REZULTATET LIVE
Shiko listen e plote
Fati i tij varet nga Champions League

Moment i zi, Zidane: Faji mbi të gjitha i imi

9 Janar 2018 17:18

Moment delikat për Zidane dhe për Real Madrid, sot është 16 pikë më pak se Barcelona në La Liga. Për këtë, sipas shtypit spanjoll, trajneri rrezikon që të shkarkohet, fati i tij varet nga Champions League. Francezi ndër të tjera analizon situatën: “Jemi të gjithë në të njëjtën barkë, faji nuk është i një apo dy personave, por i të gjithëve, kryesisht i imi”. Për merkaton e janarit: “Sulmues? Nuk kam nevojë për askënd, nuk më shërbejnë lojtarët e rinj”.

Zinedine Zidane ka folur në vigjilje të ndeshjes së Kupës së Mbretit kundër Numancia dhe pa e shmangur ka folur për krizën e skuadrës së tij. Trajneri ka arritur para gazetarëve me një orë vonesë me shpjegimin se ka qenë në mbledhje me skuadrën: “Nuk kam ndërmend të zbuloj atë që thash në mbledhje, jemi në një moment të vështirë dhe ne jemi këtu për të gjetur zgjidhje. Kur gjërat nuik shkojnë siç dëshirojmë, duhet të vazhdojmë të punojmë më shumë dhe me më tepër qetësi”.

Natyrisht, Zizou nuk kërkon përforcime në merkato: “Nuk kam nevojë për lojtarë dhe kjo është e gjitha. Jemi këtu, e kemi nisur mirë dhe besoj te lojtarët e mi. Ka momente të komplikuara në harkun e një sezoni, por duhet parë se çfarë do të ndodhë në fund. Vetëm tani, për këtë çështje, do të ketë ndryshime”. Zidane ka përgënjeshtruar zërat për një prishje të marrëdhënieve me drejtuesit: “Nuk kemi zënkë me presidentin, më vjen keq që qarkullojnë të pavërteta. Unë këtu jam kalimtar dhen uk kam probleme me klubin, me tifozët apo presidentit që më ka vlerësuar”.

Zidane ka bërë mbrojtësin, në situatë të mirë, grupi kërkon ta kuptojë: “Nuk jam ai që duhet të fajësojë një apo dy persona, nuk duhet të shprehem: Është faji yt. Faji është i të gjithëve, unë i pari. Patëm dy vite spektakolarë dhe e rëndësishme është që njerëzit nuk e harrojnë. Dhe unë nuk kam dëshirën që të hedh poshtë gjithçka. Ajo që duhet të bëjmë është të kërkojmë të punojmë”.

E përditshmja spanjolle “Sport” ka folur për një pankinë të tronditur të Zidane, ku e ardhmja e tij është e lidhur me atë të Champions: në rast eliminimi kundër PSG, sipas mediave, francezi do të lirohet nga detyra. “Jam përgatitur edhe për këtë, edhe për situatën e komplikuar. E dija që do të vinte momenti i vështirë, por u përgatita për këtë. Bën pjesë në punën time, gjërat nuk mund të shkojnë përherë mirë, duhet të vazhdojmë punën. Unë e bëj punën time me 300% të forcave, kurrë nuk hedh njeri poshtë, marr përgjegjësitë e mia”. /EDS/

Jeni i lutur të hyni në llogari që të lini një koment
Mesfushori kroat kërkon të rikthehet në Itali

Kovacic dëshiron largimin. Inter apo United?

23 Janar 2018 12:59

Mateo Kovacic, ka dy dëshira për 2018-ën. Mesfushori kroat nuk po gjen dot hapësirë te Real Madrid, për këtë ai është gati të kthehet te Inter ose të kalojë në “Old Trafford” me Manchester United.

Siç raporton “Mirror”, 23-vjeçari nuk është pjesë e projektit të Zidane edhe pse po përpiqet që të fitojë minuta me “Los Blancos”. Gjithmonë sipas tabloidit anglez, zikaltërit janë të gatshëm që të mirëpresin yllin kroat.

