Milito me lëvdata të mëdha për Mourinhon: Njëri nga trajnerët më të mirë në histori

25 Mars 2020

Legjenda argjentinase e Interit, Diego Milito ka thënë se Jose Mourinho është njëri nga trajnerët më të mirë ndonjëherë në botën e futbollit.

Ish-sulmuesi i Nerazzurrëve ka dhënë një intervistë për ESPN dhe diskutoi disa çështje rreth skuadrës së tij të vjetër, Interit.

Milito punoi me Mourinho për vetëm një sezon, në të cilin Interi fitoi tripletën, dhe ish-sulmuesi nuk ka asgjë tjetër përveç lavdërimit për trajnerin portugez.

Lexo po ashtu: Mourinho pranon se ka qenë i bezdisshëm dhe dembel si lojtar: Po ta kisha një futbollist si unë, nuk do ta inkuadroja dhe do ta ofroja falas

“Ai është fenomenal, një nga trajnerët më të mirë ndonjëherë. Kam mësuar shumë prej tij në vetëm një vit, veçanërisht në drejtim të menaxhimit të grupit”, ka thënë fillimisht Milito.

“Kam shumë gjëra për të treguar për atë që ishte një nga sezonet më të mira të historisë së klubit dhe karrierës time”.

“Unë nuk kam diçka që të them publikisht, edhe pse ka shumë gjëra”.

“Çfarë na tha Mourinho para finales së Ligës së Kampionëve? Ishte i qetë; kishte tension në dhomën e dollapit, por Mourinho na qetësoi”, përfundoi ‘princi’. /Telegrafi/

www.telegrafi.com