Mou bëhet gati për vjedhjen e madhe, Pep në tension

Ti mund ta lexosh kete ne 1 min.
11 Janar 2018 14:28
Kjo ishte e papritur

Kjo është e papritur për Manchester City-n. “Qytetarët” janë në pritje të ardhjes së Alexis Sanchez-it në “Etihat Stadium”, por një ofertë e bërë nga rivalët e Manchester United-it mund t’ia prishë planet e thurura Pep Guardiola-s.

Sipas “Daily Mail”, “Djajtë e kuq” janë gati që t’i afrohen kërkesës ekonomike të Arsenalit për kilianin, e cila shkon rreth 35 milionë sterlina.

Për më tepër që Jose Mourinho është gati që të fusë në këtë marrëveshje edhe Henrikh Mkhitaryan-in.

Sigurisht që pasja e armenit në ekip e josh së tepërmi trajnerin Arsene Wenger.

City dhe Sanchez kanë arritur akordin personal, në bazë të së cilit, sulmuesi 29 vjeçar do të përfitojë 250 mijë sterlina në javë.

Por United ka llogaritur gjithçka dhe nuk do ta lërë të pakënaqur edhe Sanchez-in, për të cilin është gati që t’ia rrisë rrogën.

U përball me një shi kritikash, Mustafi replikon dhe zbulon të ardhmen

Ti mund ta lexosh kete ne 1 min.
24 Prill 2018 23:14

Mbrojtësi i Arsenalit, Shkodran Mustafi ka deklaruar se nuk i kushton shumë vëmendje kritikave në adresë të tij, pas disa gabimeve në ndeshjet e fundit të zhvilluara për “Gunners”. Futbollisti me origjinë shqiptare ka marrë kritika të shumta rreth rolit të tij në golin e parë të Manchester City-t në finalen e Kupës Carabao të luajtur në shkurt, duke pretenduar për një goditje të lirë pas një goditje të lehtë nga ana e Sergio Aguero.


Mustafi u kritikua më herët këtë muaj pasi ai i dha mundësinë Shane Long ta parakalonte, duke shënuar golin vendimtar për Southampton në Emirates. Pavarësisht se u kritikua nga shumë njerëz, për shkak të gabimeve, 26-vjeçari ka pohuar se ai është kritiku i tij më i madh. “Nuk i kushtoj vëmendje kritikave për aq kohë sa nuk është e nevojshme”, - deklaroi Mustafi për revistën gjermane “Kicker”.
“Unë jam kritiku im më i madh i vetes, por ndodh që disa njerëz preferojnë të flasin vetëm negativisht. Unë gjithmonë kam një film që luhet në mendjen time. Mund të jenë momente nga ndeshjet e mëparshme ose po mendoj mënyra si mund të mbrohem. Çfarëdo qoftë ajo, më ndihmon që të përqendrohem plotësisht në lojë”.


Edhe pse janë të shumtë ata që e kanë kritikuar, Mustafi gjithashtu deklaroi se është i lumtur në kryeqytet, pavarësisht se ka zëra për një largim të mundshëm në merkaton e verës. "Sezoni im ka qenë pak a shumë i njëjtë me atë të Arsenal-it, me ulje dhe ngritje, - shtoi ai. - Kohët e fundit besoj se po luaj mirë. Unë jam mirënjohës që luaj për një klub si ky, dua të luaj ku jam i lumtur dhe jam këtu jam i lumtur, sidomos kur jam i aftë të tregoj vlerat e mia”. /EDS/

City tërbon Napolin, bën gati 50 milionë paund për objektivin e Liverpool

Ti mund ta lexosh kete ne 2 min.
23 Prill 2018 23:22
Gara në Premier League

Manchester City është zhvendosur në ‘pole position’ mbi një lëvizje të propozuar prej 50 milionë sterlinash për mesfushorin e Napolit, Jorginho. Liverpool-i ishte konsideruar si një nga skuadrat favorite për të nënshkruar me mesfushorin e lindur në Brazil, që ka bërë përshtypje këtë sezon në qendër të mesfushës së Napolit. Megjithatë, City ka mbajtur bisedime produktive me përfaqësuesin e tij Joao Santos gjatë dy takimeve në javët e fundit dhe besohet ta ketë bindur atë për një lëvizje në “Etihad” këtë verë. Napoli i ka ofruar 26-vjeçarit një kontratë të re, ndërsa Manchester United ka shfaqur interes për mesfushorin e Italisë, i cili u transferua në Itali si një 17-vjeçar dhe ka pesë ndeshje me të kaltrit. City i bëri një ofertë zyrtare mesfushorit Fred të Shakhtar Dontesk në merkaton e janarit dhe braziliani ishte i gatshëm të bashkohej, por gatishmëria e United për t'i tejkaluar ato që ofrojnë “Qytetarët” për 25-vjeçarin, ka parë vlerën e asaj marrëveshje të përshkallëzohet.

