Moshat, FSHF përcakton kalendarin dhe detajet

Ti mund ta lexosh kete ne 1 min.
12 Janar 2018 16:11
Më poshtë janë përballjet për 1/8-at

Rikthehet të luhet fundjavën e ardhshme edhe Kupa e Shqipërisë për moshat. Sektori i Garave pranë FSHF-së ka përcaktuar së fundmi edhe çiftet e përballjeve për 1/8-at e Kupës së Shqipërisë në futboll për moshat U-17 dhe U-19, një kompeticion që regjistron kështu edhe edicionin e tretë, 2017-2018. Në këtë kompeticion do të marrin pjesë 32 skuadra në rang kombëtar të moshës U-17 dhe U-19. Ndeshjet e kësaj kupe do të luhen me sistem grumbullimi në Qendrën Sportive në Kamzë. Ndërsa takimet finale do të luhen në stadiumet e Elbasanit dhe të Tiranës.

Më poshtë janë përballjet për 1/8-at, teksa rregullorja e Kupës për vijimin parashikon që:

Për përcaktimin e çifteve gjysmëfinaliste do të hidhet short i lirë ndërmjet 2 skuadrave të kualifikuara nga turi i dyte i Grupit A dhe Grupi B U-17 & U-19.

Dy skuadrat e kualifikuara të grupit A do të jenë të vendosura në vazon e parë dhe 2 skudrat e kualifikuara të Grupit B do të jenë të vendosura në vazon e dytë.

Skuadrat e vazos së parë do të luajnë me skuadrat e vazos së dytë që do të përcaktohen nga shorti.

Ekipet fituese të dy çifteve gjysmë-finaliste do të luajnë ndeshjen finale për të përcaktuar skuadrën fituese të Kupës së Shqipërisë U-17 dhe U-19

Kupa e Shqipërisë për Moshat, U-17 Gr A sezoni 2017-2018

Vllaznia-Porto 20.01.2018

Tirana-Shkëndija Tiranë 20.01.2018

Internacional-Partizani 20.01.2018

Laçi-Kukësi 20.01.2018

Kupa e Shqipërisë për Moshat, U-19  Gr A sezoni 2017-2018

Shkëndija Tiranë-Internacional 20.01.2018

Partizani-Porto 20.01.2018

Vllaznia-Akademia AAS 20.01.2018

Tirana-Akademia 20.01.2018

Kupa e Shqipërisë për Moshat, U-17  Gr B sezoni 2017-2018

Besa-Shkendija Durrës 21.01.2018

Flamurtari-A.F Dinamo 21.01.2018

Teuta-Luftëtari 21.01.2018

Dinamo-Skënderbeu 21.01.2018

Kupa e Shqipërisë për Moshat, U-19  Gr B sezoni 2017-2018

Shkëndija Durrës-Skënderbeu 21.08.2018

A.F Dinamo-Pogradeci 21.01.2018

Luftëtari-Teuta 21.01.2018

Flamurtari-Dinamo 21.01.2018

Fakt | U përfol për marrëveshje, por kjo nuk ishte pritur nga Skënderbeu

Ti mund ta lexosh kete ne 2 min.
25 Prill 2018 10:43
Ja çfarë zbulon EDS

Skënderbeu nuk e ka fituar asnjëherë Kupën e Shqipërisë, edhe pse ka shkuar pesë herë në finale. Vjet ishte Tirana e rënë nga Superiorja që i mundi korçarët. Bardheblutë për të dytën herë brenda pak vjetëve i kanë mundur në finale, pasi diçka e tillë ndodhi edhe në sezonin 2011-2012. Këtë vit trofeun do ta diskutojnë me Laçin, ekip me të cilin më së shumti janë përballur në fazën çerekfinale dhe e kanë eliminuar.

Bardhekuqtë e kërkojnë me ngul këtë trofe dhe nëse dikush nuk mendon kështu, po ju sjellim një fakt që flet vetë: pas kualifikimit premioja e dhënë ka qenë e “majme”. EDS zbulon se për futbollistët janë shpërndarë plot 60 milionë lekë, një shumë mjaft e madhe, duke pasur parasysh se u sigurua vetëm finalja. Gjithsesi kjo shifër e lartë e vendosur kishte të bënte edhe me shkallën e vështirësisë për ta realizuar objektivin.

