Moshat, FSHF përcakton kalendarin dhe detajet

Ti mund ta lexosh kete ne 1 min.
12 Janar 2018 16:11
Më poshtë janë përballjet për 1/8-at

Rikthehet të luhet fundjavën e ardhshme edhe Kupa e Shqipërisë për moshat. Sektori i Garave pranë FSHF-së ka përcaktuar së fundmi edhe çiftet e përballjeve për 1/8-at e Kupës së Shqipërisë në futboll për moshat U-17 dhe U-19, një kompeticion që regjistron kështu edhe edicionin e tretë, 2017-2018. Në këtë kompeticion do të marrin pjesë 32 skuadra në rang kombëtar të moshës U-17 dhe U-19. Ndeshjet e kësaj kupe do të luhen me sistem grumbullimi në Qendrën Sportive në Kamzë. Ndërsa takimet finale do të luhen në stadiumet e Elbasanit dhe të Tiranës.

Më poshtë janë përballjet për 1/8-at, teksa rregullorja e Kupës për vijimin parashikon që:

Për përcaktimin e çifteve gjysmëfinaliste do të hidhet short i lirë ndërmjet 2 skuadrave të kualifikuara nga turi i dyte i Grupit A dhe Grupi B U-17 & U-19.

Dy skuadrat e kualifikuara të grupit A do të jenë të vendosura në vazon e parë dhe 2 skudrat e kualifikuara të Grupit B do të jenë të vendosura në vazon e dytë.

Skuadrat e vazos së parë do të luajnë me skuadrat e vazos së dytë që do të përcaktohen nga shorti.

Ekipet fituese të dy çifteve gjysmë-finaliste do të luajnë ndeshjen finale për të përcaktuar skuadrën fituese të Kupës së Shqipërisë U-17 dhe U-19

Kupa e Shqipërisë për Moshat, U-17 Gr A sezoni 2017-2018

Vllaznia-Porto 20.01.2018

Tirana-Shkëndija Tiranë 20.01.2018

Internacional-Partizani 20.01.2018

Laçi-Kukësi 20.01.2018

Kupa e Shqipërisë për Moshat, U-19  Gr A sezoni 2017-2018

Shkëndija Tiranë-Internacional 20.01.2018

Partizani-Porto 20.01.2018

Vllaznia-Akademia AAS 20.01.2018

Tirana-Akademia 20.01.2018

Kupa e Shqipërisë për Moshat, U-17  Gr B sezoni 2017-2018

Besa-Shkendija Durrës 21.01.2018

Flamurtari-A.F Dinamo 21.01.2018

Teuta-Luftëtari 21.01.2018

Dinamo-Skënderbeu 21.01.2018

Kupa e Shqipërisë për Moshat, U-19  Gr B sezoni 2017-2018

Shkëndija Durrës-Skënderbeu 21.08.2018

A.F Dinamo-Pogradeci 21.01.2018

Luftëtari-Teuta 21.01.2018

Flamurtari-Dinamo 21.01.2018

Teuta ''bastis'' Lirinë e Prizrenit, kompleton mesfushën

Ti mund ta lexosh kete ne 2 min.
7 Qershor 2018 13:54

Edison Ndreca është lojtari i parë i afruar nga Teuta, ndërkohë që fill pas mbrojtësit të majtë nga Laçi është emëruar si trajner Bledi Shkëmbi. Pas eksperiencës së parë si trajner te Liria e Prizrenit, menjëherë presidenti i “Djemve të detit”, Edmons Hasanbelliu i besoi ish-mesfushorit drejtimin e skuadrës së tij. E ka bërë pa mëdyshjen më të vogël dhe tanimë për Shkëmbin është momenti që të tregojë sa vjen në Superiore edhe si trajner.