Deri në fund të merkatos, mbetet të presim nëse lojtari do të vazhdojë të qëndrojë në “Santiago Bernabeu”, apo do të nisë një aventurë të re në Premier League, ku edhe dëshiron më së shumti. /EDS/

Jeni i lutur të hyni në llogari që të lini një koment
Shokët i përgatitën një surprizë në zhveshtore

Ylli i Vallecano-s në panik nga surpriza e vogël në çantë

23 Janar 2018 11:54

Ylli i Rajo Vallecano-s, Unai Lopez është një futbollist të cilit i pëlqejnë duelet e forta.

Ai nuk e ka problem që të përplaset me rivalët, dhe nuk i ka frikë as rivalët më të fortë edhe pse është i shkurtër në shtat.

Por ekziston një qenie që atij ia çon gjakun në fund të këmbëve. Ai është miu.

Ylli 22 vjeçar u trondit jo pak, kur hapi çantën ku mbante teshat dhe aty pa brejtësin i cili po qëndronte i pashqetësuar.

Me ta parë, Lopez u largua me shpejtësi, madje duke mos i kursyer disa britma.

Kjo ishte një shaka e shokut të tij të ekipit, Adrian Embarba.

Vallecano luan në kategorinë e parë në Spanjë dhe aktualisht gjendet në vend të katërt në renditje.

 

 

La broma del vestuario del Rayo a Unai López 🤣🤣

A post shared by Rayo Vallecano - UNIÓN RAYO (@unionrayo) on

Jeni i lutur të hyni në llogari që të lini një koment
E ardhmja e 28-vjeçarit duket larg Bernabeu-t

E gjithë Anglia pas Bale, Reali kërkon të shpëtojë...

22 Janar 2018 20:18

Në çdo merkato Gareth Bale gjithmonë është përfshirë në emrat, që mund të ndryshojnë skuadër. Deri tani ka patur spekulime dhe hipoteza nga më të ndryshmet, megjithatë ai ndihet i lumtur në Madrid, madje menaxheri i tij kohët e fundit ka deklaruar, se uellsiani është shumë i lumtur në Bernabeu. Pavarësisht këtyre pretendimeve, raportet në Spanjë pohojnë, se sulmuesi do të lejohet të largohet nga Reali këtë verë. Florentino Perez është i gatshëm ta largojë Bale-n për shkak të dëmtimeve të shpeshta, që ai ka pasur.

“Don Balon” raporton, se katër gjigandët e Premier League janë në negociata me 28-vjeçarin. Bale thuhet, se dëshiron të kthehet në Angli me ish-klubin e tij Spurs, por edhe me United, Liverpool dhe Chelsea, të interesuar. “Djajtë” kanë afruar në skuadër Sanchez, megjithatë Mourinho nuk do t’i thoshte jo edhe afrimit të 28-vjeçarit, që duket se është rikthyer në formën e tij të dikurshme pas paraqitjeve në ndeshjet e fundit. /EDS/

Jeni i lutur të hyni në llogari që të lini një koment
Ylli argjentinas habit me veprimin e tij

VIDEO/ Messi zhgënjen fansat, shikoni gjestin e turpshëm që ka bërë në fushë

22 Janar 2018 15:18

Lionel Messi ka zhgënjyer fansat në fitoren 0-5 ndaj Real Betis ditën e djeshme. Ylli i Barcelonës ka bërë një gjest jo të hijshëm në natyrën e tij ndaj lojtarit kundërshtar.

Siç mund të shikoni dhe në videon e mëposhtme, fillimisht Pique ka ndalur me fizik futbollistin vendas dhe më pas Messi është afruar, e ka shtyrë dhe është rrëzuar sipër tij.

Një gjest që është komentuar negativisht nga tifozët dhe fansat e futbollit në rrjetet sociale. Pasi, Messi konsiderohet “më i miri në botë” dhe nuk i shkon për shtat të bëjë diçka të tillë. /EDS/

Jeni i lutur të hyni në llogari që të lini një koment