Mourinho ndjek nga afër skuadrën franceze Lille: Të punoj në një ligë të re do të ishte fantastike

18 Shkurt 2019
Mourinho ndjek nga afër skuadrën franceze Lille: Të punoj në një ligë të re do të ishte fantastike

Jose Mourinho ka dy muaj që është shkarkuar nga detyra si trajner i Manchester United.

Trajneri portugez u shkarkua nga Djajtë e Kuq pas rezultateve negative në kampionatin anglez.

Special One kishte një ofertë të menjëhershme nga skuadra e vendlindjes së tij Benfica por që e refuzoi atë.

Të dielën, Mourinho qëndroi në Francë ku ishte i ftuar nga skuadra franceze Lille për ta parë nga afër ndeshjen nga Montpellier.

Ka qenë klubi francez që ka postuar foton e ish-trajnerit të Interit, Chelseat e Realit nga stadiumi.

👉 Regardez qui est invité dans les travées du @StadePM pour assister à #LOSCMHSC 😉

Non, non, vous ne rêvez pas c’est bien José Mourinho, le « special one » en personne 🤩 pic.twitter.com/VE3iMxB0KB

— LOSC (@losclive) February 17, 2019

“Shikoni kush është i ftuari në stadium për ta parë ndeshjen. Jo, nuk jeni duke ëndërruar. Është Jose Mourinho, Special One, dora e vetë”, thuhej në njoftimin e klubit francez.

Lille që këtë vit është duke zhvilluar një kampionat fantastik ndodhet në pozitën e dytë në tabelë dhe barazoi pa gola 0-0 kundër Montpellier.

Pas ndeshjes ka folur vetë Jose Mourinho, ku ka thënë se do t’i pëlqente ta drejtonte ndonjë skuadër në një tjetër kampionat.

“Jam një njeri që kam punuar në katër kampionate të ndryshme dhe më pëlqen të mësoj kultura të reja”.

Lexo po ashtu: Të gjitha lajmet nga Jose Mourinho

“Të punoj në një ligë të re do të ishte fantastike, por tani për tani jam i qetë ku përpiqem të kaloj kohë me familjen dhe miqtë”.

“Jam duke punuar për të gjetur mundësinë e duhur për tu rikthyer si trajner”, tha Mourinho pas ndeshjes.

Portugezi nuk ka dashur të përmend emrat e ndonjë skuadre se ku ka oferta dhe ku mund ta vazhdoj karrierën e tij. /Telegrafi/

www.telegrafi.com