Nga Teuta deri më tani janë larguar disa futbollistë, duke bërë që të jetë e nevojshme të ndërhyhet në të gjitha repartet. Në fokus sigurisht do të jenë edhe lojtarë nga kampionati kosovar, madje nga Liria që u drejtua nga vetë Bledi Shkëmbi. Prej ditësh është lakuar emri i Florent Avdylit, mesfushorit qendror që korçari e mbështeti goxha në Prizren dhe u bë një nga lojtarët më të rëndësishëm të skuadrës. Me shumë mundësi ai do të jetë pjesë e Teutës sezonin e ardhshëm.

Ron Gashi, në një dyluftim ajror

Merkato te Liria nuk mbyllet me Avdylin, pasi sikurse raporton “Sport Ekspres”, drejt marrëveshjes po shkohet edhe me mesfushorin qendror Ron Gashi. Kështu, gropa e lënë nga largimet e Hilës, Mustafov dhe Dediç, po mbushet dalëngadalë. Pritet që të ketë sërish të tjera lëvizje, pasi durrsakët kanë nevojë për disa lojtarë të tjerë që të jenë gati për sezonin e ardhshëm, pasi edhe largimet nuk kanë qenë të pakta. Një sulmues është objektivi kryesor i drejtuesve, që prej vitesh nuk po gjejnë dot një të tillë që t’u garantojë gola. /EDS/

LËVIZJET ZYRTARE TE TEUTA

Afrime: Edison Ndreca (Besëlidhja), Bledi Shkëmbi (Liria); Largime: Burhan Mustafov, Amir Bilali, Masahudu Alhassan, Ardit Hila, Anel Dedic, Reza Karimi (Skënderbeu)

**************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Lajme Sportive, Parashikime Ndeshjesh për Kampionatet Kryesore, Rezultate Live dhe Statistika Futbolli.

 

Takaj si asnjëherë më parë, debat me analistin: Më tregon mu ti...

Ti mund ta lexosh kete ne 1 min.
27 Maj 2018 22:49
Shpërthen kreu i Skënderbeut

Skënderbeu dhe Laçi diskutuan sot finalen e Kupës së Shqipërisë dhe në fund korçarët arritën që për herë të parë ta bëjnë për vete këtë trofe me rëndësi. Megjithatë, diskutimi në “Neës 24” mori një rrjedhë tjetër pas një komenti të presidentit të Skënderbeut Ardjan Takaj, ku në oponencë analisti Xhevdet Zekaj i tregoi arritjet e Flamurtarit.

“Futbolli është objektiv. Skënderbeu dhe Laçi i kishin realizuar objektivat. Nëse Kupa do ishte shumë e rëndësishme për Skënderbeun, apo Laçin, atëherë stadiumi do të ishte plot. Këtë futboll që ka pasur Shqipëria këtë vit, nuk ishte parë kurrë. Nuk është parë në 100 vjet”, tha Takaj fillimisht.

Më pas erdhi reagimi i Zekajt, i cili i tha: “Ju nuk krahasoheni kurrë me Flamurtarin se ka arritur në çerekfinalen e Kupës së Kampionëve”. Kjo gjë e irritoi pa masë Takajn, i cili më pas ia ktheu duke i thënë se nuk e dinte se çfarë pune bënte ky person dhe për më tepër i tregoi se krenohet me një gol të Vasil Rucit.

“Lëre Flamurtarin e asaj kohe. Flit për hashash se futbollin se njeh. Asnjëri nuk e ka parë këtë futboll. Ku keni parë ju? Asnjë gjë nuk keni arritur. Kur i bënim ne këto emisionet, ti pale ku ke qenë. Më trego një arritje që kanë bërë ekipet shqiptare. Më tregon mu ti futbollin...”, mbylli Takaj debatin me Zekajn mbi futbollin shqiptar. /EDS/

**********************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Presidenti Meta nuk mjaftohet me dekoratat për Skënderbeun dhe Laçin

Ti mund ta lexosh kete ne 1 min.
27 Maj 2018 22:22
Ja fjalët për finalistët

Ilir Meta ka qenë sot në “Elbasan Arena”, duke i dhënë trofeun e Kupës së Shqipërisë skuadrës së Skënderbeut. Nuk është kjo hera e parë e Presidentit të Republikës së Shqipërisë që të jetë në stadium, por këtë herë me petkun që mban mbi supe ai dekoroi lojtarët e Skënderbeut për këtë trofe.