Pavarësisht kësaj, Pep Guardiola ka qenë i impresionuar me Jorginho këtë sezon dhe pranon, se mund të përshtatet pothuajse në mënyrë të përsosur në stilin e City. Trajneri i kampionëve të Anglisë dëshiron të afrojë gjithashtu një mbrojtës, një tjetër brazilian, Eder Militao nga Sao Paulo është një opsion, ndërsa ylli i Leicester, Riyad Mahrez është ende në planet e tyre të rekrutimit të verës plus një sulmues me peshë të madhe. Pep kërkon të bëjë sërish shpenzime të mëdha në merkato me synimin e madh për të dominuar edhe në kompeticionet evropiane. Dëshira më e madhe e drejtuesve të Man City është suksesi në Champions League dhe trajneri spanjoll kërkon sërish disa lojtarë të mëdhenj për të rivalizuar skuadra me emër si: Real Madridi, Bayern Munchen apo Barcelona, që janë gjithmonë favorite pa filluar kompeticioni për ta ngritur lartën kupën. /EDS/

Salah shpallet ''më i miri", Guardiola acarohet se donte lojtarin e tij

Ti mund ta lexosh kete ne 2 min.
23 Prill 2018 12:36
Spanjolli nuk është fare dakord

Mohamed Salah është shpallur Lojtari më i mirë i Vitit për sezonin 2017-2018 në Premier League. Ylli egjiptian ka bërë një sezon të jashtëzakonshëm me fanellën e Liverpool, ku ka qenë vendimtar në shumicën e ndeshjeve. Ish-ylli i Romës dhe Chelseas, la pas lojtarët e tjerë që synonin këtë trofe si, belgu i Manchester City-t, Kevin De Bruyne, David Silva dhe Leroy Sane, së bashku me portierin e Manchester United, David de Gea dhe sulmuesin e Tottenham, Harry Kane. Salah dhe De Bruyne ishin pretendentët kryesorë për t'a fituar këtë çmim, por që në fund triumfoi sulmuesi i Liverpool. 25-vjeçari i "Të kuqve" ka shënuar 31 gola në 33 ndeshje të zhvilluara këtë sezon.

25-vjeçari u transferua nga "Olimpico" verën e kaluar në "Anfield" për 34 milionë paund, pas dy sezoneve që kaloi me kryeqytetasit italianë.

"Është një nder i madh. Nuk mendoj për vetën. Gjëja më e rëndësishme është të fitosh diçka me skuadrën dhe jemi shumë pranë tani në gjysmëfinale të Ligës së Kampionëve. Shpresoj që t'a fitojmë. Ekipi më ka ndihmuar shumë nga mënyra se si luajmë. Më pasojnë topin dhe përpiqen në shumë mënyra që të më gjejnë mua"- ka thënë lojtari pas marrjes së çmimit.

Salah është lojtari i parë në historinë e Premier League që arriti të fitonte çmimin “Lojtari më i mirë”, për tre muaj brenda një sezoni, në nëntor, shkurt dhe mars. Gjithashtu ai ishte i vetmi futbollist që u përfshi në formacionin më të mirë të vitit në kampionatin anglez.

Pep Guardiola është shprehur i pakënaqur për faktin që lojtari i tij, De Bruyne përsëri nuk e fitoi këtë çmim. Në një prononcim për median, ai theksoi se belgu e meritonte më shumë se kushdo tjetër.

“Nëse Kevin nuk fiton, atëherë përgëzoni fituesin. Po të shikoni dhe analizoni dhjetë muajt e fundit, nuk ka asnjë lojtar më të mirë se ai në këtë aspekt. Ndoshta në numër ka lojtarë më të mirë se ai, por nuk ka qenë asnjë më i mirë se ai këtë sezon, për mua ishte më i miri, por ky është mendimi im dhe lojtarët kanë opinionin e tyre. Gjithsesi verës ai do të jetë në shtëpi si një kampion”- ka thënë trajneri i Manchester Cityt. /EDS/

Neville është i sigurtë, Simeone trajneri i duhur për Arsenal

Ti mund ta lexosh kete ne 1 min.
23 Prill 2018 11:46
Ish-legjenda e United mendon për argjentinasin

Diego Simeone është i vetmi trajner që mund të zëvendësojë Arsene Wenger tek Arsenal. Kështu ka deklaruar legjenda e Manchester United, Gary Neville në një prononcim për Sky Sports.

Simeone do të përballet me Wenger ditën e enjte në kuadër të gjysmëfinales së parë në Europa League.

"Luis Enrique është favorit për të zënë vendin e Wenger por po pyes, nga këndvështrimi i mënyrës së të luajturit, kush është personi i duhur që mund të drejtojë Arsenal? Ata duhet të kenë një trajner që mund të përballojë peshën e tyre dhe kandidati i zgjedhur për mua është Diego Simeone. Sezon pas sezoni ai ka qenë sfidues, jo vetëm në Ligën e Kampionëve, por edhe në La Liga. Me një ekip që ka buxhet të madh, por jo si Barcelona dhe Real Madrid”- ka thënë Neville.

47-vjeçari arriti të fitojë La Ligan me Atleticon në sezonin 2013-2014, Copa de Ray në 2012-2013 dhe Europa League gjatë sezonit 2011-2012. Ai ka drejtuar gjithashtu Atleticon dy dy finalet e humbura të Ligës së Kampionëve gjatë edicionit 2013-14 dhe 2015-16.

Mediat britanike shkruajnë se ish-trajneri i Barcelonës, Luis Enrique është favorit për të marrë drejtimin e “Topçinjëve” sezonin e ardhshëm. Wenger konfirmoi largimin nga “Emirates Stadium” mëngjesin e të premtes së kaluar. Tekniku francez i dha fund aventurës me Arsenal pas një karriere të suksesshme 22-vjeçare. Ai u respektua nga lojtarët dhe mbarë futbolldashësit, përfshirë edhe ish-trajnerin Sir Alex Ferguson të Manchester United, i cili i dërgoi një mesazh përshëndetës dhe vlerësues për vendimin e marrë. /EDS/