Mourinho arsyetohet se pse Guardiola ka një trofe më shumë se ai

15 Maj 2019

Jose Morinho dhe Pep Guardiola janë padyshim ndër trajnerët më të suksesshëm të botës së futbollit.

I pari ka fituar deri më tani 25 tituj ndërsa spanjolli ka një më shumë, ku të fundit e ka fituar ditë më parë me Manchester Cityn duke shpallur kampion i Ligës Premier.

Trajneri portugez ka një arsyetim se pse homologu i tij ka më shumë tituj ani pse karrierën prej trajneri e ka filluar më vonë se ai.

“Kjo dëshmon se pse jam këtu, me njëzet e pesë tituj, nëse do të qëndroja në Porto dhe Inter pasi fitova Ligën e Kampionëve, do të kisha luajtur Superkupën Evropiane, atë kombëtare, Kupën e Klubeve dhe mund të kisha 31 tituj. Nuk përqendrohem në numra”, pohoi portugezi.

Ai më tutje ka folur rreth mundësisë së angazhimit te skuadra e Paris Saint-Germainit, ku ka mohuar se do të merr drejtimin e francezëve.

Ndryshe, 56-vjeçari sezonin e ri pritet të jetë trajner i ndonjërës prej skuadrave evropiane pas shkarkimit nga Manchester United. /Telegrafi/

www.telegrafi.com

ulaş utku bozdoğan
ulaş utku bozdoğan astrolog
ulaş utku bozdoğan