MotoGP/ Albeto Puig menaxheri i ri i Honda-s

Ti mund ta lexosh kete ne 1 min.
12 Janar 2018 11:38
Ndryshime në ekip

Skuadra e Honda-s në MotoGP zgjodhi Alberto Puig-in si menaxherin e ri.

Spanjolli do të zëvendësojë Livio Suppo-n që vendosi të tërhiqet pas fitores së Marc Marquez-it.

Ish piloti u shpreh entuziast për detyrën e re: “Falënderoj skuadrën për këtë mundësi që më dha. Kam qenë i lidhur me Honda-n në 25 vitet e fundit të karrierës sime, në fillim si pilot, më pas si menaxher në kategoritë më të ulëta e më pas si trajner për shumë pilotë të rinj aziatikë. Të pasurit mundësinë e të qenit në këtë pozicion në një nga skuadrat më të suksesshme të MotoGP është një nder i madh për mua. Do të përqendrohem në punën time që ta ripaguaj Honda-n, duke e bërë sa më mirë dhe t’i ndihmoj të arrijmë objektivat.

Jam i sigurt se pilotët tanë do të jenë gati, e gjithashtu edhe skuadra jonë për të luftuar për titullin, me përulësi dhe vendosmëri”, deklaroi Puig-i.

Edhe drejtori i skuadrës, HRC, Tetsuhiro Kuwata u shpreh se ishte i lumtur që Alberto do të kryejë detyrën e menaxherit dhe se ka besim se ai do të që japë më të mirën.