dhe Hysaj kanë qenë në listën time. Edhe në të kaluarën, edhe ata kanë qenë lider në fushë. /EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.