Në ndeshjen e parë në Korçë Flamurtari pat fituar me rezultatin 0-1 falë një goli të Danilo Alves, ndaj gjithçka ishte e komplikuar. Por korçarët e treguan se mund të përmbysin gjithçka disa ditë më pas, kur në kampionat triumfuan në Vlorë 0-3. Por kjo shtoi shumë fjalët se kishte një marrëveshje mes klubeve, siç ka ndodhur rëndon në vendin tonë në të shkuarën. Përveç rezultatit, për korçarët fjalët e dala ishin një barrë më shumë.

Edhe kjo i ka “vrarë” ata, ndaj edhe premioja ka qenë goxha e lartë dhe e mjaftueshme për t’i motivuar futbollistët e Skënderbeut, që pas një pjese të parë pa gola shënuan dy herë dhe siguruan finalen e Kupës së Shqipërisë, duke qenë edhe favoritët për ta fituar trofeun. Laçi me të vërtetë në vitet e fundit e ka marrë këtë trofe dy herë, duke mundur Bylisin dhe Kukësin, por korçarët janë kundërshtar i një tjetër kalibri. Me siguri edhe për trofeun do të ketë një tjetër premio të lartë. /EDS/

Flamurtari pa busull, Shpëtim Duro i jep fund me kuqezinjtë

Ti mund ta lexosh kete ne 1 min.
18 Prill 2018 20:47
Kaos në Vlorë

Trajneri Shpëtim Duro i ka dhënë fund aventurës me Flamurtarin duke u larguar menjëherë pas humbjes nga Skënderbeu në gjysmëfinalen e kthimit të Kupës së Shqipërisë. Kuqezinjtë po kalojnë një moment tepër të vështirë në kampionat, ku tani rrezikojnë mbijetesën ndërsa eliminimi nga Kupa ishte i papranueshëm.

“Ishte një ndeshje e barabartë në 45’ minutat e para. Në pjesën e dytë Skënderbeu luajti më mirë dhe e meritoi kalimin në finale. Unë kam gabuar me Flamurtarin dhe nuk mund të jem më trajner i skuadrës. Sot ishte shansi i fundit dhe marr pergjegjësinë time personale si trajner. E kam vendosur të mos jem më trajneri i Flamurtarit. Zoti Idrizi ndoshta nuk do ta ndërpresë bashkëpunimin dhe nuk do të pranojë, por nuk mundem të vazhdoj më. Kam kaluar një vit e gjysmë mjaft të mirë, por situata në javët e fundit është e pakonceptueshme”, tha fillimisht trajneri.

Dorëheqja - “Unë jam i bindur, që është për të mirën e skuadrës, të mirën time dhe të gjithë ambientit dhe jam 100% i bindur se ky është momenti, që duhet të jap dorëheqjen dhe ta mbyll këtu. Situata ka agravuar dhe nuk kam çfarë të bëj më. Më vjen keq, që u mbyll kështu, por situata na doli nga duart”. /EDS/

Skënderbeu përrallor, Flamurtari në kolaps total

Ti mund ta lexosh kete ne 2 min.
18 Prill 2018 20:22
Tifozët kërkojnë largimin e Duros

Skënderbeu asfalton dhe skuadrën e Flamurtarit duke fituar me rezultatin 0-2. Ekipi korçar arriti të përmbysë humbjen e ndeshjes së parë me rezultatin 0-1 dhe me anë të golave të Nimagës dhe Sowes kalojnë në finale duke tentuar të fitojnë për herë të parë Kupën e Shqipërisë. Flamurtari dështon sërish, pasi rezistoi vetëm 45 minuta duke treguar dhe njëherë se skuadra e Duros ka mungesë të frikshme vetëbesimi.

Pjesa e parë e lojës ka folur më shumë për miqtë, pasi korçarët kishin më shumë iniciativë. Ata nuk arritën që të shënonin në portën e vlonjateve, pasi nuk arritën në asnjë moment të dilni hapur në portën e Nurkoviçit. Vendasit ishin të rreshtuar mirë mbrapa dhe kishin më shumë detyra mbrojtëse. Ekipi i Duros synoi të kapte korçarët me ndonjë kundërsulm me anë të Danilos, por nuk ia dolën mbanë. Muarem mbetet një problem i madh për formacionin e Duros, pasi shfaqi probleme fizike që shqetësuan jo pak trajnerin e bregdetarëve, me shumë mundësi nuk do t’ia dalë deri në fund.  