Megjithatë, Meta nuk mund të ndalej me kaq, teksa në faqen e tij zyrtare në rrjetin social “facebook” ai i ka përshëndetur kampionët edhe me një shkrim të dedikuar. Normalisht, në urimin e tij zënë vend të dyja skuadrat për atë që dhuruan në fushë.

“Urime ekipit të Skënderbeut për trofeun e dytë, Kupën e Shqipërisë. Përgëzime të sinqerta ekipit të Laçit që dhuroi një garë të fortë e të barabartë deri në minutën e fundit”, shkruan Meta, i cili në të shkuarën e tij ka qenë pjesë e sportit të peshëngritjes. Ndërsa disa herë është parë në stadium për të parë skuadra të ndryshme të futbollit tonë. /EDS/

 

**********************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

'Çmendet' Osmani: Superkupën e luajmë me gocat e ekipit të Partizanit

Ti mund ta lexosh kete ne 2 min.
27 Maj 2018 22:14
Ironizon korçari

Skënderbeu e mbylli në mënyrën më të mirë të mundshme sezonin sportiv 2017-2018. Fillimisht duke kaluar katër ture në Europa League, që i mundësuan kalimin në fazën e grupeve, për të vazhduar me kampionatin, ku i dominuan rivalët dhe me meritë e fituan atë, ndërsa qershia mbi tortë ishte Kupa e Shqipërisë, një trofe që nuk e kishin fituar kurrë.

“Unë kam deklaruar që po të fitonim Kupën, duhet të bëjmë Superkupën me gocat e ekipit të Partizanit. Sigurisht kjo ishte një batutë, pasi nuk mund të rri dot pa batuta. Te Skënderbeu, vetëm ky trofe mungonte”, tha Tefik Osmani.

Çfarë ka pasur më shumë ky Skënderbe?

Gjithmonë, ka qenë grupi, dhe mendoj se këtë vit kemi patur një grup të mirë. Si presidenti dhe Shehi kanë veçuar Souen, por unë do thosha Muzakën. Sulmuesi bën gola, por jo se është shoku im, këtë vit nuk e kam parë të luajë ndonjëherë.

Festoni me këtë duke sharë, keni ndonjë inat personal?

Kujt t’i djegë le ta mbajë, pasi ne në çdo stadium na kanë pritur me të shara.

Në Europë e keni pasur stadiumin plot, nga e gjithë Shqipëria...

E keqja është që harrojnë shumë shpejt.

Kush ka qenë momenti më i mirë i ciklit tuaj?

E kam thënë, kur kam luajtur te Tirana, kam mësuar shumë gjëra atje. Edhe ato të mirat, edhe të këqijat, ky titull i këtij viti ishte më i veçanti. Kemi kaluar 4 ture, jemi futur në grupe, kemi luajtur si të barabartë, kemi bërë diferencë në kampionat, dhe e mbyllëm me Kupën. Me gjithë këto gjëra që na kanë ndodhur, është merita e gjithë grupit, nga presidenca deri te punëtori më i fundit. Po të ishte një ekip tjetër, do e humbte kampionatin.

Keni ndonjë dedikim?

Familja më rri gjithmonë afër, si dy fëmijët e mi, edhe bashkëshortja, por unë çdo gjë ia dedikoj vëllait tim. /EDS/


***********************************
Ndalohet ribotimi apo kopjimi i këtij artikulli pa lejen me shkrim nga eduasportin.com. Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.