Milani fiton në udhëtim te Cheivo dhe ruan diferencën me Interin para derbit

09 Mars 2019

Milani arriti fitore ndaj Chievos me rezultat 1-2 në Serie A dhe kjo ishte fitorja e pestë radhazi.

Kuqezinjtë ishin më të mirë, por nuk ishte një ndeshje e lehtë për skuadrën e Gennaro Gattusos.

Në minutat e parë ishte një ndeshje e heshtur, ndërsa goli i parë erdhi nga mysafirët të cilën shënuan me anë të Lucas Biglias (31′) nga gjuajta e lirë.

Momenti kur Lucas Biglia shënoi nga gjuajta e lirë (Foto: Marco Luzzani/Getty Images/Guliver)

Pas dhjetë minutash vendasit barazuan rezultatin me anë të Përparim Hetemajt, ky ishte goli i parë sezonal për shqiptarin.

Fitorja e Milanit erdhi nga Krzysztof Piatek, i cili shënoi në minutën e 57-të pas një tollovie në zonë.

Festa te goli i Përparim Hetemajt, Piatek i dëshpëruar në ato momente (Foto: Marco Luzzani/Getty Images/Guliver)

Pas kësaj fitore Milani vazhdon në pozitën e tretë me 51 pikë, katër më shumë se Interi që kanë një ndeshje më pak (atë ndaj Spalit), kurse Chievo vazhdon e fundit në Serie A me 10 pikë.

Në xhiron e radhës Milani luan ndaj zikaltërve për Derby della Madonnina, kurse Chievo udhëton te Atalnata. /Telegrafi/

www.telegrafi.com