Pjesa e dytë nis me synime të qarta për të dy ekipet. Flamurtari kërkoi që të mbante rezultatin, ndërsa Skënderbeu të ndëshkonte rivalët. Danilo dha sinjalin e parë të rrezikshëm për Flamurtarin në minutën e 55-të duke goditur shtyllën. Skënderbeu reagoi shpejt dhe arriti të kalonte në avantazh. Një top i ardhur nga krahu i djathtë i fushës, bën që Sowe t’i vjedhë kohën Bicajt dhe ta dërgojë në rrjetë. Goli i jep krahë ekipit të Skënderbeut, pasi shënojnë sërish pas 2 minutash. I njëjti aksion nga krahu i djathtë, top i futur drejt qendrës së portës dhe Nimaga realizon një perlë. Deri në fund të ndeshjes, ekipi vendas u mundua të gjente golin, por pavarësisht ndërrimeve të trajnerit Duro nuk bëri asgjë. Skënderbeu shkon në finale, ndërsa vlonjatet mbyllin një tjetër sezon të dështuar, e vetmja shpresë është Evropa përmes kampionatit. Në fund, tifozët e kapin dhe me trajnerin Duro. “Duro ik, Duro ik”. /EDS

Kupa e Shqipërisë, gjysmëfinale

Flamurtari – Skënderbeu 0-2
E mërkurë, 18 prill 2018, ora 18:30, stadiumi Flamurtari
Shënues: Sowe 59’, Nimaga 61’

Flamurtari: Nurkoviç, Siljanovski, Bicaj, Pollozhani, Musta, Sidibe, Zuka (Touncara 66’), Usein, Juffo (Nedeljkovic 66’), Alves, Muarem (Hoxhaj 77’). Trajneri: Shpëtim Duro.
Skënderbeu: Teqja, Vangjeli, Radas, Aliti, Mici, Nimaga, Osmani, Lilaj, Gavazaj (Aliti 90'+2'), Sowe (Krasniqi 86’), Vila (Muzaka 72’). Trajner: Ilir Daja.
Gjyqtar: Laver Alla
Kartonë të verdhë: Zuka 28’ / Osmani 36’, Vangjeli 86’

 

Pacult pa doreza: Nuk ishte çështje fati, ja ku gabuam

Ti mund ta lexosh kete ne 2 min.
18 Prill 2018 18:22
Trajnerin pranon dështimin

Trajneri i Kukësit, Peter Pacult, u skualifikua pas një ndeshje me mjaft emocione ku ekipi i tij gaboi në shtëpi duke u barazuar nga Laçi (1-1). Një gol në fushën kundërshtare bën që skuadra kampione e Shqipërisë të humbë mundësinë të çojë një trofe të rëndësishme këtë vit, pasi kampionati është i pamundur. Kukësit kishte objektiv kryesor Kupën dhe e humbi këtë mundësi.

Skualifikimi – “Ishte një situatë jo e mirë, pasi donim që të arrinim finalen. E kishim në dorë deri në 15 minutat e fundit, por u mërzita si shkoi ndeshja në fund. U mërzita dhe me ekipin dhe mënyrën si e përjetuan. Kanë punuar shumë për t’u përballur me këtë zhgënjim. E dinim se rezultati 0-0 ishte i hapur, kaluam me meritë në avantazh, ndërsa në pjesën e dytë ekipi nuk funksionoi si duhet dhe u barazuam”. 

Varësia nga Guri dhe fati – “Jam kundër. Kemi bërë ndeshje të mira dhe nuk kemi patur gjëra me fat. Nëse flasim për fatin, duhet parë ku kemi qenë dhe ku kemi ardhur”.

Euforia – “Nuk mendoj se ka të bëjë me ndeshjen kundër Partizanit. Bëmë mirë për meritë tonë dhe jo të fatit. E them dhe njëherë se në pjesën e dytë nuk luajtëm mirë, Laçi ishte më mirë me kalimin me minutave”.

Pjesa e dytë - “Pjesën e dytë nuk luajtëm si duhet. Gabuam në pasime dhe lojtarët nuk kishin vetëbesim. Laçi mori kontrollin e lojës dhe kjo është arsyeja se pse nuk jemi në finale. Në pjesën e dytë e pamë se Laçi luajti shumë më mirë. Ata ishin me rezultat 1-0 dhe nuk kishin çfarë të humbisnin”, - përfundoi Paculti pas barazimit me Laçin. Numri një i stolit duhet të përballet dhe me presidentin Safet Gjici, pasi humbi një nga objektivat kryesor të klubit. Kupa e Shqipërisë ishte një shpëtim për sezonin e verilindorëve. /EDS/